Skessuhorn - 17.12.2014, Blaðsíða 34

34 MIÐVIKUDAGUR 17. DESEMBER 2014
Árleg kaffistofukeppni kennara í
Grundaskóla var haldin síðastlið-
inn föstudag. Keppnin var nú hald-
in í sjöunda sinn og nýtur hún vax-
andi vinsælda innan skólans með
hverju ári sem líður. Keppt er um
hverjir eiga best skreyttu deildar-
kaffistofuna í skólanum og tók hvert
stig fyrir ákveðið þema og skreytti
sína deild. Í ár voru skreytingarnar
hver annarri skemmtilegri og mik-
ið fjör í skólanum. Sífellt fleiri koma
og skoða og kíktu fjölmargir for-
eldrar og leikskólabörn í heimsókn
í skólann og höfðu gaman af. Óháð
dómnefnd var fengin til að velja sig-
urvegarana og skipuðu þau Reg-
ína Ásvaldsdóttir bæjarstjóri, Stein-
ar Adolfsson og Svala Hreinsdóttir
dómnefndina í ár.
Keisaramörgæsir,
Frozen og skíðaskáli
Mikill metnaður einkenndi skreyt-
ingar starfsfólksins í ár. Á unglinga-
deildinni var búið að skapa Suð-
urpólinn þar sem keisaramörgæs-
ir voru á vappi hér og þar. Þá hafði
jólasveinninn eitthvað villst af leið
og var staddur á Suðurpólnum
þennan daginn í stað Norðurpóls-
ins. Nemendur deildarinnar sungu
lagið „Hjálpum þeim“ þegar dóm-
nefndin mætti á svæðið og lék jóla-
sveinninn undir á píanó. Miðstigið
var fagurlega skreytt eftir Frozen
þema. Starfsfólkið hafði gert fal-
legan Frozen helli með tilheyrandi
snjókornum og skrauti og börnin á
miðstiginu sungu fallegt lag úr kvik-
myndinni þegar dómnefndin nálg-
aðist. Þá höfðu lista- og verkgrein-
ar ásamt stjórnunarálmunni gert
skíðaálmuna Alpagrund á neðstu
hæð skólans. Þar voru allir íklædd-
ir kuldagöllum og skíðum stillt upp
við veggi og gerður hlýlegur skíða-
skáli.
Leynigestur á
Suðurpólnum
Starfsfólk yngsta stigs skólans tók
keppnina skrefinu lengra en aðrir í
ár og fékk leynigest sem kom dóm-
nefndinni og öðrum verulega á óvart.
Þeirra skreyting var Suðurpóllinn
og snerist um að fanga augnablik-
ið þegar göngugarpurinn Vilborg
Arna Gissurardóttir var ein á Suð-
urpólnum á jóladag fyrir tveimur
árum. Stofan var skreytt með gervi-
snjó, búið að tjalda kúlutjaldi og ef
vel var hlustað mátti heyra vindinn
nauða, líkt og á Suðurpólnum. Sjálf
Vilborg Arna lá í tjaldinu á Suður-
pól yngsta stigsins og steig óvænt
út úr því þegar dómnefndin mætti á
svæðið, steinhissa á því að vera ekki
lengur ein á pólnum.
Úrslit í keppninni verða svo til-
kynnt í árlegri jólahangikjötsveislu
starfsmanna 19. desember næst-
komandi. grþ
Óvæntur gestur á kaffistofukeppni Grundaskóla
Starfsfólkið á miðstigi var klætt eins og persónur úr vinsælu kvikmyndinni Frozen.
Skíðaálman Alpagrund var jólaleg með eindæmum. Fyrir innan þennan vegg
mátti svo finna skíðaskála.
Frozen hellir miðstigsins var fagurlega skreyttur.
Kennarar í unglingadeild skólans voru
keisaramörgæsir í einn dag.
Hjördís Dögg Grímarsdóttir kennari í
unglingadeild bakaði flotta mörgæsa-
köku sem nýtt var sem skreyting.
Skíðafólk við Alpagrund. Spurning hvort þessu starfsfólki varð ekki heitt í vinnunni þegar líða fór á daginn?
Jólasveinninn útdeildi sælgæti og
piparkökum til nemenda og gesta í
unglingadeildinni.
Vilborg Arna göngugarpur lá í leyni í tjaldi á Suðurpól yngsta stigsins.
Snjókarlar yngsta stigsins ásamt Vilborgu Örnu
Gissurardóttur.
Dómnefndin stillti sér upp með leynigestinum.