Skessuhorn - 10.12.2014, Síða 9

9MIÐVIKUDAGUR 10. DESEMBER 2014
www.skessuhorn.is
Skilafrestur efnis
og auglýsinga
Miðvikudagurinn 17. desember (jólablað)
Þriðjudagurinn 30. desember
Þeir sem vilja nýta sér blöðin til auglýsinga er
bent á að hafa samband við markaðsdeild í
síma 433-5500 eða senda tölvupóst á
palina@skessuhorn.is.
Pantanir í jólablaðið þurfa að berast í
síðasta lagi föstudaginn 12. desember.
Útgáfan
næstu vikur
Hótel Búðir á Snæfellsnesi fékk ný-
verið viðurkenningu hjá einu þekkt-
asta ferðatímariti heims. Hótelið
lenti í 16. sæti á lista Condé Nast
Traveller tímaritsins yfir bestu við-
urkenndu hótel í Norður - Evrópu
af hálfu lesenda, og skipar þar með
sess með nokkrum betri og þekkt-
ustu hótelum heims. Að sögn Jó-
hannesar Arasonar hótelstjóra á
Búðum þykir það mikil heiður að
lenda á lista Condé Nast. „Þessi listi
byggir á kosningu lesenda, eða rétt-
ara sagt á innsendum umsögnum,
sem tæplega áttatíu þúsund ferða-
menn hafa sent inn. Meirihluti hót-
elanna sem komast inn á listann eru
fjögurra til fimm stjörnu hótel í stór-
borgum, bæði rándýr og með öfluga
þjónustu. Svo komum við, í miðju
hrauni og miðjum þjóðgarði,“ segir
Jóhannes. „Það er mikil viðurkenn-
ing fólgin í því að komast á þennan
lista með hótelum á borð við Hotel
D’Angleterre í Kaupmannahöfn og
fleiri nöfnum sem nefnd eru þarna,“
bætir hann við.
Búðahugsjónin
vegur þungt
Að sögn Jóhannesar kemur besta
hrósið sem hótelið fær frá fólki sem
hefur ferðast heimshorna á milli.
„Margir eiga ekki orð yfir við-
mótinu, staðsetningunni, þjóðgarð-
inum og umhverfinu hér í kring og
langar að koma strax aftur. Þetta
er heildræn upplifun, þar sem all-
ir þættirnir skipta máli. Við fengum
þessa viðurkenningu fyrir að vera
við sjálf. Fyrir umhverfið, herberg-
in, veitingastaðinn og síðast en ekki
síst fyrir þá hugsjón sem við höf-
um,“ útskýrir Jóhannes. Hann telur
að áðurnefnd „Búðahugsjón“ vegi
þungt í upplifun ferðamanna og að
viðmótið á staðnum sé mikilvæg-
ur þáttur. Á Hótel Búðum er lagt
mikið upp úr því að nýta hráefni úr
nærumhverfinu og keypt beint af
býli eins og hægt er. „Það er verið
að veita okkur viðurkenningu fyrir
þessa Búðahugsjón, sem hefur ver-
ið hér í áratugi. Hér er enn geng-
ið í hraunið og tínt krydd á sumrin.
Búinn til bláberja Mojito þegar blá-
berin eru orðin þroskuð. Allur fisk-
ur sem við bjóðum upp á er veiddur
hér í nágrenninu og verkaður hér.
Við kaupum heila kálfsskrokka og
fullnýtum. Við ræktum okkar eig-
in kryddjurtir og nýtum allt sem við
getum úr nærumhverfinu. Þetta er
áratuga hugsjón sem við ræktum.“
Hótel Búðir er opið allan ársins
hring og er veitingastaðurinn eng-
in undantekning á því. Hann er op-
inn bæði í hádeginu og á kvöldin
og er boðið upp á fjölbreyttan mat-
seðil sem unninn er úr hráefni úr
sveitunum í kringum Búðir. Eins
eru ýmsir viðburðir á hótelinu af og
til yfir árið. „Það eru til dæmis jóla-
tónleikar framundan og við erum
með vetrartilboð á gistingu með
þriggja rétta kvöldverði og morg-
unverði. Svo eftir áramótin verð-
ur hin árlega morðgáta,“ segir Jó-
hannes Arason hótelstjóri á Búðum
að endingu.
grþ
Mikil náttúrufegurð er við Hótel Búðir. Hér má sjá hótelið í vetrarbúningi. Ljósm. Arnaldur Halldórsson.
Hótel Búðir meðal bestu
hótela Norður – Evrópu
Kynntu þér nýju sveigjanlegu Snjallpakkana
Allir sem eiga snjallsíma vita að suma mánuði talar maður meira en aðra
mánuði er maður meira á netinu í símanum. Sveigjanlegu Snjallpakkarnir
okkar eru farsímaleið þar sem þú sveigir pakkann þinn, hvort sem er í áskrift
eða Frelsi, með því að skipta mínútum út fyrir gagnamagn eða öfugt, allt
eftir þörfum hverju sinni. Þú stjórnar og aukakostnaðurinn er enginn!
Þú getur meira með Símanum
Ráðgjafar Símans verða
í Stykkishólmi
siminn.is
Sveigðu pakkann
fleiri MB
90 mín. | 50MB 30 mín. | 500MB60 mín. | 200MB
fleiri mín. 990 kr.
fleiri MB/GB
120 mín. | 500MB 60 mín. | 1GB90 mín. | 750MB
fleiri mín. 1.990 kr.
fleiri mín. fleiri GB
350 mín. | 1GB 120 mín. | 10GB250 mín. | 3GB
3.990 kr.

Ráðgjafar Símans veita aðstoð við síma-
og netmál hjá Bókaverzlun Breiðafjarðar
föstudaginn 12. desember
milli kl. 12.00 og 18.00.