Skessuhorn - 10.12.2014, Page 19
19MIÐVIKUDAGUR 10. DESEMBER 2014
Ljósmyndararnir Ágústa Friðriks-
dóttir og Guðni Hannesson opna
sýningu í Safnaskálanum í Görð-
um föstudaginn 12. desember kl.
16. Ágústa og Guðni eru eigend-
ur Myndsmiðjunnar ehf og starf-
ræktu saman um árabil ljósmynda-
stofu með því nafni á Akranesi.
Einn hluti sýningarinnar eru ein-
mitt myndir frá þeim tíma, af kar-
akterum á Skaganum. Hinn hluti
sýningarinnar eru valdar stemn-
ingsmyndir frá báðum ljósmynd-
urunum. Alls verða um 50 mynd-
ir á sýningunni sem verður opin á
opnunartíma Byggðasafnsins kl.
13-17 virka daga vikunnar til og
með þriðjudagsins 30. desember.
Ágústa og Guðni bjóða alla vel-
komna á sýninguna en við upp-
setningu hennar nutu þau styrks frá
Menningarráði Vesturlands. þá
Sunnudaginn 14. desember stend-
ur Kalman-listafélag fyrir ein-
stökum tónlistarviðburði í Akra-
neskirkju. Þar mun organistinn
Haukur Guðlaugsson halda orgel-
tónleika klukkan 17. Það eru ár og
dagar síðan Haukur hélt síðast tón-
leika á Akranesi. Hann var um ára-
bil organisti við Akraneskirkju og
allt í öllu í tónlistarlífi staðarins.
Hann lærði orgelleik í Þýskalandi
hjá Försteman og á Ítalíu þar sem
kennari hans var Fernando Ger-
mani. Haukur starfaði sem söng-
málastjóri Þjóðkirkjunnar árin
1974-2001. Í tíð Hauks jókst nám-
skeiðahald á vegum söngmálastjóra
til muna. Hann lagið sig einnig
mikið fram við að styrkja kórastarf
á landsbyggðinni. Þá var útgáfu-
starfsemi mjög öflug í hans tíð. Á
sunnudaginn kemur Haukur aftur
á kirkjuloft Akraneskirkju þar sem
hann þekkir hvern krók og kima.
Aðgangeyrir er kr. 1.500 en Kal-
mansvinir kr. 1.000.
-fréttatilkynning
Fyrsta jólafrumsýning
Frystiklefans í Rifi verður
föstudaginn 19. desemb-
er næstkomandi. Er það
verkið MAR sem frum-
sýnt verður en það er nýtt
íslenskt leikverk úr smiðju
Frystiklefans í Rifi. Að sögn
Kára Viðarssonar Frysti-
hússtjóra er verkið byggt
á tveimur sjóslysum sem
urðu við strendur Snæfells-
ness á síðustu öld. „Fyrra
slysið átti sér stað í febrúar
1962 þegar togarinn Elliði
sökk út af Öndverðarnesi. Í
áhöfninni voru 28 manns,
26 björguðust. Síðara slys-
ið gerðist í júlí 1997 þegar
trillan Margrét hvarf ásamt
tveimur mönnum. Báðir
voru skipverjar héðan úr
bæjarfélaginu okkar,“ segir
Kári. „Slysin eru nátengd
okkar samfélagi og marg-
ir heimamenn tóku þátt í
björgunaraðgerðum,“ bæt-
ir hann við.
Einstök gerð heimildar
Texti verksins MAR er byggður
á viðtölum við aðila sem tengjast
slysunum og raunverulegum upp-
tökum frá talstöðvasamskiptum á
neyðarbylgju útvarpsins. Kári seg-
ir að hér sé um að ræða algjörlega
einstaka gerð heimildar, sem aldrei
hefur verið nýtt í íslensku leik-
húsi áður. Leikarar í sýn-
ingunni eru þau Kári Við-
arsson og Freydís Bjarna-
dóttir, sem segir sína eigin
sögu í verkinu. Auk þeirra
koma að verkinu ljósa- og
hljóðhönnuðir, grafískur
hönnuður, smiður, sýning-
arstjóri og keyrslumaður
sem sér um ljós og hljóð á
hverri sýningu. „Þetta nýja
leikverk verður mikilvæg
viðbót við sagnaarf Snæ-
fellinga. Markmið verksins
er að dýpka skilning áhorf-
enda á þeim afleiðingum
sem slík stórslys hafa í för
með sér á sjó og í landi,“
segir Kári. Frumsýning
verður 19. desember næst-
komandi og gilda frjáls
framlög frá áhorfendum
sem aðgangseyrir, líkt og
nú þekkist í Frystiklefan-
um. „Þetta færir verðlagn-
ingu á viðburðinum yfir í
hendurnar á gestum sýn-
ingarinnar og gerir um leið
öllum kleift að koma á hana, óháð
því hvernig fjárhagsstaða hvers og
eins kann að vera,“ segir Frystihús-
stjórinn Kári að endingu.
grþ
Slökkvilið Grundarfjarðar kíkti í
heimsókn í leikskólann Sólvelli í síð-
ustu viku, eins og þeir gera á hverju
ári á þessum árstíma. Þar fræddu
slökkviliðsmennirnir börnin um
eldvarnir og mikilvægi þeirra. Svo
hjálpuðu þeir krökkunum að leysa
forvarnatengd verkefni. Að lokum
fengu þau sýnikennslu í því hvern-
ig reykkafarar bera sig að í reykköf-
un og loks vakti mikla lukku þegar
slökkvibíllinn var skoðaður. tfk
Ljósmyndararnir Ágústa Friðriksdóttir og Guðni Hannesson.
Ágústa og Guðni sýna
í Safnaskálanum
Tónleikar Hauks Guðlaugssonar
í Akraneskirkju
Verk byggt á sjóslysum
frumsýnt í Frystiklefanum
Yngstu börnin frædd
um eldvarnir
Bókasafn Akraness - Dalbraut 1 - s. 433 1200 - bokasafn.akranes.is - bokasafn@akranes.is
Skagamenn kynna bækur og spil á
Bókasafni Akraness á aðventunni
12. desember kl. 16:00 - 18:00
Ásthildur Snorradóttir talmeinafræðingur verður með
fyrirlestur og kynningu á spennandi spilum „Ljáðu mér eyra“
sem undirbúa barnið þitt fyrir lestrarnám.
15. desember kl. 20:00
Þrír Skagamenn kynna áhugaverðar nýútkomnar bækur sínar:
Magnús Þór Hafsteinsson kynnir bókina Tarfurinn frá Skalpaflóa
og sýnir gamlar kvikmyndir af kafbátahernaðinum
Smári Jónsson kynnir bókina Pabbi, átt þú uppskrift? ...
og býður upp á smakk á einum rétti úr bókinni
Guðríður Haraldsdóttir kynnir bókina Galdraskjóða Gurríar
Heitt kaffi á könnunni og allir velkomnir!
SK
ES
SU
H
O
R
N
2
01
4