Skessuhorn - 17.12.2014, Blaðsíða 50
50 MIÐVIKUDAGUR 17. DESEMBER 2014
kærumála sem upp komu. Bugavirkjun getur framleitt 40
kílóvött af rafmagni. Sú orka á að nægja til lýsingar og rekst-
urs á bæjunum á Leirárgörðum. Umframorka verður seld inn
á kerfi Rarik og bæirnir á Leirárgörðum fá orku miðlað um
netið í báðar áttir verði truflanir á framleiðslu Bugavirkjunar.
Með aflsetningu á Bugavirkjun er að baki margra ára barátta
bændanna á Eystri- og Vestari-Leirárgörðum og segir Magn-
ús Hannesson á Eystri-Leirárgörðum að ótrúlegan fjölda leyfa
þurfi til að byggja jafn litla vatnsaflsvirkjun og Bugavirkjun er.
Já, eftirlitsiðnaðurinn stendur fyrir sínu!
Tré ársins, baldursbrá
og brandugla
Branduglan er einkennisfugl Vesturlands, en hún varð hlut-
skörpust í vali aðstandenda sveitamarkaðarins Ljómalind-
ar í Borgarnesi. Þá var baldursbrá valin einkennisblóm Vest-
urlands. Aðstandendur sveitamarkaðarins ráðfærðu sig við
Markaðsstofu Vesturlands og Náttúrustofu Vesturlands áður
en fólki gafst færi á að taka þátt í valinu. Þá útnefndi Skóg-
ræktarfélag Íslands Tré ársins í september og varð evrópulerki
í skógarlundi skammt norðvestan við bæjarhúsin á Arnarholti
í Stafholtstungum í Borgarfirði fyrir valinu. Talið er að tréð sé
105 ára, gróðursett fyrir tilstilli Sigurðar Þórðarsonar sýslu-
manns árið 1909.
Kirkjufell á lista
yfir fallegustu fjöll jarðar
Kirkjufell við Grundarfjörð komst á lista vefsíðunnar Mas-
hable yfir fallegustu fjöll á jörðinni. Á listanum eru 17 fjöll sem
þeir á vefsíðunni telja að séu þau fallegustu. Ekki er gert upp
á milli fjallanna á listanum en þar má einnig finna fræg fjöll
eins og Ben Nevis í Skotlandi, Sugar Loaf Mountain í Brasilíu
og Mont Blanc í Frakklandi. Fyrr á árinu bárust fregnir af því
að umgengni í kringum Kirkjufell væri ábótavant. Fjallið er
orðið svo frægt að náttúruunnendur og ljósmyndarar þyrpast
að því, þannig að graslendið í kringum Kirkjufellsfoss lá und-
ir skemmdum af ágangi. Í ágúst hófust síðan framkvæmdir við
bílastæði við fossinn.
Hótel Glymur fékk
Óskarinn í ferðaþjónustu
Hótel Glymur í Hvalfirði fékk 2. ágúst verðlaun í flokki lít-
illa nýmóðins hótela í Evrópu, en það er World Travel Awards
sem hefur síðastliðið 21 ár staðið fyrir þessum verðlaunaveit-
ingum. World Travel Awards kallast Óskarinn í ferðaþjón-
ustu og er fremsta viðurkenning sem ferðaþjónustufyrirtækj-
um getur hlotnast. Hótel Glymur hlaut verðlaunin í flokki lít-
illa nýmóðins hótela, eða „Iceland’s Leading Boutique Hot-
el,“ eins og það er kallað á ensku.
Þriggja fasa rafmagn
Dreifikerfi Rarik í Borgarfirði og Dölum var endurnýj-
að í sumar og lauk framkvæmdum í ágúst í Miðdölum. Til
verkefnisins var varið vel á annað hundrað milljónum króna.
Lagður var jarðstrengur í stað loftlína á þessum svæðum og
um leið kemur þriggja fasa rafmagn í stað eins fasa og fagna
bændur því að fá þrjá fasana til reksturs tækja og búnaðar á
búum sínum.
Ferjurúta frá Brjánslæk
Fyrstu áætlanaferðir nýrrar ferjurútu voru farnar í ágúst, en
ætlunin er að þær standi allt árið. Það er Ferðaþjónusta Vest-
fjarða ehf. á Patreksfirði sem sér um aksturinn og verður leið-
in tvískipt; annars vegar milli Patreksfjarðar og Brjánslækjar
og hins vegar milli Ísafjarðar og Brjánslækjar. Fyrirtækið mun
sinna verkefninu í samstarfi við Vestfjarðaleið ehf. og Sæferð-
ir hf. í Stykkishólmi, enda um að ræða tengingu allt árið við
ferðir flóabátsins Baldurs. Engar almenningssamgöngur voru
í sumar milli Ísafjarðar og Brjánslækjar-Patreksfjarðar og því
var þessum tíðindum tekið sérstaklega fagnandi.
Geitur söfnuðu 11 milljónum
Söfnun til stuðnings geitunum á Háafelli í Hvítársíðu gekk
vonum framar, en alls söfnuðust 92.477 dollara í gegnum síð-
una indiegogo.com. Rekstur geitabúsins á Háafelli stóð illa
og stefndi í gjaldþrot 18. september og því var söfnuninni
hrint af stað. Markmiðið var að safna 90.000 dollurum, en
það náðist og gott betur 8. september. Einkum voru það er-
lendir velunnarar geitanna sem lögðu söfnuninni lið, en geit-
urnar komu m.a. við sögu í þáttaröðinni Game of Thrones.
Undir þeim formerkjum var söfnunin kynnt og lögðu margir
sjónvarpsstjörnunum ferfættu lið.
Plastpokar kvaddir í Hólminum
Plastpokakveðjudagur var haldinn í september þegar Stykk-
ishólmur hóf tilraun til að verða fyrsta burðarplastpokalausa
sveitarfélagið á Íslandi. Umhverfishópur Stykkishólms fékk í
ársbyrjun styrk frá umhverfis- og auðlindaráðuneytinu til að
ráðast í verkefnið, en Theódóra Matthíasdóttir er starfsmað-
ur verkefnisstjórnar. Í árslok verður gefin út greinargerð um
framvindu og árangurs verkefnisins, en til þess er stofnað í
samvinnu við fjölda aðila. Bæjarbúum voru kynntar mismun-
andi gerðir af pokum; maíspokum, bréfpokum og fleiri um-
hverfisvænum pokum, auk þess sem sorpflokkun og nýjung-
ar þar að lútandi voru kynntar. Ef allt gengur upp geta íbúar
Stykkishólms ekki kyrjað með Megasi: „Ég er plastpokamað-
ur og plastpoka syng ég blús.“
Reykhólahreppur tekur
við Flateyjarhöfn
Viðræður hófust um að Reykhólahreppur tæki við Flateyjar-
höfn, en stækkun og viðhald smábátahafnarinnar þar er orð-
in aðkallandi. Aðsóknin út í eyjuna eykst með ári hverju og
smábátum við bryggjuna hefur einnig farið fjölgandi. Fyr-
ir nokkrum árum var ráðist í hönnun mannvirkisins, en ekki
fékkst fjárveiting til að ljúka þeirri vinnu. Vegagerðin sendi
Reykhólahreppi fyrirspurn um hvernig best væri að flytja
höfnina til sveitarfélagsins á sem bestan hátt. Með því hættir
hún að vera ferjuhöfn á vegum Vegagerðarinnar. Til að hægt
sé að sækja um styrki til framkvæmda þarf að fara í skipulags-
vinnu á höfninni.
Landbúnaðarsafn í Halldórsfjós
Landbúnaðarsafn Íslands var opnað fyrir gestum og gang-
andi 2. október, en safnið er í Halldórsfjósi á Hvanneyri. Hið
myndarlega fjós var byggt árið 1928 yfir 70 kýr á básum á
skólastaðnum á Hvanneyri. Ákveðið var fyrir nokkrum árum
að fjósið mundi hýsa safnið og hefur gríðarlega mikið verk
verið unnið í því síðan. Safnið var til húsa í Gamla bútækni-
húsinu og lögðu margir gjörva hönd á plóg til að færa plóga
Framhald á næstu opnu