Skessuhorn - 12.11.2014, Blaðsíða 6

6 MIÐVIKUDAGUR 12. NÓVEMBER 2014
Tvö fíkniefnamál
LBD: Í liðinni viku komu upp
tvö fíkniefnamál í umdæmi lög-
reglunnar í Borgarfirði og Döl-
um. Í báðum tilfellum fundust
fíkniefni hjá fólki í bifreiðum
á leið í gegnum umdæmið og
fundust um 10 grömm af ætl-
uðu kókaíni í öðru málinu og
um 50 grömm af kannabisefn-
um í hinu. Afskipti voru höfð
af tveimur ökumönnum vegna
gruns um ölvun við akstur og
einn ökumaður til viðbótar er
grunaður um akstur undir áhrif-
um fíkniefna.
–þá
Húsnæði KG
stækkað
RIF: Unnið er að stækkun hús-
næðis KG fiskverkunar í Rifi.
Húsið sem um ræðir er á tveim-
ur hæðum og er samtals 2800
fermetrar að stærð. Húsið var
byggt árið 2007. Með nýbygg-
ingunni mun húsið stækka um
740 fm. Þar verður kælir, auk
þess að hausun og flokkun fisks
verður í nýja hlutanum. Mikið
hagræði felst í breytingunum
því fram til þessa hefur flokkun
og hausun farið fram í öðru húsi
með tilheyrandi flutningum.
Endurskipuleggja þarf vinnsl-
una með tilkomu nýbygging-
arinnar og verður hún því lík-
lega ekki tekin í notkun að fullu
fyrr en næsta sumar. Það er Vél-
smiðja Árna Jóns sem sér um
bygginguna en sér til aðstoðar
hafa þeir ráðið minni verktaka
af svæðinu. -grþ
Ók ölvaður í ríkið
AKRANES: Tveir ökumenn
voru teknir fyrir ölvun við akst-
ur á Akranesi í vikunni sem leið.
Annar ökumannanna var stöðv-
aður á leið í Vínbúðina og blés
hann 2,20 prómill, en hinn sem
stöðvaður var reyndist hafa 1,15
prómill við blástursmælingu.
Báðir voru handteknir og úr
þeim tekið blóð til nánari alko-
hólmælingar og sleppt að lok-
inni skýrslutöku. Þá var einn
tekinn fyrir akstur undir áhrif-
um fíkniefna á Akranesi í vik-
unni, en þvagpróf svaraði já-
kvætt við neyslu kannabisefna.
–þá
Selur eignarhlut-
inn í Landnáms-
setri
BORGARBYGGÐ: Byggðar-
ráð Borgarbyggðar samþykkti
á fundi sínum sl. fimmtudag
að selja 20% eignarhlut sveit-
arfélagsins í Landnámssetrinu
fyrir 3,5 milljónir króna. Var
sveitarstjóra falið að ganga frá
samkomulagi þess efnis. Tek-
ið er fram í samþykktinni sem
bíður afgreiðslu sveitarstjórn-
ar að ekki er verið að selja hús-
eignir sveitarfélagsins. Á fund-
inum var greint frá viðræð-
um við Kjartan Ragnarsson og
Sigríði M Guðmundsdóttir um
kaup þeirra á eignarhlut Borg-
arbyggðar í Landnámssetri Ís-
lands ehf. Í ársreikningi fyrir
árið 2013 kemur fram að tæp-
lega sjö milljóna króna hagn-
aður varð af rekstri félagsins á
árinu. Eignir Landnámsseturs
Íslands ehf. voru í árslok um 29
milljónir króna en skuldir um
44 milljónir.
–þá
Mæla
blóðsykurinn
BORGARBYGGÐ: Lions-
klúbbarnir í Borgarnesi ætla
að bjóða upp á blóðsykursmæl-
ingu föstudaginn 14. nóvem-
ber milli klukkan 15 og 17 í
Hyrnutorgi. Lágur blóðsyk-
ur er lúmskur sjúkdómur sem
getur leitt af sér sykursýki. Því
er mikilvægt að fólk láti mæla
blóðsykurinn reglulega. Það
er upplagt fyrir Borgnesinga,
Borgfirðinga og aðra að nýta
þetta góða tækifæri.
–mm
Hörð aftan-
ákeyrsla
LBD: Eitt umferðaróhapp
var tilkynnt til lögreglunnar í
Borgarfirði og Dölum í liðinni
viku. Var það nokkuð harður
árekstur, aftanákeyrsla, innan-
bæjar í Borgarnesi. Fundu öku-
menn til eymsla eftir óhappið.
Önnur bifreiðin var óökufær
á eftir og fjarlægð með krana-
bifreið. Í vikunni voru 15 öku-
menn stöðvaðir vegna hrað-
aksturs. Mældist sá sem hraðast
ók á 132 km þar sem hámarks-
hraði er 90 km. –þá
Torkennilegt ljós
HOLTAV.H: Björgunarsveit-
ir af Vesturlandi voru kallað-
ar út til leitar á Holtavörðu-
heiði eftir að neyðarblys, eða
annað torkennilegt ljós, sást á
lofti norðaustur af háheiðinni
rétt fyrir klukkan 18 á sunnu-
dagskvöldið. Ljósið sást nokk-
uð víða og ekki var talið útilok-
að að um einhverskonar nátt-
úrufyrirbæri hafi verið að ræða,
sagði í tilkynningu frá Lands-
björgu. Á fjórða tug björgun-
arsveitarmanna tók þátt í eftir-
grennslan og könnuðu svæðið
akandi og á fjórhjólum. Með-
al annars könnuðu þeir hvort á
svæðinu væru mannlausar bif-
reiðar eða önnur merki þess að
skotveiðimenn eða aðrir væru í
vanda staddir. Ekkert fannst og
var síðar um kvöldið ákveðið
að kalla leitarmenn heim. -mm
Nýlokið er framkvæmdum við að
endurnýja hluta þaks í þeirri bygg-
ingu sem reist var sem sláturhús í
Búðardal fyrir nokkrum áratug-
um, en þar er nú til húsa fyrirtæk-
ið Sæfrost. Það er þakið yfir kjöt-
salnum sem verið er að endurnýja,
en hann er stærsti vinnslusalur Sæ-
frosts, þar sem m.a. er unninn mak-
ríll, síld og frystur lax. Þakið hef-
ur verið lekt í talsverðan tíma og
því var orðið tímabært að endur-
nýja það. Fyrir framkvæmdunum
stendur fasteignafélagið Hvamm-
ur sem á sláturhúsbygginguna. Í því
félagi er sveitarfélagið Dalabyggð
stærsti eigandi, með 60% hlutafjár,
en meðal annarra hluthafa er Kaup-
félag Skagfirðinga.
Ingveldur Guðmundsdóttir er
stjórnarformaður í Hvammi en hún
er einnig sveitarstjórnarfulltrúi í
Dalabyggð. Hún sagði í samtali við
Skessuhorn að félaginu hafi ekki
verið stætt á öðru en að bæta að-
stöðuna til að uppfylla þær kröf-
ur um húsnæði sem gerðar eru til
matvælavinnslu. Sagði hún að í ljós
hafi komið að viðgerðin á þakinu
hafi orðið umfangsmeiri en gert var
ráð fyrir. Þakið er um 260 fermetr-
ar og var nokkur hluti þess ónýt-
ur. Halli er lítill á þakinu og á því
liggur því gjarnan vatn. Þakjárn var
mjög ryðgað og þakviðir mjög fún-
ir, auk þess sem bæta þurfti einangr-
un. Tekin var sú ákvörðun að leggja
pappa á þakið í staðinn fyrir járn.
Ingveldur sagði að pappi væri kom-
in á fleiri þök í sláturhússbygging-
unni og hann hefði reynst vel. Að-
spurð sagði hún að ekki lægi fyrir
hve kostnaðurinn við framkvæmd-
irnar er mikill. þá
Víða um land hefur verið safnað
fyrir hjartahnoðtækjum undanfar-
in misseri. Tækin bera heitið Lu-
cas og eru sjálfvirk og koma í stað
eins manns við endurlífgun og veit-
ir þar að auki mun árangursríkara
hnoð en nokkur maður getur, og
þreytist að sjálfsögðu ekki. Lucas er
ekki fyrir öðrum við endurlífgun en
með notkun þess skapast mun betra
rými fyrir bráðaliða, t.d. til að veita
öndunaraðstoð og lyfjagjöf sam-
hliða því að tækið hnoðar. Í vor var
farið af stað með söfnun fyrir svona
tæki til að hafa í sjúkrabílum HVE
í Ólafsvík. Áður höfðu Akurnesing-
ar riðið á vaðið með sambærilegri
söfnun, með afar góðum árangri.
Það voru Þórarinn Steingrímsson
hjá sjúkraflutningum í Ólafsvík og
Guðjón Hólm Gunnarsson aðstoð-
arvarðstjóri hjá Neyðarlínunni 112
sem stóðu fyrir söfnuninni í Ólafs-
vík. Þeir fengu Lionsklúbb Ólafs-
víkur til samstarfs við sig en klúbb-
urinn hélt utan um söfnunina. Í
upphafi var gert ráð fyrir að safna
þyrfti um 2,5 milljónum en núna í
október þegar söfnuninni lauk kom
í ljós að safnast hafði heldur meira
en það. Því var ákveðið að bæta
við auka rafhlöðu og hleðslutæki í
báða sjúkrabílana í Ólafsvík.Við af-
hendingu tækisins nýverið var tæk-
ið prófað á skyndihjálpardúkkunni
Önnu og voru viðstaddir sammála
um að tækið sé mjög góð viðbót við
annars ágætan tækjakost sjúkrabíl-
anna.
Á myndinni sem tekin var við af-
hendinguna eru frá vinstri: Guð-
jón Hólm Gunnarsson frá Neyð-
arlínunni 112, sjúkraflutningafólk-
ið Guðbjörn Ásgeirsson, Patryk
Zolobow, Axel K. Davíðson, Guð-
björg Jónsdóttir, Birna Dröfn Birg-
isdóttir, Þórarinn Steingrímsson
og lionsmennirnir Kristinn Krist-
ófersson, Marinó Mortensen og
Ari Bjarnason. Fyrir framan hóp-
inn er skyndi hjálpardúkkan Anna.
„Fyrirtækjum, félögum og einstak-
lingum sem tóku þátt í söfnuninni
eru færðar kærar þakkir fyrir,“ seg-
ir í tilkynningu.
mm/þa
Söfnun á Lucas hjartahnoðtæki
lokið í Ólafsvík
Sláturhússbyggingin í Búðardal.
Endurnýjað þak sláturhússins í Búðardal