Skessuhorn - 12.11.2014, Blaðsíða 8
8 MIÐVIKUDAGUR 12. NÓVEMBER 2014
Uppskeruhátíð
ferðaþjónustunnar
VESTURLAND: Fólk sem
rekur fyrirtæki og starfar innan
ferðaþjónustu á Vesturlandi kem-
ur saman til skrafs og ráðagerða
á Hernámssetrinu að Hlöðum á
Hvalfjarðarströnd á fimmtudags-
morgun 13. nóvember. Þetta er
árlegur haustfundur eða upp-
skeruhátíð þar sem farið er yfir
stöðu greinarinnar í landshlut-
anum og lögð á ráðin fyrir næsta
ferðaár. Haldin verða erindi með
umræðum. Síðan verður fundað
í Bíóhöllinni á Akranesi eft-
ir hádegi, auk þess sem leggja á
í óvissuferð um Akraneskaupstað
og Hvalfjarðarsveit. Deginum
lýkur með sameiginlegum máls-
verði á Hótel Glymi á Hvalfjarð-
arströnd og þar geta þeir sömu-
leiðis gist sem vilja. -mþh
Hæstiréttur
dæmdi Ólínu í vil
REYKHÓLAR: Hæstiréttur
kvað á fimmtudag í síðustu viku
upp dóm í máli Ólínu Kristínar
Jónsdóttur, eiganda jarðarinnar
Miðhúsa í Reykhólasveit, gegn
íslenska ríkinu varðandi landa-
merki Miðhúsa og Barma, sem
er í eigu ríkisins. Á þeim land-
skika sem um var deilt er malar-
náma og telur Ólína að hún eigi
rétt á greiðslu fyrir malarefni
sem þar er tekið, enda sé það á
hennar landskika. Niðurstaða
Hæstaréttar féll Ólínu í vil. Sam-
kvæmt dómnum tilheyrir land-
skikinn sem deilt var um, sem
og malarnáman, Miðhúsum en
ekki Börmum. Þá var ríkið jafn-
framt dæmt til að greiða Ólínu
1.500.000 króna í málskostnað í
héraði og fyrir Hæstarétti. –grþ
Lokun skekkir
tölur um umferð
HVALFJ: Umferð í Hvalfjarðar-
göngum var 3,4% minni í októ-
ber en í sama mánuði í fyrra. Sá
samanburður segir lítið í ljósi þess
að lokað var vegna malbikunar frá
kvöldi 17. október til morguns
20. október vegna malbikunar.
Á heimasíðu Spalar segir að ætla
megi að teljarar hefðu sýnt 3-4%
aukningu umferðar frá í fyrra ef
göngin hefðu verið opin alla daga
októbermánaðar. Vegagerðin
upplýsir að umferð á hringvegin-
um hafi aukist um 3,4% í októ-
ber, mest á Austurlandi. Vestur-
land var eini landshlutinn þar
sem samdráttur mældist í umferð
frá í fyrra, eða um 1%. Skýringin
á því er vitaskuld sú að Hvalfjarð-
argöngin voru lokuð um tíma í
mánuðinum. –þá
Listasprettur í
Landnámssetri
BORGARNES: Sunnudag-
inn 16. nóvember klukkan 16
verður Listasprettur í Land-
námssetrinu í Borgarnesi. Er
það klukkustundar löng dagskrá
þar sem þrjár listakonur ætla að
bjóða gestum upp á notalega
stund með tónlist og upplestri.
Jóhanna V. Þórhallsdóttir söng-
kona flytur lög af nýjum diski
sínum Söngvar á alvörutímum,
Halla Margrét Jóhannesdóttir
rithöfundur og leikari les texta
m.a. úr ljóðabók sinni 48 og
Ólöf Ingólfsdóttir rithöfundur
og dansari les úr nýju verki sem
heitir Dagar og nætur í Buenos
Aires. Aðgangur er ókeypis og
eru allir hjartanlega velkomn-
ir, segir í tilkynningu frá Land-
námssetrinu. –mm
Ráðstefna um
berjarækt
SUÐURLAND: Í tilefni þess að í
haust eru 75 ár frá því Garðyrkju-
skóli ríkisins hóf starfsemi á Reykj-
um í Ölfusi efnir LbhÍ til ráðstefnu
sem haldin verður á Reykjum nk.
föstudag 14. nóvember. Meg-
inþema ráðstefnunnar er efling
berjaræktar á Íslandi, hvar liggja
sóknarfærin og hvað ber að varast.
Meðal fyrirlesara verður norski
garðyrkjuráðunauturinn Åge Jør-
gensen sem mun fjalla um mikla
eflingu berjaræktunar í Noregi síð-
ustu ára. Åge hefur mikla reynslu
af vinnu með garðyrkjubændum
sem stunda bæði berja- og ávaxta-
rækt. Hann hefur sl. ár þróað nýj-
ar aðferðir við ræktun berja í gróð-
urhúsum og í köldum dúkhúsum.
Åge hefur unnið með ýmsar teg-
undir berja og má þar t.a.m. nefna
jarðarber, hindber, bláber, sólber,
rifsber og kirsuber. Einnig verður
fjallað um stöðu mála í berjarækt á
Íslandi í dag á ráðstefnunni. –þá
Ný samtök
í sjávarútvegi
LANDIÐ: Nýverið fór fram stofn-
fundur Samtaka fyrirtækja í sjávar-
útvegi en þau verða nú til með sam-
einingu Landssambands íslenskra
útvegsmanna (LÍÚ) og Samtaka
fiskvinnslustöðva. Kolbeinn Árna-
son, nýr framkvæmdastjóri Sam-
taka fyrirækja í sjávarútvegi, leiddi
sameininguna. Formaður nýrra
samtaka er Jens Garðar Helga-
son framkvæmdastjóri Fiskimiða á
Eskifirði. Vefslóð nýju samtakanna
verður sjavarutvegurinn.is og kem-
ur fram í tilkynningu nýja félagsins
að vefur LÍU verði ekki upfærður
oftar. –mm
Aflatölur fyrir
Vesturland
1. - 7. nóvember.
Tölur (í kílóum) frá Fiskistofu:
Akranes 5 bátar.
Heildarlöndun: 8.344 kg.
Mestur afli: Emilía AK: 4.169 kg
í tveimur löndunum.
Arnarstapi 6 bátar.
Heildarlöndun: 74.320 kg.
Mestur afli: Kristinn SH: 28.141
kg í fjórum löndunum.
Grundarfjörður 9 bátar.
Heildarlöndun: 214.681 kg.
Mestur afli: Hringur SH: 70.208
kg. í einni löndun.
Ólafsvík 7 bátar.
Heildarlöndun: 39.550 kg.
Mestur afli: Egill SH: 8.521 kg í
tveimur löndunum.
Rif 13 bátar.
Heildarlöndun: 190.480 kg.
Mestur afli: Saxhamar SH:
46.925 kg í einni löndun.
Stykkishólmur 6 bátar.
Heildarlöndun: 45.367 kg.
Mestur afli: Hannes Andrésson
SH: 18.566 kg í fjórum löndun-
um.
Topp fimm landanir
á tímabilinu:
1. Hringur SH – GRU:
70.208 kg. 5. nóvember
2. Saxhamar SH – RIF:
46.925 kg. 7. nóvember
3. Grundfirðingur SH – GRU:
44.599 kg. 6. nóvember
4. Tjaldur SH – RIF:
37.661 kg. 3. nóvember
5. Steinunn SH – ÓLV:
32.772 kg. 5. nóvember mþh
Öruggur sigur Borgarbyggðar í Útsvari
Borgarbyggð hafði fullan og
öruggan sigur í viðureign sinni við
Skagaströnd í spurningaþættinum
Útsvari í Ríkisútvarpinu á föstu-
dagkvöldið. Þegar upp var staðið
var lið Borgarbyggðar með 68 stig
en Skagstrendingar hlutu 29. Það
má því segja að sigurinn hafi verið
öruggur enda hélt Borgarbyggð
forystu allan tímann.
Lið Borgarbyggðar skipa þau
Stefán Gíslason, Eva Hlín Al-
freðsdóttir og Jóhann Óli Eiðs-
son. Tvö önnur lið af Vesturlandi
munu taka þátt í Útsvari á þess-
ari vertíð. Það eru Stykkishólm-
ur sem mætir Ísafjarðarbæ 21.
nóvember. Loks hittir Akranes
fyrir lið Seltjarnarness föstudags-
kvöldið 5. desember. mþh
Sigurlið Borgarbyggðar í Útsvari. Frá vinstri; Jóhann Óli Eiðsson, Eva Hlín Alfreðs-
dóttir og Stefán Gíslason. Myndin er skjáskot af vef RUV þar sem hægt er að horfa
á þáttinn.
Jónas Geirsson tannlæknir á Akranesi
lektor og fagstjóri við HÍ
Jónas Geirsson tannlæknir á Akra-
nesi hefur verið ráðinn í stöðu lekt-
ors og fagstjóra í tannfyllingu og
tannsjúkdómafræðum við Tann-
læknadeild Háskóla Íslands. Jón-
as hefur kennt við Tannlæknadeild
HÍ sem lektor í hlutastöðu frá 2007.
Þá veitir hann þjónustu á skurðdeild
Heilbrigðisstofnunar Vesturlands
vegna sjúklinga sem þurfa á svæf-
ingu að halda.
Jónas lauk kandídatsprófi í tann-
læknisfræði frá Háskóla Íslands árið
1988. Hann lagði stund á fram-
haldsnám í tannfyllingu, tannlýta-
lækningum og tannsjúkdómafræði
við University of North Carolina
at Chapel Hill (UNC) í Bandaríkj-
unum á árunum 2001-2004. Það-
an útskrifaðist hann með meistara-
próf árið 2004. Jónas sinnti kennslu
við skólann samhliða námi. Hann er
eigandi og stofnandi JG tannlækna-
stofu sf á Akranesi. Jónas hefur ver-
ið virkur félagsmaður í Tannlækna-
félagi Íslands og í ritnefnd Tann-
læknablaðsins frá 2004. Auk þess
hefur hann haldið fyrirlestra og rit-
að greinar í ritrýnd fagtímarit bæði
erlendis og hérlendis.
Jónas er kvæntur Hafdísi Dögg
Hafsteinsdóttur upplýsingafræðingi
við Háskólann í Reykjavík. Saman
eiga þau tvö börn, Trausta Geir og
Dagmar Elsu.
mþh
Jónas Geirsson, tannlæknir. Jónas við störf ásamt aðstoðarkonu. Í frístundum er hann mikið fyrir útivist,
knattspyrnu og stundar dómgæslu í þeirri íþrótt.
Lárus Ástmar Hannesson er nýr formaður LH
Lárus Ástmar Hannesson frá hesta-
mannafélaginu Snæfellingi í Stykk-
ishólmi er nýr formaður Lands-
sambands hestamannafélaga (LH).
Þetta var niðurstaða framhalds-
þings LH sem haldið var í Reykja-
vík á sunnudaginn. Lárus bar sig-
urorð í kjöri til formanns gegn
mótframbjóðanda sínum sem var
Stefán Ármannson frá Skipanesi í
Hvalfjarðarsveit, félagi í Dreyra.
Lárus Ástmar fékk 88 atkvæði
gegn 62 atkvæðum sem greidd
voru Stefáni. Fjórir atkvæðaseðlar
voru auðir. Þriðji frambjóðandinn
til formennsku, Kristinn Hugason,
dró framboð sitt til baka áður en
gengið var til kosninga.
Formannsskiptin koma í kjöl-
far mikilla átaka innan LH með-
al annars vegna deilna um stað-
setningu landsmóts sumarið 2016.
Þessar deilur náðu hámarki í októ-
ber þegar fyrrverandi formaður og
gervöll stjórnin gekk frá borði og
sagði af sér.
Lárus Ástmar hefur mikla
reynslu af félagsmálum, með-
al annars sem sveitarstjórnarmað-
ur í Stykkishólmi. Síðustu mánuði
fyrir sveitarstjórnarkosningarnar
gegndi hann stöðu bæjarstjóra þar
en hann var oddviti meirihlutans
á síðasta kjörtímabili. Hann sit-
ur í varastjórn Hestamannafélags-
ins Snæfellings. Síðast en ekki síst
hefur Lárus Ástmar stundað hesta-
mennsku og tamningar um árabil.
mþh
Vestlendingurinn og Hólmarinn Lárus Ástmar Hannesson er nýr formaður Lands-
sambands hestamannafélaga.
Eggert Herbertsson nýr rekstrarstjóri Skagans
Skaginn hf og Þorgeir og Ellert hf
á Akranesi hafa ráðið Eggert Her-
bertsson í starf rekstrarstjóra, sem
er nýtt starf hjá félögunum. Egg-
ert hefur síðustu níu ár verið fram-
kvæmdastjóri Upplýsingatækni-
félagsins Omnis. Þar áður starfaði
hann hjá Nýherja og áður í ýmsum
stjórnunarstörfum í sjávarútvegi.
Eggert Herbertsson er með B.Sc
og MBA gráður í viðskiptafræð-
um. Hann er kvæntur Ingibjörgu
Valdimarsdóttur, framkvæmda-
stjóra og bæjarfulltrúa á Akranesi,
og eiga þau saman þrjú börn.
Skaginn hf og Þorgeir og Ell-
ert hf hafa um árabil verið meðal
burðarása í atvinnulífinu á Akra-
nesi. Eins og lesendum Skessu-
horns er kunnugt hafa félögin
einnig náð mjög góðum árangri
erlendis síðustu misseri. Þessi fyr-
irtæki eru einnig leiðandi hluthafi í
fyrirtækinu 3X Technology sem er
með höfuðstöðvar á Ísafirði.
mþhEggert Herbertsson.