Skessuhorn - 10.12.2014, Page 4
4 MIÐVIKUDAGUR 10. DESEMBER 2014
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudög-
um. Auglýsendum er bent á að panta auglýsingapláss tímanlega. Skilafrestur smáaug-
lýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.480 krónur með vsk. á mánuði. Elli- og örorkulífeyrisþegar greiða
kr. 2.150. Rafræn áskrift kostar 1.950 kr. Verð í lausasölu er 600 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Þórhallur Ásmundsson, blaðamaður th@skessuhorn.is
Guðný Ruth Þorfinnsdóttir, blaðamaður gudny@skessuhorn.is
Magnús Þór Hafsteinsson, blaðamaður mth@skessuhorn.is
Auglýsingar og dreifing:
Emilía Ottesen, markaðsstjóri emilia@skessuhorn.is
Pálína Alfreðsdóttir palina@skessuhorn.is
Valdimar Björgvinsson valdimar@skessuhorn.is
Tinna Ósk Grímarsdóttir (vefauglýsingar) tinna@skessuhorn.is
Umbrot:
Ómar Örn Sigurðsson omar@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hið hljóða prestsval
Nýlega rann út frestur til að sækja um nýtt embætti prests á Akranesi og
sækjast tíu manns eftir brauðinu. Langt er síðan ljóst var að í nærri sjö þús-
und manna söfnuði væri vitlaust gefið að því leyti að einn prestur þarf að
þjóna í svo fjölmennri sókn. Ég held að ég hafi heyrt einhversstaðar að
talan fjögur þúsund teldist hæfilegur hámarksfjöldi sóknarbarna á bak við
hvern prest. Engu að síður eru dæmi um að einn prestur þjóni í sókn sem
telur jafnvel nokkra tugi einstaklinga eða í hæsta lagi fá hundruð. Hvernig
kirkjunnar menn réttlæta þetta misræmi, veit ég ekkert um. Finnst það bera
vott um að þjóðkirkjan er kannski ekki sú kvikasta þegar kemur að þróun að
breyttum búskaparháttum, bættum samgöngum eða ýmsu öðru. Það er svo
margt sem byggir á hefð fyrri alda. Stundum er það allt í lagi, en oft getur
það skaðað að fylgja ekki þróuninni.
Á undanförnum árum hefur þjóðkirkjan okkar glímt við ákveðnar hremm-
ingar. Forsvarsmönnum hennar voru á stundum mislagðar hendur þegar
kom að vörnum, ef út af brá, og því hefur fylgismönnum kirkjunnar fækkað
hraðar en áður hefur þekkst. Þrátt fyrir að menn virðist hafa gert sér grein
fyrir vandamálinu hefur skort að þjóðkirkjan færi stjórnunarhætti sína og
starfsreglur nær því sem teljast mætti eðlilegt sé það yfirleitt ætlun kirkj-
unnar fólks að halda í sem flest sóknarbarna sinna. Hugsanlega hefur skort
auðmýkt og sveigjanleika.
Þegar sóknarbörn í Staðarstaðarprestakalli á Snæfellsnesi stóðu frammi
fyrir því fyrir um ári síðan að velja þurfti nýjan prest ákváðu þau að hafa allt
um það að segja hver fengi brauðið. Í fámennri sveit hefur mikið að segja að
sem flestir geti sætt sig við prestinn og hans störf. Í starfsreglum kirkjunn-
ar frá árinu 2011 er ákvæði þess efnis að ef þriðjungur sóknarbarna í við-
komandi prestakalli fer fram á almenna prestskosningu, í stað þess að fela
valnefnd það hlutverk, þá skal kosið. Þetta fundu Snæfellingarnir út og það
var kosið um prest. Ungur prestur fékk brauðið eftir að hafa þurft að sanna
sig á fundum og sýnt hvað í honum bjó. Þarna héldu sóknarbörn vöku
sinni. Það er nefnilega afar mikilvægt því í fyrrgreindum starfsreglum segir
einnig: „Skrifleg ósk um kosningu skal hafa borist biskupi eigi síðar en að
hálfum mánuði liðnum frá þeim degi er kallið var auglýst laust til umsókn-
ar.“ Þetta er náttúrlega afar undarlegt orðalag og beinlínis læðist að manni
sá grunur að svona hafi þessi regla verið samin til að nær aldrei verði al-
mennar prestskosningar. Reglur þessar bókstaflega kalla á að almenn sókn-
arbörn hafi ekkert um prestsval að segja. Því ættu þau t.d. að krefjast kosn-
inga áður en fyrir liggur hverjir sækja um?
Maður hlýtur að spyrja sig hvers vegna þjóðkirkjan velur að vera svona lok-
uð stofnun þar sem fáir koma að lýðræðislegum gjörningi sem þó snertir
marga. Af hverju hræðist hún að láta fara fram almennar prestskosningar?
Persónulega fyndist mér það þjóðráð, vilji kirkjan opna sig og auka á ný
áhuga almennings fyrir henni. Prestsefnum á að sjálfsögðu að vera gert að
kynna sig opinberlega, fyrir hvað þau hyggjast standa, hvaða áherslur þau
hyggist leggja í æskulýðs- og safnaðarstarfi, ræða opinskátt um trúmál og á
góðri íslensku að sanna það fyrir væntanlegum sóknarbörnum að þau séu
starfsins verðug. Prestar eru sálusorgarar í sínum sóknum og sem slíkir afar
nauðsynlegir. Af þeim sökum finnst mér mikilvægt að ætíð verði sem breið-
ust sátt um val þeirra.
Í starf sóknarprests í Garðaprestakalli á Akranesi vona ég innilega að hæf-
asti umsækjandinn verði valinn. Ég hef að vísu ekkert um það að segja og
verð því að leggja allt mitt traust á fámenna valnefnd. Mér finnst þetta þó
fjarri því að vera lýðræði í þeirri mynd sem hæfi stofnun sem kveðst í hinu
orðinu vilja ná til sem allra flestra sóknarbarna.
Magnús Magnússon.
Olís - Rekstrarland í Ólafsvík opn-
aði nýja og stærri verslun á föstu-
daginn. Nýja húsnæðið er 200 fm
að flatarmáli og því mikill mun-
ur því áður var verslunin í 80 fer-
metrum. Nú er vöruúrval aukið
til muna og meðal annars teknar
inn vörur frá Nýherja og Rekstr-
arlandi. Viðskiptavinir geta auk
þessa nýtt sér heimasíðu Ellings-
sen og verður þá pöntuð vara það-
an ef hún er ekki til á lager. Björn
Haraldur Hilmarsson er umboðs-
maður Olís. Var hann að vonum
ánægður með nýja húsnæðið og
sagði í samtali við fréttaritara að
hann hafi tekið við góðu búi þegar
hann tók við umboðinu af Gunnari
Gunnarssyni. Þeir félagar eru hér
saman á mynd.
af
Ólöf Nordal tók síðastliðinn
fimmtudag við ráðuneyti innan-
ríkismála af Hönnu Birnu Krist-
jánsdóttur, alþingismanni og vara-
formanni Sjálf-
stæðisflokksins.
Samhliða skip-
un Ólafar færð-
ust dómsmálin í
innanríkisráðu-
neytið að nýju.
Ólöf var vara-
formaður Sjálf-
s tæðis f lokks-
ins 2010–2013.
Hún sat á Alþingi fyrir Norðaust-
urkjördæmi 2007–2009 og Reykja-
víkurkjördæmi suður 2009–2013.
Ólöf er lögfræðingur frá Háskóla
Íslands og með MBA–gráðu frá
Háskólanum í Reykjavík. Hún
hefur víðtæka starfsreynslu og hef-
ur gegnt fjölda trúnaðarstarfa. Á
þingi sat Ólöf meðal annars í sam-
göngunefnd sem varaformaður,
í allsherjarnefnd, utanríkismála-
nefnd, stjórnskipunar– og eftirlits-
nefnd, fjármálanefnd, kjörbréfa-
nefnd og sérnefnd um stjórnar-
skrármál.
Áður en Ólöf Nordal tók sæti á
Alþingi var hún framkvæmdastjóri
Orkusölunnar og þar áður fram-
kvæmdastjóri sölusviðs RARIK,
2004–2005 og yfirmaður heild-
söluviðskipta hjá Landsvirkjun,
2002–2004. Hún var deildarstjóri
lagadeildar Háskólans á Bifröst
frá 2001–2002 auk þess sem hún
sinnti stundakennslu við skólann
1999–2002 samhliða starfi sínu
sem lögfræðingur Verðbréfaþings
Íslands á árunum 1999–2001. Á
árunum 1996–1999 gegndi hún
starfi deildarstjóra í samgöngu-
ráðuneytinu og starfaði í lög-
fræðideild Landsbanka Íslands
1995–1996. Eiginmaður Ólafar
er Tómas Már Sigurðsson og eiga
þau fjögur börn.
-fréttatilkynning
Þrátt fyrir tap í Útsvarsþætti
RUV síðastliðinn föstudag kom-
ust Skagamenn áfram í sextán liða
úrslit. V-in þrjú; Valgarður Lyng-
dal Jónsson, Vilborg Þórunn Guð-
bjartsdóttir og Vífill Atlason náðu
59 stigum gegn 68 stigum Sel-
tjarnarness. Voru Skagamenn í
hópi stigahæstu tapliða, en fjög-
ur þeirra komast áfram. Af Vest-
urlandi kepptu Borgarbyggð og
Stykkishólmur auk Akraness og
komust þau öll áfram. Það kemur
í hlut Borgarbyggðar að keppa við
Seltjarnarnes og fer sú viðureign
fram 30. janúar. Viku síðar mætir
Stykkishólmur Ölfusi. Loks munu
Akurnesingar mæta Reykvíkingum
í síðustu umferð sextán liða úrslita
og fer sú viðureign fram 20. febrú-
ar. mm/ Skjámynd af ruv.is
Ólöf Nordal er nýr innanríkisráðherra
Olís flytur í stærra húsnæði í Ólafsvík
Ný verslun Líflands verður opn-
uð á morgun að Borgarbraut 55 í
Borgarnesi, þar sem áður var rek-
in efnalaug og blómabúð. Versl-
unin mun byggja á reynslu Gunn-
fríðar Harðardóttur (Guffýar) sem
rekið hefur Knapann en hún mun
reka verslun Líflands í Borgarnesi.
„Verslunin mun bjóða upp á fjöl-
breytt úrval af vörum fyrir bændur
og hestamenn auk breiðs úrvals af
gæludýravörum. Einnig verður til
sölu úrval af girðingarefni, rekstr-
arvörum, bætiefnum og fóðri sem
Lífland framleiðir og selur til
bænda,“ segir í tilkynningu frá Líf-
landi.
Aðspurður segir Þórir Haralds-
son að reynsla Líflands sé að fólk
kjósi frekar að versla í heimabyggð
ef kostur er og því vilji Lífland efla
verslun á landsvísu. Fyrirtækið
hafi kappkostað að vera með vörur
á samkeppnishæfu verði um allt
land og segir Þórir tækifæri í því
að auka þjónustu við fólk á Vest-
urlandi með opnun nýrrar versl-
unar á svæðinu. „Kjarninn í starf-
semi Líflands er að styðja við líf-
ið í landinu. Með fjölbreyttu vöru-
úrvali og vísindalegum vinnu-
brögðum sköpum við góðan jarð-
veg fyrir hvers kyns búskap og bú-
fjárrækt. Lífland rekur tvær verk-
smiðjur, annars vegar fóðurverk-
smiðju á Grundartanga og hins
vegar hveitimyllu í Korngörðum
Reykjavík sem framleiðir hveiti
undir merkjum Kornax. Verslan-
ir Líflands eru á Lynghálsi Reykja-
vík, Lónsbakka Akureyri, Efstu-
braut Blönduósi og nú á Borgar-
braut í Borgarnesi.“ mm
Lífland opnar verslun á morgun
Öll Vesturlandsliðin áfram í
sextán liða úrslit