Skessuhorn - 10.12.2014, Síða 12
12 MIÐVIKUDAGUR 10. DESEMBER 2014
Um miðjan októbermánuð síðast-
liðinn var kynnt á Bifröst niðurstaða
vaxtarklasaverkefnis þar sem at-
vinnulífið í Borgarbyggð var kortlagt
og kannaðir möguleikar á klasam-
yndun til að efla það og styrkja. Nið-
urstaða þessa verkefnis kom mörgum
á óvart, ekki síst þeim sem unnu að
því. Það voru tveir starfsmenn Há-
skólans á Bifröst; Jón Bjarni Steins-
son sérfræðingur og Hallur Jónasson
meistaranemi í Forystu og stjórnun.
Jón Bjarni sagði þegar blaðamaður
Skessuhorns fór á Bifröst og ræddi
við þá félaga, að þótt hann hafi verið
á Bifröst frá 2007 og teldi sig þekkja
talsvert til samfélagsins í Borgar-
firði, hafi komið honum á óvart sú
mikla gróska sem er í atvinnulífinu.
Þeir félagarnir sáu einnig gríðarlega
mikla ónýtta möguleika og að mörg
fyrirtæki og frumkvöðlar á svæð-
inu væru alls ekki að nýta nema að
litlu leyti möguleika til fjármögnun-
ar í gegnum ýmiss styrkja- og stoð-
kerfi atvinnulífsins og hjá fjárfesting-
arsjóðum. Þeir Jón Bjarni og Hall-
ur segja að út úr þessu verkefni hafi
m.a. komið að þeir séu nú með fjög-
ur mjög álitleg verkefni sem bíði þess
að verða þróuð frekar. Fjárfestar hafi
sýnt þessum verkefnum áhuga. Þá sé
ekki verið að tala um neina smápen-
inga sem þeir eru reiðubúnir að setja
í þau strax í upphafi, eða um og yfir
hundrað milljónir króna. Verkefnis-
vinnan þróaðist þannig að ferðaþjón-
ustan varð þungamiðjan í því.
Hvetja fyrirtæki til að
nýta háskólasamfélagið
Varðandi klasamyndun í ferðaþjón-
ustu í Borgarbyggð telja þeir Jón
Bjarni og Hallur að Borgarbyggð
og reyndar allt Vesturland standi á
þröskuldi stórkostlegra tækifæra á
næstu árum, meðal annars vegna þess
að stökkpallar í afþreyingu á svæðinu
séu að bætast í flóruna á næstu miss-
erum. Það eru ísgöngin í Langjökli
og tvö fyrirtæki um náttúrlegar laug-
ar og böð. Þeir félagar hafa mikinn
áhuga á að halda áfram að vinna að
ýmsu sem þetta verkefni skilaði og
bjóða frumkvöðlum og áhugaaðilum
í Borgarbyggð og víðar að hafa sam-
band á netfengið klasar@bifröst.is
Þeir hvetja einnig fyrirtæki og þá sem
eru í sprotastarfsemi að nýta sér há-
skólasamfélagið í Borgarfirði; Frum-
kvöðlasetrið á Bifröst og Hugheima í
Borgarnesi. Það sé mjög góð byrjun
að kanna þá möguleika til ráðgjafar
sem til staðar eru á Bifröst.
Klasamyndun
nauðsynleg
Verkefnið sem um ræðir er sam-
starfsverkefni sveitarfélagsins Borg-
arbyggðar, Samtaka sveitarfélaga á
Vesturlandi og Háskólans á Bifröst.
Því var ýtt úr vör á miðju síðasta
sumri og verkefnisstjórnina skipuðu
tveir fulltrúar frá hverjum þriggja
samstarfsaðilanna. Í upphafi var ætl-
unin að vinna skýrslu þar sem at-
vinnulífið í Borgarbyggð yrði kort-
lagt og kannaðir möguleikar til klasa-
myndunar. Strax á fyrsta fundi var
hætt við skýrslugerðina og ákveðið að
fara í grasrótina, ræða beint við ein-
staklinga og forsvarsmenn fyrirtækja.
Hvort sem þeir tengdust landbúnaði,
ferðaþjónustu, matvælaiðnaði eða
öðrum iðnaði og atvinnustarfsemi.
Jón Bjarni og Hallur telja að það hafi
komið þeim til góða í þessari skoðun
á atvinnulífinu að þeir eru ekki inn-
fæddir Borgfirðingar og hafa verið
þar í skamman tíma. Þeir gengu því
að verkinu algjörlega hlutlausir og
það er oft þannig með utanaðkom-
andi að þeim gengur betur að koma
auga á ýmsar gersemar en héraðsbú-
um sem orðnir eru samdauna samfé-
laginu. Í lok verkefnisins var svo rætt
við forsvarsmenn stærstu ferðaþjón-
ustufyrirtækja landsins. Þeir voru
spurðir hvað vantaði í ferðaþjón-
ustuumhverfið í Borgarbyggð til að
þeir yrðu tilbúnir að beina viðskipt-
um sínum þangað í auknum mæli.
Jón Bjarni og Hallur segja að stóru
fyrir tækin séu mjög tilbúin til auk-
inna viðskipta og samstarfs, einnig að
fjárfesta í áhugaverðum sprotafyrir-
tækjum í ferðaþjónustu. Þetta bygg-
ist mikið á því að ferðaþjónar í hér-
aði vinni saman sem klasi, svo sem að
mynda keðju viðburða og þjónustu
til að taka á móti hópum.
Stóru aðilarnir kalla
eftir samstarfi
Þeir félagar segja að stóru ferðaþjón-
ustufyrirtækjunum í landinu vanti
svæði fyrir utan höfuðborgarsvæð-
ið og Suðurlandið til að beina sínum
viðskiptavinum og hópum til. Ferða-
þjónustuaðilarnir stóru kalli hrein-
lega eftir samstarfi við ferðaþjóna í
Borgarbyggð og á Vesturlandi öllu.
Þeir segja Suðurland að drukkna í
ferðamönnum og nú vanti orðið nýj-
ungar fyrir hópana sem eru að koma
til landsins og séu búnir að skoða
Gullna hringinn og höfuðborgina.
Þá liggi Borgarbyggð og Vesturland
mjög vel við. „Það eru þessir hóp-
ar og hvataferðirnar sem við eigum
ekki síst að sækjast eftir. Þessir hópar
skilja mest eftir sig og hvatahóparn-
ir koma meira til landsins yfir vetr-
artímann en að sumrinu,“ segir Jón
Bjarni. Hallur tekur undir það og
segir að að ferðaþjónar verði að fara
að átta sig á því að ferðatíminn sé að
lengjast. Forsvarsmenn rútufyrirtæk-
is sem þeir ræddu við sögðu að pant-
anir fyrir janúar-mars næstkomandi
væru meiri en fyrir júní-ágúst í fyrra.
Það verði sem sagt að vera opið á
ferðaþjónustustöðum að vetrinum til
að taka á móti gestunum. Þeir komi
ekki ef þjónustustaðirnir eru lokaðir.
Heimaaðila að
skipuleggja framboð
Hallur sagði að forsvarsmaður fólks-
flutningafyrirtækis sem rætt var við
hafi sagt að það væri heimaaðila að
mynda keðju og skipuleggja framboð
fyrir hópa. Rútufyrirtækið væri ekki
í stakk búið til að gera það en væri
jafnvel tilbúið að keyra á þessar ferð-
ir með hópa í nokkurn tíma og sýna
biðlund eftir að hagnaðurinn kæmi
í ljós. Jón Bjarni og Hallur segja að
Borgarbyggð hafi mikla möguleika
að mynda svona klasaferðir, sérstak-
lega eftir að náttúruböð og íshellir-
inn verða orðin að veruleika. Bjór-
framleiðsla er í héraðinu og það gefi
líka mikla möguleika fyrir ferðaþjón-
ustuna. Allir hópar hafi áhuga fyrir
mat og drykk úr héraði: Local food.
Það sem t.d. vanti í Borgarbyggð séu
gestamóttaka í sveit eins og t.d. er á
Erpsstöðum í Dölum. Það sem m.a.
hafi komið fram í þessari kortlagn-
ingu atvinnulífsins í Borgarbyggð
séu sterk tengsl landbúnaðarins og
ferðaþjónustunnar. Vandamálið fyrir
ferðaþjónustuna í Borgarbyggð hefur
einmitt verið að erlendir ferðamenn
hafa farið í gegn án þess að stoppa
og alltof lítið nýtt sér þjónustu og af-
þreyingu í sveitarfélaginu.
Þyrstir í að vinna að
alvöru verkefnum
Þeir Jón Bjarni og Hallur segja að
það vanti að tengja aðila saman og
líka að nýir komi inn með ferskar
hugmyndir. Það gæti sem dæmi ver-
ið þjónusta þar sem líka væri hægt að
taka pissustopp. Til dæmis væri alveg
augljóst að þeir mörgu sem færu að
skoða ísgöngin þyrftu að stoppa ein-
hvers staðar til að pissa. Í verkefnis-
vinnunni ræddu þeir Jón Barni og
Hallur við á sjöunda tug einstaklinga
og fyrirtækja. Þeir segja að við þetta
hafi myndast góður gagnagrunn-
ur sem líklega muni nýtast mörgum
vel, svo sem sjóðum og fyrirtækjum
sem styðja við frumkvöðlastarf. Jón
Bjarni vill hvetja alla þá sem huga
að nýjum verkefnum og sprotaverk-
efnum, og eru jafnvel með spenn-
andi verkefni á prjónunum, að endi-
lega nýta sér háskólasamfélagð á Bif-
röst. Þar séu nemendur sem þyrstir
í að vinna að alvöru verkefnum. „Ég
myndi segja að það væri ódýrara start
en eitthvað annað. Við gerum við-
skiptaáætlanir, markaðs- og rekstr-
aráætlanir og eru með sérfræðinga
á þessu sviði. Háskólinn á Bifröst
eins og fleiri háskólar hafa mögu-
leika á styrkjakerfinu bæði hér heima
og á Evrópusvæðinu. Arion banki
og KPMG eru einnig í samstarfi við
okkur og bjóða fram sína sérfræðinga
og þjónustu. Við þekkjum líka vel til
fjárfestingarsjóðanna, þannig að það
er ýmis ráðgjöf sem við getum veitt.
Það sem við rákum okkur einmitt á í
þessu verkefni okkar er að fyrirtæki
hér í Borgarbyggð hafi lítið verið að
nýta sér styrki og fjárfestingarleiðir
sem mörg önnur svæði hafa nýtt vel
og er sjálfsagt að gera.“
Munaðarlaus verkefni
Þeir félagar minntust á að þeir hafi
orðið varir við ýmsar perlur í þess-
ari vinnu. Meðal annars ónýtt við-
skiptatækifæri og munaðarlaus verk-
efni af ýmsum toga. Til að mynda
mætti fara að huga að grisjun skóga
á svæðinu og nýta afurðirnar sem
af því kæmi í eldsneyti fyrir stóriðj-
una. Faldar perlur væru t.d. eins og
Safnahúsið í Borgarnesi. Rautt stórt
hús falið bak við lögreglustöðina. Þar
væri margt að sjá, ekki síst sýninguna
Börn í hundrað ár, stórkostleg sýn-
ing, að sögn Halls. Í Safnahúsið
kæmu 3000 manns á ári en til sam-
anburðar væru ársgestir í Landnáms-
setrið fimmtíu þúsund! Það þyrfti að
kynna margt mun betur í Borgar-
byggð. þá
Borgarbyggð á þröskuldi stórkostlegra
tækifæra í ferðaþjónustu
Er niðurstaða klasaverkefnis sem unnið var fyrir skömmu um atvinnulífið
Hallur Jónasson og Jón Bjarni Steinsson sem unnu að vaxtaklasaverkefninu um atvinnulíf í Borgarbyggð.
Ísgöngin í Langjökli og fleiri ný afþreyingartækifæri gætu orðið stökkpallur fyrir ferðaþjónustuna í Borgarbyggð til að vaxa
og dafna, að mati þeirra sem unnu vaxtaklasaverkefnið. Ljósm. mm.
„Suðurland er að drukkna í ferðamönnum og nú vantar orðið nýjungar fyrir
hópana sem eru að koma til landsins og eru búnir að skoða Gullna hringinn og
höfuðborgina. Þá liggur Borgarbyggð og Vesturland mjög vel við.“ Myndin er
tekin við Hraunfossa.