Skessuhorn - 17.12.2014, Blaðsíða 91

91MIÐVIKUDAGUR 17. DESEMBER 2014
Sendum félagsmönnum,
ölskyldum þeirra og
landsmönnum öllum hugheilar
jóla- og nýárskveðjur.
Verkalýðsfélag Akraness
SK
ES
SU
H
O
R
N
2
01
4
unum og fór margar helgar norð-
ur. Lét mig ekki muna um að skutl-
ast norður seinni part föstudags
og koma til baka á sunnudegi. Um
tveimur árum eftir að ég kom hing-
að kynntist ég svo seinni konunni
minni Ásdísi Kristínu Melsteð frá
Hólum í Hvammssveit. Fyrir átti
hún Aron Snæ en saman eigum við
þrjú börn, Elínu Huld 17 ára, Sig-
rúnu Ósk 13 ára og Hauk Atla 7
ára.“
Margt breyst
í samlaginu
Jóhannes Haukur hefur starf-
að með þremur mjólkursamlags-
stjórum í Búðardal, Sigurði Rúnari
Friðjónssyni, Sævari Hjaltasyni og
Lúðvík Hermannssyni. Hann segir
að margt hafi breyst í samlaginu á
þessum 22 árum. „Þegar ég byrjaði
voru starfsmenn innan við tuttugu
en þeim fjölgaði síðan upp í tæp-
lega fimmtíu þegar mest var. Það
var eftir að samlagið í Borgarnesi
var lagt niður og við bættust marg-
ir vöruflokkar hjá okkur. Vöruþró-
un hefur verið mikil í samlaginu hjá
okkur um tíðina og núna seinni árin
hefur megináherslan verið lögð á
mygluostana, kryddostana og Dala-
fetaostinn. Starfsfólki hefur fækkað
aftur og núna erum við rúmlega 20
sem vinnum hjá MS í Búðardal.“
Slökkviliðsstjórinn
Snemma segist Jóhannes Haukur
hafa fengið áhuga fyrir slökkviliðs-
málum, enda forfeður hans sinnt
starfi slökkviliðsstjóra á Húsa-
vík. Hann fór því ungur að starfa í
slökkviliðinu. „Þegar staða slökkvi-
liðsstjóra hér í Búðardal var auglýst
1995 sótti ég um stöðuna og fékk.
Þegar ég tók við starfinu var að-
búnaður slökkviliðsins hérna harla
bágborinn. Mjög lítið til af tækjum
og tólum. Það kostaði mikið átak
að byggja slökkviliðið upp af bún-
aði og núna er hann orðinn mjög
góður. Það varð algjör bylting á
nokkrum árum. Við erum til dæm-
is með þrjá slökkvibíla, þar á meðal
fengum við fyrsta One-seven bílinn
á Íslandi þann næsta á undan þeim
sem kom á Akranes.“
Oddviti í núverandi
sveitarstjórn
Síðustu árin hefur Jóhannes Hauk-
ur haft mikil afskipti af sveitar-
stjórnarmálum í Dalabyggð og er
núverandi oddviti sveitarstjórnar.
„Ég hef alltaf haft talsverðan áhuga
á sveitarstjórnarmálum og félags-
málum. Meðan ég var að berjast
fyrir því að fá peninga til að byggja
slökkviliðið upp fannst mér ekki
rétt að taka þátt í sveitarstjórnar-
málunum. Ég var þó á lista hérna
hjá framboðum meðan hér voru
boðnir fram listar, er var ekki ofar-
lega. Þegar síðan persónubundna
kjörið byrjaði hérna vorið 2010 gaf
ég kost á mér í sveitarstjórnina. Ég
var kosinn í sveitarstjórn, var einn af
fjórum nýjum fulltrúum sem kosn-
ir voru. Ég var svo endurkjörin síð-
asta vor en þá urðu skipti á tveimur
fulltrúum í sveitarstjórn, tveir nýir
komu inn.“
Ágætur árangur
í fjármálunum
Þegar Jóhannes Haukur er spurð-
ur hvort hann telji að það hafi ver-
ið til bóta að taka upp persónukjör
í stað listakosninga svarar hann:
„Þetta hefur allavega reynst vel hjá
okkur en það er náttúrlega ekk-
ert kerfi gallalaust. Það getur til
dæmis myndast meirihluti í svona
persónukjörinni sveitarstjórn ef að
þannig skipast. Það hefur ekki gerst
hjá okkur en vitaskuld getur kom-
ið upp skoðanaágreiningur um ein-
stök mál. Sveitarstjórnin hefur ver-
ið ágætlega samstíga og okkur hef-
ur tekist að ná ágætis árangri. Eft-
ir hrun var það aðalverkefnið að
ná jafnvægi í fjármálunum og okk-
ur hefur tekist það. Rekstur sveit-
arsjóðs hefur verið réttu megin við
núllið síðustu árin og skuldahlut-
fallið haldist í kringum 70%. Þetta
hefur tekist samhliða því sem sveit-
arfélagið hefur staðið í talsverð-
um framkvæmdum og varið hefur
verið til þeirra 40-50 milljónum á
ári. Við stækkuðum leikskólann og
höfum unnið að endurbótum bæði
í félagsheimilinu Dalabúð og á
stjórnsýsluhúsinu. Núna um þessar
mundir erum við einmitt að vinna
að framkvæmdaáætlun til næstu
þriggja ára eins og skylt er.“
Annarleg sjónarmið
í Núpómálinu
Hulda Karlsdóttir móðir Jóhann-
esar Hauks var frá Grímsstöðum á
Fjöllum. Jóhannes og Guðný syst-
ir hans eiga saman helminginn í
jörðinni. Þau áttu því hagsmuna að
gæta þegar sá kínverski Núpó vildi
kaupa Grímsstaði. Það mál strand-
aði vegna afstöðu stjórnvalda, ekki
síst þáverandi innanríkisráðherra
Ögmundar Jónassonar. Jóhannes
Haukur segir að þetta mál sé í sjálfu
sér svo stórt að það sé lítið hægt
að tjá sig um það. Greinilegt er að
hann varð fyrir vonbrigðum með
hvernig málið þróaðist. „Það hafa
útlendingar áður keypt land á Ís-
landi. Við vissum að þyrfti undan-
þágu fyrir aðila utan Evrópu. Mér
skilst að þetta sé eina undanþágan
sem hafnað hefur verið. Það sem ég
skil ekki er hvers vegna menn töldu
hættu á því að þessi maður myndi
ekki fara eftir lögum frekar en aðr-
ir. Var það kannski eingöngu vegna
þess að maðurinn var Kínverji?
Mér sýnist annarleg sjónarmið hafa
ráðið ferðinni í þessu máli.“
Sáttur í Dölunum
Jóhannes Haukur segist fyrir löngu
vera orðinn mjög sáttur við það að
búa í Dölunum og er ekkert á för-
um þaðan. Það sé að verða álita-
mál hvort hann sé meiri Húsvík-
ingur eða Dalamaður. Hvað öðrum
félagsmálum líður, en sveitarstjórn-
armálum, er hann félagi í Lions-
klúbbi Búðardals. „Það er mjög
góður félagsskapur,“ segir Jóhann-
es Haukur. Á dögunum fékk hann
einmitt Melvil Jones sem er æðsta
orða lionshreyfingarinnar í heimin-
um. þá
Á villisvínaveiðum í Eistlandi 1998.
Jóhannes Haukur búinn að veiða Oryx, sem er antilóputegund, í Namibíu árið 2000.
Í stangveiði við Laxá í Dölum 2010.
Barnabörnin Stefán Haukur og Ólöf Halla.
SK
ES
SU
H
O
R
N
2
01
4