Skessuhorn - 12.11.2014, Blaðsíða 10
10 MIÐVIKUDAGUR 12. NÓVEMBER 2014
Litlar vegaframkvæmdir á
Vesturlandi á næsta ári
Litlar nýframkvæmdir verða hjá
Vegagerðinni á Vesturlandi á næsta
ári, sem og annarsstaðar á landinu.
Magnús Valur Jóhannsson svæðis-
stjóri hjá Vegagerðinni á Norðvest-
ursvæði segir að stærsta nýfram-
kvæmdin á Vesturlandi, sem áætl-
uð er á næsta ári, sé í Hvítársíðu í
Borgarfirði. Framkvæmdin teljist
til bundins slitlags á tengivegi og til
hennar teknir peningar af óskiptu
fé Vegagerðarinnar. Sá vegarkafli
sem tekinn er fyrir á næsta ári er
við Hvítá, af Reykholtsdalsvegi við
Stóra-Ás yfir ána að Bjarnastöð-
um í Hvítársíðu. Frá Bjarnastöð-
um er lagt bundið slitlag á veginn
að tveimur sumarhúsahverfum í
Bjarnastaðalandi. Þá verður einnig
tekið af óskiptu fé Vegagerðarinn-
ar til tengivega að ljúka lagningu
bundins slitlags á Svínadalsveg í
Hvalfjarðarsveit. Þar eru eftir tveir
kílómetrar af átta í framkvæmd
sem unnin var í sumar á veginum
frá Leirársveitarvegi að Kambshóli.
Magnús Valur segir að viðhalds-
verkefni verði nokkuð hefðbundin
á vegum á Vesturlandi á næsta ári.
Vegagerðin hefur lagt nokkra
áherslu á öryggisframkvæmdir að
undanförnu. Nýlokið er örygg-
isframkvæmd við Vesturlandsveg
í Leirársveit, þar sem aðrein var
gerð við gatnamótin í Hvalfjörð.
Þá var einnig í sumar gert svokallað
framhjáhlaup við gatnamót Vest-
urlandsvegar og Leirársveitarveg-
ar. Stærsta öryggisframkvæmdin
á Vesturlandi, sem lokið var við á
þessu ári, er við gatnamót Vestur-
landsvegar og Borgarfjarðarbrautar
sunnan Borgarfjarðarbrúar. þá
Umferðaröryggi hefur verið aukið við gatnamót Vesturlandsvegar og Hval-
fjarðarvegar með aðrein.
Gatnamótin eru orðin rúm og góð inn á Borgarfjarðarbraut sunnan Borgar-
fjarðarbrúar.
Undir bláhimni
brennisteinsmóðu
Vestlendingar hafa ekki farið var-
hluta af loftmengun frá eldgosinu
í Holuhrauni sem staðið hefur yfir
síðan í ágúst. Mengun af brenni-
steinsgasi hefur ítrekað farið yfir
hættumörk í landshlutanum. Eng-
ir sítengdir gasmælar eru þó stað-
settir á Vesturlandi, utan mæla á og
við stóriðjusvæðið á Grundartanga.
Handvirkir mælar munu þó finnast
í fórum lögreglunnar í Borgarnesi
og Stykkishólmi.
Ný stjórn Heilbrigðisnefndar
Vesturlands hafði þessi mál til um-
fjöllunar á fyrsta fundi sínum nú í
nóvember. Hún hefur nú óskað eft-
ir því við Umhverfisstofnun að nú
þegar verði bætt úr þessu ástandi og
mælum fjölgað á Vesturlandi. Þar
er átt við að bragarbót verði gerð í
fjölda síritandi og nettengdra meng-
unarmæla. Óljóst er hvert svarið
verður við þessum áheitum.
Myndin sem hér fylgir með var
tekin í síðustu viku til Akrafjalls
úr Skarfavör á Akranesi. Hún sýn-
ir hvernig fjallið var þá í mistri gas-
móðunnar í logninu þar sem aldan
lék við fjöruborð Skipaskaga. Ljós-
myndin rifjar upp vísukorn eftir
Gísla Ásgeirsson sem birtist í Vísna-
horni Dagbjartar Dagbjartssonar
hér í Skessuhorni í síðustu viku.
Undir bláhimni brennisteinsmóðu
barst í lungu mín díoxínryk
þar sem mófuglar másandi stóðu
maður hleypur víst ekki í spik.
Hóstandi kom ég í hlaðið
þar sem heimiliskettinum brá
heilmikið hresstist við baðið
nú er húðin svo fallega grá.
Fáum sögum fer af því að gosið sé
á enda. Vissara er því fyrir íbúa Vest-
urlands að fylgjast vel með fréttum
og spám um gasmengun.
mþh
Akrafjallið séð frá Skarfavör á Akranesi eitt síðdegið í síðustu viku.
Heitavatnstankurinn á að verða tilbúinn fyrir jólin
Framkvæmdum við smíði nýs miðl-
unartanks Orkuveitu Reykjavík-
ur fyrir Akranes hefur miðað vel
að undanförnu. Guðbergur Ást-
ráðsson verkstjóri hjá Ístak, sem er
verktaki við smíðina, segir að áætlað
sé að verkinu og frágangi við tank-
inn sjálfan verði lokið um miðjan
desembermánuð, þannig að vara-
forði á heitu vatni verði kominn í
tankinn fyrir jólin. Smíði tanks-
ins hefur staðið yfir í sumar og er
hann nú kominn í fulla hæð, sem er
tólf metrar. Byrjað er að einangra
og klæða þak tanksins og gert er
ráð fyrir að suðuvinnu ljúki í næstu
viku. Þá verður eftir að sandblása
tankinn að innan og sementskústa,
sem og að einangra og klæða tank-
inn að utan.
Smíði miðlunartanksins er mann-
frek framkvæmd en hann er um það
bil þrisvar sinnum stærri en sá miðl-
unartankur sem fyrir er og áfram
verður í notkun. Þegar blaðamaður
Skessuhorns heimsótti smíðastað
á mánudaginn voru um tuttugu
manns að störfum. Tankurinn er
enn stærri þegar inn í hann er kom-
ið en fólk gerir sér grein fyrir séð
frá veginum. Í honum gæti hæglega
rúmast einn körfuboltavöllur. Til-
koma nýja miðlunartanksins á að
tryggja afhendingaröryggi á heitu
vatni til bæjarbúa, þótt uppkomi
tvær eða jafnvel þrjár bilanir á að-
veituæðinni á sama sólarhringnum.
Ástand vatnsmála á Akranesi hefur
ekki verið gott síðustu vetur og þá
komið til tímabundinna skammt-
ana á vatni. Af þeim sökum ákváðu
forsvarsmenn OR í lok síðasta ár
að færa byggingu miðlunartanks-
ins stóra framar í framkvæmdaáætl-
un OR, en hann var áður á áætlun
2017. þá
Nýi miðlunartankurinn er kominn í fulla hæð og smíðin komin á lokastig. Smiðir eru að einangra og klæða þak tanksins.
Einar Guðleifsson og Ólafur Rúnar Guðjónsson voru að vinna við inntaks-
búnaðinn í tankinn.
Inni í tanknum gætu rúmast allstór íþróttavöllur.Áætlað er að suðuvinnunni ljúki í
næstu viku.