Skessuhorn - 17.12.2014, Blaðsíða 46

46 MIÐVIKUDAGUR 17. DESEMBER 2014
ins á Kirkjubraut 40, en sá samningur rennur út í árslok 2015.
Húsið er orðið of lítið fyrir starfsemina, enda eru félagsmenn
um 650. Skrifað var undir kaupsamning á húsinu 26. mars.
Hætt við áform um
sameiningu háskóla
Ekkert varð af áformum um sameiningu Landbúnaðarhá-
skóla Íslands og Háskóla Íslands, en menntamálaráðherra tók
ákvörðun þar um í mars. Unnið hafði verið að því um nokk-
urra mánaða skeið að LbhÍ yrði hluti af HÍ og í þeim breyting-
um áttu að felast auknir fjármunir inn í rekstur starfseminnar
til að efla hana og styrkja, sérstaklega á Hvanneyri og Reykj-
um. Stefnubreytingin þýðir að LbhÍ verður áfram sjálfstæður
skóli. Rektor skólans, Ágúst Sigurðsson, lýsti yfir vonbrigð-
um sínum en sveitarstjóri Borgarbyggðar, Páll S. Brynjarsson,
taldi um áfangasigur að ræða fyrir heimamenn. Þess má geta
að þeir eru nú báðir horfnir til annarra starfa, Ágúst er sveit-
arstjóri Rangárþings ytra en Páll var ráðinn framkvæmdastjóri
Samtaka sveitarfélaga á Vesturlandi. LbhÍ hefur verið í tölu-
verðum fjárhagserfiðleikum undanfarin ár og þurfti að grípa
til aðgerða í starfsmannamálum. Undir lok árs fékk skólinn
55 milljón króna aukafjárveitingu, en enn er óvíst hvað verð-
ur um sameiningaráform því þrátt fyrir tilkynninguna í maí
stendur vilji menntamálaráðherra enn til sameiningar.
Stærstu manngerðu
ísgöng í heimi
Framkvæmdir við gerð
ísganga fyrir ferðamenn
hófust í Langjökli í mars.
Undirbúningur hef-
ur staðið yfir í fjögur ár
en fullgerð verða göngin
einn stærsti manngerði ís-
hellir í heimi. Göngin eru
hátt á jöklinum og öflug-
ir jöklabílar nýttir til að
flytja gestina upp frá jök-
ulrönd. Samið var við
Byggingarfélagið Balta
ehf. um vinnu við gerð
ganganna en tæknimenn
á vegum verkfræðistof-
unnar EFLU hafa um-
sjón með framkvæmdina. Til stendur að útbúa magnaða sýn-
ingu fyrir innlenda og erlenda ferðamenn í ísgöngunum og er
markmiðið að þarna verði stærstu manngerðu íshellar í heimi
og verða herlegheitin opnuð fyrir ferðamönnum næsta sumar.
Í október grófu verktakar þvert á stóra sprungu í jöklinum og
eins og sjá má á myndinni er mannskepnan agnarsmá í miðju
sjónarspili náttúrunnar.
Fyrsti svæðisgarðurinn á Íslandi
Sameiginleg sýn um auðlindir og þróun Snæfellsness var fest
í sessi þegar samstarfssáttmáli um stofnun og rekstur Svæð-
isgarðsins Snæfellsness var undirritaður 4. apríl. Um fyrsta
svæðisgarðinn á Íslandi er að ræða, en að stofnun hans standa
sveitarfélögin fimm á Snæfellsnesi, félagasamtök í atvinnu-
lífi; búnaðarfélög, ferðamálasamtök, félag smábátaeigenda og
Starfsmannafélag Dala- og Snæfellssýslu. Svæðisgarðurinn
er framtak heimamanna og voru lögð drög að honum fyrir
um tveimur árum. Afrakstur er samningur sem byggður er á
langtímasýn og vilja til varanlegs samstarfs, en samstarfsaðil-
ar gera sér far um að nýta sérstöðu Snæfellsness við uppbygg-
ingu fjölbreyttara og styrkara atvinnulífs og þjónustu.
HB Grandi í Kauphöll
Um 27% af útgefnum hlutum í HB Granda voruð boðin út
í apríl og skilaði það um 23 milljörðum króna. Félagið var í
kjölfarið skráð í Kauphöll Íslands, en miðað við útboðið nem-
ur virði allra hluta í félaginu um 50 milljörðum króna. Alls
óskuðu um 3.000 fjárfestar eftir kaupum á hlutabréfum í HB
Granda, en seljendur voru Arion banki hf., Vogun hf. og Fisk-
veiðahlutafélagið Venus hf.
Strandveiðar minnkuðu
til muna
Mun færri bátar hófu strandveiðar í ár en í fyrra og hefur bát-
um farið fækkandi með hverju ári frá því veiðarnar hófust árið
2012. Alls sóttu 169 um leyfi frá svæði A í ár, en á því svæði má
búast við að flestir geri út frá Snæfellsnesi. Þá sóttu 74 um á
svæði D, en það nær frá Höfn, suður um og til og með Borg-
arbyggð. Alls sóttu 350 um strandveiðileyfi á landinu öllu, í
fyrra voru þeir 462, en árið 2012 sóttu 757 bátar um leyfi.
Minni ásókn í strandveiðileyfi nú gæti helgast af því að marg-
ir hugðust frekar gera út á makrílveiðar. Þá gengu strandveið-
arnar fremur illa í fyrrasumar og kann það að hafa fælt menn
frá veiðunum. Veiðarnar í ár gengu ágætlega, þó enn ríki
óánægja hjá sjómönnum um misskiptingu kvóta eftir svæðum,
að meiri kvóta ætti að úthluta á svæði A.
Sólarhringsvakt hjá
lögreglunni að nýju
Mánudaginn 12. maí hófst sólarhringsvakt að nýju hjá lög-
reglunni á Akranesi, en rúm þrjú ár voru þá liðin síðan hætta
þurfti sólarhringsvakt hjá embættinu sökum skertra fjárveit-
inga. Innanríkisráðherra veitti 500 milljónum króna til efling-
ar lögregluembætta fyrr á árinu. „Nú teljum við okkur geta
eflt lögregluna að nýju með fjölgun lögreglumanna sem ekki
síst verður til þess að minnka álagið á mannskapnum,“ sagði
Halla Bergþóra Björnsdóttir, sýslumaður á Akranesi, í sam-
tali við Skessuhorn í tilefni af breytingunum. Undir árslok var
tekin ákvörðun um hvar lögreglustjóri Vesturlands verði eft-
ir að breytingar tóku gildi um umdæmi lögreglustjóraemb-
ætta og sýslumanna. Eftir áramót verður sýslumaður Vestur-
lands með aðsetur í Stykkishólmi en lögreglustjóri Vestur-
lands verður í Borgarnesi.
Atvinnuleikhús í Rifi
Kári Viðarsson, leikari og leikhússtjóri, festi kaup á Frystiklef-
anum gamla í Rifi, en þar hefur hann sett upp ýmsar leiksýn-
ingar undanfarin ár. Miklar endurbætur voru gerðar á hús-
inu, en þar er nú rekið menningarmiðstöð og farfuglaheimili.
Með kaupunum færist Frystiklefinn frá því að setja upp eina
atvinnuleiksýningu á ári yfir í tvær og jafnvel þrjár auk fjölda
annarra viðburða. Húsnæðið sem um ræðir er 600 fermetr-
ar og inniheldur nú meðal annars fyrirtaks farfuglaaðstöðu
og þrjá sýningarsali. Þar á meðal stóran tónleikasal sem getur
rúmað allt að 500 áhorfendur.
Tvö frumkvöðlasetur
á sama degi
Svo skemmtilega vildi til að tvö frumkvöðlasetur, Hugheimar
og Matarsmiðjan, opnuðu sama dag, 7. maí, í Borgarnesi.
Hugheimar, frumkvöðla- og nýsköpunarsetur, er til húsa í
Borgarbraut 8 í fyrrum skrifstofurými Vesturlandsskrifstofu
um málefni fatlaðra. Þar verður úthlutað skrifstofurýmum
fyrir frumkvöðla gegn vægri leigu til að þeir geti stigið sín
fyrstu skref frá þróun viðskiptahugmyndar til framkvæmdar.
Matarsmiðjan er einnig frumkvöðlasetur en einungis hugsað
fyrir þá sem vilja þróa vinnslu matvæla við vottaðar aðstæð-
ur. Báðum er þessum frumkvöðlasetrum ætlað að skapa dríf-
andi umhverfi fyrir framþróun hugmynda og örva nýsköpun
á Vesturlandi.
Snæfellsjökull í kvöldsólinni
Snæfellsjökull er eitt helsta tákn Vesturlands og hann var tign-
arlegur á að líta í kvöldsólinni í byrjun mars. Þá tók Borg-
nesingurinn Ólafur Ingi Ólafsson þessa mynd af jöklinum, en
myndin er tekin frá Grafarvogi.
Lúkasar um allt
Hjartahnoðtækið Lúkas kom í hús hjá Heilbrigðisstofnun
Vesturlands í Búðardal í maí. Sjúkraflutningamenn stofnun-
arinnar höfðu staðið fyrir söfnun á tækinu, ásamt Lionsklúbbi
Búðardals. Söfnunin tókst með eindæmum vel og gaf kvenfé-
lagið Fjólan t.a.m. 1,5 milljón króna til kaupanna, ásamt því að
Framhald á næstu opnu