Skessuhorn - 10.12.2014, Side 11
11MIÐVIKUDAGUR 10. DESEMBER 2014
Nýr mannauðsstjóri kom til starfa
hjá Elkem Ísland 1. október síðast-
liðinn, Þóra Birna Ásgeirsdóttir.
Hún hefur starfað um árabil hjá stór-
iðjufyrirtækjunum í landinu eink-
um á sviði öryggismála. Þóra Birna
kom til Elkem Ísland frá Rio Tinto
í Straumsvík við Hafnarfjörð. Þóru
Birnu finnst skemmtileg tilbreyting
að kynnast samfélaginu við Grund-
artanga. Smábæjarsamfélagi eins og
hún upplifir það, þar sem taka þarf
tillit til allt annarra þátta en í Hafn-
arfirði. „Annars er ég ennþá að
kynnast fólkinu og á fullu að setja
mig inn í málin. Ég er nú ekki búin
að vera hérna nema í tvo mánuði,“
sagði Þóra Birna þegar blaðamaður
Skessuhorns hitti hana hjá Elkem Ís-
land á Grundartanga í síðustu viku.
Málfræðingur
frá Indiana
Þóra Birna er Hafnfirðingur að
uppruna og hefur lengst af átt þar
heima. Hún er málfræðingur, með
meistaragráðu í almennum málvís-
indum frá Indiana í Bandaríkjunum.
„Þegar ég kom heim frá námi gerð-
ist ég þýðandi í utanríkisráðuneyt-
inu. Mér þótti það ekkert sérstak-
lega skemmtileg vinna. Þegar mér
bauðst að fara austur á Reyðarfjörð
til að halda námskeið fyrir verktaka
vegna byggingu álversins þar, stökk
ég á það. Það fyndnasta var að þeg-
ar ég byrjaði á þessu verkefni vissi ég
ekkert um öryggismál, en þegar því
lauk var ég orðinn mikill sérfræðing-
ur í þjálfun fólks varðandi öryggis-
mál. Ég stýrði þessu fræðslustarfi al-
veg frá upphafi til enda og var síðan
ráðgefandi í byrjun eftir að Fjarða-
ál hóf starfsemi. Ég var fyrir aust-
an 2005 og 2006. Fannst það ekki
henta mér alveg og fór svo suður aft-
ur þegar leið á árið 2007. Ég var svo
í ýmissi verkefnavinnu, svo sem fyr-
ir HRV hjá Norðuráli og vorið 2009
vann ég að verkefni hérna hjá El-
kem. Um það leyti bauðst mér starf
hjá Rio Tinto í Straumsvík sem ég
tók.“
Kynjahlutfallið þarf
að lagast
Þóra Birna býr eins og áður í Hafn-
arfirði og segir skemmtilegan mun
á samfélaginu þar og í Hvalfjarðar-
sveit. „Hérna þarf maður að taka mið
af allt öðru en þar. Þegar ég var að
undirbúa viðburðinn gagnvart starfs-
aldurafmælinu var mér til dæmis bent
á að nú stæði rjúpnaveiðitímabilið
yfir og kannski myndi ekki einhver
komast út af því. Svo eru það göngur
og réttir, sláturtíðin og þorrablótin.
Við þurfum væntanlega að taka mið
af þessu hérna við skipulagningu við-
burða, en spáum ekkert í þessa hluti
í Hafnarfirði,“ segir Þóra Birna og
brosir. Þóra Birna segir að eitt af því
sem þurfi að huga að sé að fjölga kon-
um í störfum hjá Elkem Ísland. „Ég
kom strax auga á að hlutfall kvenna
er alltof lágt meðal starfsmanna. Það
þarf að huga að því að laga það. Með-
al almennra starfsmanna er hlutfallið
aðeins tíu prósent, en í framkvæmda-
stjórninni er það betra þó það megi
lagast meira.“
Spurð um hvað sé helst á döf-
inni í hennar starfi sem mannauð-
stjóri segir Þóra Birna. „Við munum
áfram leggja mikla áherslu á fræðslu
og þjálfun starfsmanna, ásamt því
að leggja höfuðáherslu á gott sam-
starf og samskipti innan fyrirtækisins
og út á við. Við ætlum áfram að vera
samkeppnishæfur vinnustaður enda
erum við hér á öflugu vinnusvæði
þar sem samkeppni er um starfsfólk,“
sagði Þóra Birna að endingu.
þá
Þóra Birna Ásgeirsdóttir mannauðsstjóri kom til starfa 1. október sl.
Skemmtileg tilbreyting að
kynnast nýju samfélagi
Lynghálsi, Reykjavík
lifland@lifland.is
Lónsbakka, Akureyri
www.lifland.isSími 540 1100
Lífland söluráðgjöf
Lífland kynnir nýja reiðvöru- og búrekstrarverslun
að Borgarbraut 55 ,Borgarnesi (áður efnalaugin).
Verslunin verður rekin af Gunnfríði Harðardóttur
sem Knapann um árabil.
Reiðfatnaður og mél, bætiefni, valdar fóðurvörur
og gæludýravörur á sérstöku opnunartilboði.
Verslunin opnar kl. 12 fimmtudaginn 11. desember.
Allir velkomni , heitt á könnunni og Guffý tekur vel
á móti ykkur.
Efstubraut, Blönduósi
Borgarbraut, Borgarnesi
Í lok síðustu viku barst merkileg gjöf
til Héraðsskjalasafns Borgarfjarðar
í Safnahúsinu í Borgarnesi. Um var
að ræða ljósmyndasafn Einars Ingi-
mundarsonar málara sem lést fyr-
ir um 17 árum. Safnið er mikið að
vöxtum og afar vandað.
Einar var fæddur í Borgarnesi
24. júní 1929. Foreldrar hans voru
hjónin Ingimundur Einarsson og
Margrét Helga Guðmundsdóttir
og var Einar næstelstur sex bræðra.
Hann nam myndlist í Þýskalandi
og Svíþjóð og mörg verka hans
eru merkar heimildir um staðhætti
og byggingar í Borgarfirði. Einar
starfaði lengst af sem húsamálari í
Borgarnesi, en sinnti einnig mynd-
listinni talsvert og hélt sýningar,
þá fyrstu í Borgarnesi árið 1947.
Hann tók einnig ljósmyndir og
kvikmyndir af merkum atburðum í
Borgarfirði og hélt sýningar á þeim
í Borgarnesi og víðar. Einar hafði
sem myndlistarmaður næmt auga
fyrir myndefni og formum og við-
fangsefni hans voru oftast úr hans
heimahéraði. Ljósmyndir hans eru
því vönduð staðfræðileg heimild
um Borgarnes og nágrenni á ára-
bilinu 1960-1980.
Það var Ingimundur Einarsson,
sonur Einars, sem færði Héraðs-
skjalasafninu myndirnar fyrir hönd
fjölskyldu sinnar með það í huga að
sem flestir geti notið þeirra í fram-
tíðinni. Jóhanna Skúladóttir hér-
aðsskjalavörður tók á móti þessari
veglegu gjöf sem er sérstakur feng-
ur nú, þar sem vinna við ritun sögu
Borgarnes stendur yfir. Sú bók
kemur út á vegum Borgarbyggðar
árið 2017 í tilefni af 150 ára afmæli
Borgarness og er höfundur henn-
ar Egill Ólafsson. Ljósmyndir skipa
stóran sess í bókinni, en einnig er
fyrirhuguð sýning á ljósmyndum
Einars í Safnahúsi í tengslum við
afmælið þegar þar að kemur.
mm/gj
Ljósmyndagjöf til Héraðs
skjalasafns Borgarfjarðar
Ingimundur Einars-
son sýnir hér Agli
Ólafssyni söguritara
hluta myndanna úr
safni föður síns.