Skessuhorn - 10.12.2014, Blaðsíða 21

21MIÐVIKUDAGUR 10. DESEMBER 2014
Árlegur jólamarkaður var haldinn
í Álfhóli á Bjarteyjarsandi síðast-
liðinn sunnudag. Einn blaðamanna
Skessuhorn notaði þar tækifærið og
keypti í jólamatinn beint frá búi og
sitthvað fleira. Á myndinni gefur að
líta kofareykt hangikjöt og bjúgu,
birkireyktan bláberjavöðva, lifrar-
kæfu, rúgbrauð, eina fötu af súrum
hval og heimabakaða kremköku til
að hafa með kaffinu. Allt er þetta
matur úr Hvalfirði. Afurðirnar eru
allar frá Bjarteyjarsandi utan hval-
urinn sem kemur úr hvalstöð Hvals
hf. í næsta nágrenni.
Á myndinni má einnig sjá afar fal-
legt glerlistaverk skreytt með lang-
reyðarskíði eftir Rebekku Gunnars-
dóttur sem einnig var keypt á Bjart-
eyjarsandi. Í Álfhóli er rekin lítil
verslun þar sem öll þessi hollu og
gómsætu matvæli fást auk listmuna.
Ekki sakar að verðinu er stillt í hóf.
Þetta dæmi hlýtur að sýna að sitt-
hvað má framleiða og bjóða fram af
afurðum frá íslenskum bændabýl-
um í dag.
mþh
Skipverjarnir á Kristni SH fengu
níu kílóa ýsu á línuna sl. mánudag.
Ýsuna fengu þeir í svokölluðum Ál á
Breiðafirði norðvestur af Snæfellsnesi.
Ekki er algengt að komið sé með svo
stórar ýsur að landi, talið að sú stæsta
sem komið hefur að landi hafi verið 12
kíló. Það var Farsæll GK 162 sem fékk
hana í dragnót í Reykjanesröstinni
árið 2002. Ýsa getur orðið allt að
15 ára gömul og er hámarksþyngd
hennar talin geta verið um það bil 14
kíló. Á myndinni er Þröstur kokkur á
Kristni SH með ferlíkið.
þa
Halldór Sigurkarlsson tamninga-
maður í Hrossholti á Snæfellsnesi
er hér með dóttur sína í sleðaferð.
Hugsanlega fer um einhverja en hér
er lítil hætta á ferðum. Ef hrossið er
vel tamið líkar því einungis vel að
fá tilbreytinguna. Þá má benda á að
hross eru notuð út um allan heim
til að draga vagna og kerrur fulla
af fólki. Hrossið sem Halldór ríður
hér á er Kolbrá frá Söðulsholti, sex
vetra fyrstu verðlauna hryssa und-
an Sólon frá Skáney og Gloríu frá
Snartartungu. iss
„Jólin heima“ eru tónleikar sem
verða í Akranes- og Borgarnes-
kirkju þar sem hópur heimamanna
og aðfluttir flytja hugljúf jólalög
og skapa huggulega stund saman.
Aldís Fjóla Borgfjörð Ásgeirsdótt-
ir söngkona er ein þeirra sjö tón-
listarmanna sem fram koma á tón-
leikunum. „Allir listamennirnir
sem fram koma eru búsettir ann-
að hvort á Akranesi eða í Borg-
arnesi. Ég sjálf flutti á Akranes
frá Borgarfirði eystri í ágústmán-
uði og leist strax vel á tónlistar-
lífið hér,“ segir Aldís í samtali við
Skessuhorn. Hún segir hugmynd-
ina um jólatónleikana hafa vaknað
fljótlega eftir að hún flutti. „Þetta
vatt nokkurn veginn upp á sig.
Mér og Birgi Þórissyni, heima-
manni, píanóleikara og söngvara
datt í hug að prófa að smala saman
heimafólki til að halda þessa tón-
leika. Það var tekið vel í þetta og
mér þykir mjög gaman að vera að
fara að halda þessa tónleika með
heimafólki.“
Lögin sem flutt verða á tónleik-
unum eru hugljúf jólalög, sem flytj-
endur völdu sjálfir. „Hver flytjandi
fékk að velja sín uppáhalds jólalög.
Lagavalið verður því fjölbreytt. Allt
frá sígildum jólalögum sem allir
þekkja yfir í lítt þekktari lög. Þetta
verður hugljúf stund á aðventunni
og einfaldleikinn í fyrirrúmi,“ seg-
ir Aldís.
Tónleikarnir verða föstudaginn
12. desember kl. 20:00 í Akranes-
kirkju og laugardaginn 13. desemb-
er klukkan 16:00 í Borgarneskirkju.
Þeir listamenn sem koma fram eru:
Birgir Þórisson, Brynja Valdimars-
dóttir, Elfa Margrét Ingvadóttir,
Orri Sveinn Jónsson, Eðvarð Lár-
usson, Sigurþór Þorgilsson og Al-
dís Fjóla Borgfjörð Ásgeirsdótt-
ir. Miðaverð er 1500 kr. Selt er
við inngang og enginn posi er við-
staddur. grþ
Brátt sér fyrir endann á bygg-
ingu nýs miðlunargeymis fyr-
ir hitaveituna á Akranesi.
Tengivinna stóð yfir í síðustu
viku og var lægri þrýstingur á
heita vatninu af þeim sökum
um tíma og vatnslaust vegna
bilana í veitunni um tíma frá
því síðdegis á miðvikudag
og fram á fimmtudag. Bil-
un í tvígang orsakaði vatns-
leysið. Aftur þurfti að taka
vatnið af bænum í gærkveldi,
þriðjudag, en að sögn Orku-
veitumanna er það með síð-
ustu stoppum á afhendingu vegna
framkdæmdarinnar. Áætlað er að
taka nýja vatnsgeyminn í notk-
un fyrir jól. Hann er mikið mann-
virki, rúmir 6.200 kúbikmetrar af
vatni. Þannig er hann ríflega þre-
falt stærri en gamli geymirinn við
hliðina sem áfram mun þjóna sínu
hlutverki við hlið „stóra bróður“.
Hlutverk miðlunargeymanna er að
safna forða þannig að jafvel þótt rof
verði á dælingu vatns frá Deildar-
tungu verður nægur forði til stað-
ar svo ekki á að verða rof á afhend-
ingu vatns. Við nýja tangann leng-
ist frestur til viðgerða á veitunni úr
fjórum í fjórtán klukkustundir við
algenga notkun í bænum.
„Eftir erfiðleika í rekstri hita-
veitunnar á Akranesi síðasta vetur,
sem lýsti sér í ítrekuðum rekstrar-
truflunum vegna bilana á Deildar-
tunguæð, var ákveðið að byggja nýj-
an miðlunargeymi fyrir heitt vatn í
bænum. Bygging nýja geymisins er
langt komin. Unnið er að yf-
irborðsfrágangi á innra byrði
hans, einangrun að utan er að
ljúka og klæðning að hefjast.
Samhliða er unnið að því að
tengja geyminn hvorttveggja
dælustöðinni, sem stendur á
milli geymanna, og vitaskuld
Deildartunguæðinni, sem
flytur heitt vatn til bæjarins
meira en 70 kílómetra leið úr
Deildartungu í mynni Reyk-
holtsdals í Borgarfirði,“ segir
í tilkynningu frá OR.
Að sögn Gissurar Ágústs-
sonar, svæðisstjóra Orkuveitunnar
á Vesturlandi, mun rekstraröryggi
hitaveitunnar taka stakkaskiptum
með tilkomu nýja geymisins. All-
ar stýringar verða einfaldari við-
fangs en ekki síst eykur þetta ör-
yggi þeirra starfsmanna, sem hafa
þurft að fara til viðgerða í misjöfn-
um veðrum undir talsverðri tíma-
pressu. Sá þáttur skiptir miklu máli,
að sögn Gissurar. Ístak er verktaki
við byggingu geymisins. mm
Hjónin Guðmundur Smári Guð-
mundsson og Jóna Björk Ragnars-
dóttir í Grundarfirði hafa gert það
að árlegri hefð að opna jólahúsið
á aðventunni. Var engin breyting
á því þetta árið. Mikill fjöldi fólks
mætti og kíkti í jólahúsið og þar var
Stekkjastaur sjálfur búinn að laum-
ast til byggða aðeins of snemma.
En honum var fyrirgefið því að
hann færði öllum börnunum pakka
og söng með þeim jólalög. tfk
Fulltrúar Stangveiðifélags Reykja-
víkur og Veiðifélags Haukadalsár í
Dölum skrifuðu sl. sunnudag und-
ir samning um leigu á veiðirétti í
Haukadalsá. „Áin er frábær viðbót
við laxveiðiflóru félagsins. Veitt er
á fimm stangir og hentar áin ein-
staklega vel fyrir góða og samstillta
hópa. Haukadalsá er falleg og gjöf-
ul á. Veiðisvæði árinnar er um 8 km
en merktir veiðistaðir eru 40. Veiði
síðastliðið ár var 183 laxar en 25 ára
meðalveiði er 735 laxar,“ segir í til-
kynningu frá SVFR.
Leigusamningurinn var undirrit-
aður í veiðihúsi félagsins við Hauka-
dalsá. Formenn félaganna, Árni
Friðleifsson og Þórarinn Gunn-
arsson, skrifuðu undir samning-
inn. Í tilkynningunni segir m.a. að
húsið sé notalegt og vel búið, með
sex tveggja manna herbergjum sem
hvert hefur sér baðherbergi með
sturtuaðstöðu. Til viðbótar er auka
sturta, saunaklefi og heitur pottur.
Fimm svæði eru í ánni og er veitt á
einni stöng á hverju þeirra. Fjögur
svæðanna eru í göngufæri frá veiði-
húsinu og því gerist veiðin ekki
þægilegri. Haukadalsá hentar ein-
staklega vel til fluguveiða. Á svæð-
inu eru langar stórgrýttar breið-
ur með jöfnu rennsli, hægrennandi
breiður þar sem ómissandi er að
„strippa“ smáar flugur hratt í vatns-
yfirborðinu, auk styttri og staum
harðari hylja þar sem kjörið er að
beita gáruaðferðinni.
þá
Hlaðborð veislufanga og listmuna frá jólamarkaðinum á Bjarteyjarsandi.
Allsnægtaborð beint frá býli
Árni Friðleifsson formaður SVFR og
Þórarinn Gunnarsson formaður Veiði-
félags Haukadalsár við undirskrift sl.
sunnudag.
Stangveiðifélag Reykjavíkur leigir Haukadalsá
Fengu níu kílóa
ýsu á krókinn
Unnið við tengilagnir nýja geymisins í síðustu viku.
Ljósm. or.is.
Nýi vatnsgeymirinn tengdur
við aðveituæð heita vatnsins
Í sleðaferð í góðri vetrarfærð
Opnuðu jólahúsið
Jólin heima er nafn tónleika í
Akraneskirkju og Borgarneskirkju