Skessuhorn - 17.12.2014, Blaðsíða 85
85MIÐVIKUDAGUR 17. DESEMBER 2014
Kveðjur úr héraði
Jólakveðja úr
Stykkishólmi
SK
ES
SU
H
O
R
N
2
01
4
Óskum Vestlendingum
sem og landsmönnum
öllum gleðilegra jóla
árs og friðar
Sendum íbúum Borgarbyggðar svo
og Vestlendingum öllum okkar bestu
óskir um gleðileg jól og farsæld á
komandi ári.
Þökkum samskiptin á árinu
sem er að líða
Sveitarstjórn og starfsfólk
Borgarbyggðar
Jólakveðja
S
K
E
S
S
U
H
O
R
N
2
01
4
Þegar ég var beðin að skrifa þessa
litlu kveðju sem þið nú lesið varð
mér á að svara með þeim orðum að
margir væru trúlega betur til þess
hæfir en ég. Sem sagt, ég reyndi að
skorast undan. Svo fór ég að hugsa
hversu rangt hugarfar það væri að
segja alltaf nei ef einhver treysti
manni fyrir hlutum sem þessum.
Því ákvað ég að verða við bóninni
með það að leiðarljósi að allir hefðu
frá einhverju að segja, ekki síst á að-
ventunni og að blaðið yrði einsleitt
og litlaust ef aldrei fengist nýtt fólk
til að deila hugsun sinni.
Fyrir mér eru jólin mikilvægur
tími og má segja að ég finni allt-
af barnið í sjálfri mér þegar ég finn
fyrir fyrstu jólatilhlökkuninni ár
hvert. Það stefndi nú ekki vel í að
finna hana í upphafi aðventu þetta
árið, haustveður í lofti og þeim at-
höfnum sem áttu að vera fyrsta
sunnudaginn frestað vegna veð-
urs. Ekki snjókomu, heldur roki
og rigningu. En það rættist sann-
arlega úr þegar leið á vikuna. Það
byrjaði að snjóa, ég fór á jólafund
Lions, Kárarnir sungu í kirkjunni
og kvenfélagskonur héldu sinn ár-
lega jólabasar. Jólaandinn sveif yfir
og barnið vaknaði innra með mér.
Nú þegar ég sit og rita þennan pist-
il fer tíminn svo hratt yfir að ég veit
ekki almennilega hvernig ég á að ná
að gera allt sem mig langar fram að
jólum. Við hlið mér hangir atburða-
dagatal Stykkishólmsbæjar þar sem
hver dagur til 6. janúar hefur upp
á eitthvað skemmtilegt, fróðlegt og
menningarlegt að bjóða. Ég er stolt
af því að sjá hvað bæjarbúar eru
duglegir að leggja sitt að mörkum
til að lífga upp á lífið. Um leið er ég
hugsi yfir því hvernig seint verður
hægt að gera öllum til hæfis.
Til að bæjarfélög landsbyggðar-
innar nái að halda velli verður að
vera einhugur um að styðja við það
starf sem þar er, ekki síst af bæjarbú-
um sjálfum. Gleymum því aldrei að
þeir sem standa fyrir uppákomun-
um leggja í það ómælda vinnu og
oftar en ekki í sjálfboðastarfi. Þessu
fólki ber að þakka en því mið-
ur þá vill það of oft gleymast. Við
sem sækjum tónleikana, mætum á
markaðina og verslum við smásal-
ana finnst eins og þessir hlutir eiga
bara að vera þarna, en þeir eru ekki
sjálfgefnir. Ef við mætum ekki og
tökum þátt í því sem er að gerast þá
verður e.t.v. ekki vilji eða aðstæð-
ur til að halda viðburðunum lifandi.
Það er því mikilvægt að við styðjum
við það starf sem fram fer í heima-
byggð okkar.
Um síðustu helgi gekk ég með
vinkonu minni í yndislegu veðri
um bæinn. Við fórum í allar versl-
anir bæjarins og skoðuðum úrvalið,
fórum á „Pop-Up“ markað þar sem
heimafólk seldi ýmiskonar hand-
verksvöru. Dagurinn einkenndist
af hátíðleik, þakklæti og gleði. Ég
fann hvernig jólin nálguðust, allir
voru brosandi og gáfu sér tíma til
að staldra við og spjalla. Þessi til-
finning er góð, að vera með góðum
vinum og gefa gaum að því sem er
að gerast í kringum okkur. Leyfum
okkur að njóta stundarinnar, vera
sæl með það sem við höfum og ná
því besta út úr hlutunum. Þetta eru
ómetanlegar minningar sem eng-
inn getur tekið af okkur. Munum
að segja frá því þegar okkur líkar
eitthvað og lofa það sem vel er gert
hverju sinni. Gerum það strax því
dagurinn sem er í dag kemur ekki
aftur á morgun.
Í Stykkishólmi er gott að búa.
Hér ættu allir að finna eitthvað við
sitt hæfi, allan ársins hring . Hérna
leikur náttúran stórt hlutverk, öll
gömlu fallegu húsin og útsýni yfir
eyjar og sker sé horft út á Breiða-
fjörðinn. Mér þykir vænt um bæ-
inn minn og ætla af heilum hug
að hjálpa til við að gera hann enn
betri. Ég flokka með bros á vör og
nota ekki plastpoka af því ég ber
virðingu fyrir umhverfinu.
Frá þessum fallega stað sem nú er
prýddur ljósum aðventunnar sendi
ég Vestlendingum öllum hugheilar
jóla- og nýjárskveðjur með von um
að allir njóti hátíðanna sem best.
Virðum hvert annað og verum sam-
kvæm sjálfum okkur, hugsum áður
en við framkvæmum og tökum þátt
í að viðhalda venjunum.
Steinunn Ingibjörg Magnúsdóttir
Við Egilshús í Stykkishólmi.
Ljósm. Eyþór Benediktsson.