Skessuhorn - 10.12.2014, Page 15
15MIÐVIKUDAGUR 10. DESEMBER 2014
ÖLL ALMENN VERKTAKASTARFSEMI
Eiríkur J. Ingólfsson ehf.
S
ke
ss
uh
or
n
20
13
Körfuknattleiksfélag Akraness
Íþróttahúsið við Vesturgötu
1. deild karla
Föstudaginn 19. desember kl. 19:15
ÍA - KFÍ
Fjölmennum og hvetjum
ÍA til sigurs!
Gæði - Úrval
Þjónusta
Opið:
Mánud. – föstud. kl. 9 – 18
Laugardaga kl. 11 - 15
Grensásvegi 46 - 108 Reykjavík - Sími 511 3388
SK
ES
SU
H
O
R
N
2
01
4
Jólagleði
Fimmtudaginn 11. desember
verður jólagleði í Búkollu.
Verðum með opið frá kl. 12-15.
Opnum svo aftur kl. 18 og
höfum opið til kl. 21.
Um kl. 19 ætlar kór Saurbæjarsóknar að
kíkja í heimsókn og taka nokkur lög.
Karlakórinn Svanir kemur svo um kl. 20
og heldur gleðinni áfram.
Ka og konfekt.
Hlökkum til að sjá ykkur!
Undanfarna mánuði hafa verið
stofnaðar ýmsar síður á Facebook
í þeim tilgangi að fólk geti hjálpað
öðrum sem á þurfa að halda. Skessu-
horn hefur nýlega sagt frá síðunni
Matargjafir á Akranesi, þar sem
meðlimir síðunnar geta bæði óskað
eftir og auglýst matargjafir. Í byrjun
nóvember var svo stofnuð síða sem
tengist jólunum og ber hún nafnið
„Jólakraftaverk“. Það var Akurnes-
ingurinn Védís Kara Reykdal sem
stofnaði síðuna en meðstjórnendur
hennar eru Aníta Rún Harðardótt-
ir og Alda Björk Guðmundsdóttir.
Skessuhorn heyrði í Dalakonunni
Anítu Rún og spurðist fyrir hvern-
ig hlutirnir ganga fyrir sig á jóla-
kraftaverkasíðu sem þessari.
Mikil þörf
„Það var Védís Kara sem fékk þessa
hugmynd, við hinar bættumst við
eftir á, henni til hjálpar. Uppruna-
lega bauðst hún til að sauma jóla-
kjóla á Facebooksíðu fyrir gefins
hluti. Það voru svo miklar viðtökur
við þeirri hugmynd að henni datt í
hug að gera sérstaka síðu fyrir jól-
in,“ útskýrir Aníta Rún. Hún segir
að það sé alveg ljóst að mikil þörf
var á framtaki sem þessu. „Það var
virkileg þörf á þessu og alveg hræði-
legt hvað margir kvíða jólunum.
Það er lítill peningur til á mörgum
heimilum og jólunum fylgja mik-
il a uka útgjöld. Það vilja allir geta
gert sitt besta fyrir fjölskylduna sína
en eiga ekki endilega alltaf til fjár-
magnið til þess,“ segir Aníta. Á síð-
unni getur fólk boðist til að aðstoða
fjölskyldur með gjöfum fyrir jólin,
hvort sem þær eru handgerðar eða
keyptar og beðið um aðstoð. „Þetta
virkar eiginlega þannig að ef þeir
sem geta hjálpað leggja smáveg-
is til, þá getur það orðið til þess að
aðrir geti haldið gleðileg jól.“
Hundruð barna
fengið gjafir
Nú þegar hafa hundruð barna og
tugir fullorðinna fengið aðstoð í
gegnum síðuna. Meðlimir henn-
ar eru rúmlega 2200 og fer sífellt
fjölgandi. Aníta Rún segir marga
ekki vilja koma fram undir nafni
og þá geti þeir haft samband við
stjórnendur síðunnar með skila-
boðum. „Það hrúguðust inn skila-
boðin fyrstu vikurnar, ég hafði varla
undan að svara þeim öllum. En nú
er farið að hægjast aðeins um. Ég
fæ svona þrjú til fjögur skilaboð á
dag.“ Hún segir marga lýsa að-
stæðum sínum í skilaboðunum.
„Ég átti stundum erfitt með lest-
urinn til að byrja með. Maður trú-
ir því varla að aðstæður fólks geti
verið svona slæmar hérna á Íslandi
árið 2014. En núna reyni ég bara að
hugsa með mér að það er dásam-
legt að geta komið fólki til aðstoð-
ar,“ bætir hún við. Aníta Rún er frá
Sámsstöðum í Laxárdal en býr nú í
Búðardal. Aðspurð um hvort það sé
ekki erfitt að halda utan um þessa
hluti þaðan segir hún að fólk sendi
gjafirnar vestur og hún komi þeim
svo áfram til þeirra sem á þurfa að
halda. „Við höfum fengið helling
af gjöfum. Ef þær eru nothæfar í
jólagjafir eða fyrir jólasveininn, þá
sendir fólk þær vestur til mín. Við
viljum fá skilaboð send ef fólk vill
gefa gjafir, það auðveldar okkur að
halda utan um þetta og passa að
þeir sömu fái ekki gjöf tvisvar. Það
er líka gert til að koma í veg fyrir
misnotkun á þessu. En ef fólk vill
gefa jólaföt eða eitthvað svoleið-
is, þá er það birt á veggnum. Enda
höfum við ekki tíma til að halda
utan um allt það líka.“
Jólin eru erfiður tími
Gjafirnar sem óskað er eftir eru í
flestum tilfellum jólagjafir sem for-
eldrar óska eftir handa börnum sín-
um. Í einhverjum tilfellum eru þær
frá ömmum og öfum til barna-
barnanna að sögn Anítu Rúnar.
„Það er svo leiðinlegt fyrir börnin ef
þessi tími er undirlagður af áhyggj-
um og kvíða eins og gerist hjá svo
mörgum. Jólin eru mörgum mjög
erfiður tími og þá sérstaklega for-
eldrum. Það er svo margt sem þarf
að huga að og við þekkjum það flest
að við viljum eiga góðar minningar
frá þessum hátíðardögum. Sérstak-
lega við sem erum foreldrar, því við
viljum búa til góðar minningar fyr-
ir börnin okkar,“ segir Aníta Rún.
Hún segir að þær stöllur treysti því
að fólk sé í virkilegri þörf þegar það
hefur samband. „Það eru margir
sem hafa samband við okkur sem
eiga kannski ekki rétt á úthlutun
frá Mæðrastyrksnefnd, en eru samt
í neyð.“
Vilja bara fá pakka
undir tréð
Aníta segir að reynt sé að fara eft-
ir óskum um gjafir en því mið-
ur sé það ekki alltaf hægt. „Sumir
óska eftir ákveðnum hlutum fyrir
börnin sín, líkt og Frozen dóti eða
Playmo, en öðrum er alveg sama.
Vilja bara fá pakka til að setja undir
tréð. Við reynum samt að passa að
gjafirnar henti hverjum og einum
og spyrjum til dæmis um áhuga-
mál barnanna áður en reynt er að
finna gjöf.“ Hún segir erfiðast að
finna gjafir fyrir unglingsstráka.
„Það er erfiðast að redda því. Það
stendur helst eftir. Við reynum
samt að klára eina fjölskyldu í einu
og láta ekki einn úr fjölskyldunni
standa eftir. Ég bíð frekar með að
senda þetta til fjölskyldunnar þar til
komnar eru gjafir fyrir alla.“
Aftur að ári
Stúlkurnar sem stjórna síðunni
ætluðu að reyna að veita matarað-
stoð líka en sáu svo fram á að það
gætu þær ekki. Kolbeinn Sigurðar-
son hefur því verið að hjálpa þeim
með að reyna að fá mataraðstoð
fyrir fólk þó að síðan snúist aðal-
lega um jólagjafir og jólaföt. Aníta
Rún segir verkefnið vera tímafrekt.
„Þetta tekur allan tímann minn.
En ég var að ljúka fæðingarorlofi
og hef haft nægan tíma til að vera
við tölvuna. Ég hef haft gaman af
því að geta nýtt tímann í þetta og
að geta gert eitthvað heima. Mið-
að við hvað þetta gengur vel mun
ég pottþétt gera þetta aftur að ári
ef ég hef tíma,“ segir Aníta Rún að
endingu.
grþ
Aníta Rún ásamt dóttur sinni, Bríeti. Ljósm. Steinunn Matthíasdóttir.
Standa fyrir jólakrafta
verkum á Facebook
Starfskraftur óskast
Starfskraftur óskast á Tannlæknastofu Borgarness,
Skallgrímsgötu 1.
Þarf að geta byrjað sem fyrst.
Uppl. hjá Önnu Gerði á tannbor@simnet.is
SK
ES
SU
H
O
R
N
2
01
4