Læknablaðið - 15.11.2002, Blaðsíða 60
UMRÆÐA & FRÉTTIR / LÆKNAR GEGN TÓBAKI
Læknar gegn tóbaki
Þann 5. október síðastliðinn var stofnað félagið,
Læknar gegn tóbaki. Félagið er opið öllum læknum
sem áhuga hafa á tóbaksvörnum. Markmið félagsins
eru:
1. Að vinna að því að gera öllum sem nota ein-
hvers konar tóbak auðveldara með að hætta því.
2. Að stuðla að forvörnum gegn hvers konar
tóbaksnotkun, meðal annars með markvissu
starfi gegn áróðri tóbaksframleiðenda.
Starfinu verður einkum beint að almenningi, lækn-
urn og öðrum heilbrigðisstarfsmönnum og stjórn-
málamönnum.
Á stofnfundinum voru samþykkt lög fyrir félagið
og kjörin þriggja manna stjórn. Stofnfélagar eru allir
þeir sem láta skrá sig í félagið fyrir 1. desember 2002.
Árgjald verður 1.000 krónur í ár. Á stofnfundinum
var rætt um að æskilegt væri að félagið stofnaði eigin
vef, með því að setja upp tengil á heimasíðu Lækna-
félagsins. Þegar hefur fengist leyfi stjórnar LÍ til þess.
Með þessum fáu orðurn, ásamt meðfylgjandi lög-
um félagsins vill stjórn þess kynna það. Stjórnin vill
gjarnan heyra frá áhugamönnum á sviði tóbaksvarna,
fjölga félagsmönnum og móta framkvæmd félagsins á
markmiðum þess í samráði við þá. Ritari félagsins
tekur við skráningum nýrra félagsmanna bréflega
eða á netfang sitt.
Formaður: Pétur Heimisson, Heilbrigðisstofnunin
Egilsstöðum, petur@hsa.is
Ritari: Sigurður Böðvarsson, Landspítala,
sigurdbo@landspitali. is
Gjaldkeri: Lilja Sigrún Jónsdóttir, Hjartavernd,
Lilja@hjarta.is
Félagið vill undirstrika þá lykilaðstöðu sem allir
læknar eru í til að sinna tóbaksvörnum og hvetur
lækna til að ganga í félagið.
Lög
félagsins
1. grein
Félagið heitir: Lœknar gegn tóbaki. Með „tóbaki“ er
átt við allar tegundir tóbaks.
2. grein
Félagar geta orðið allir læknar, sem áhuga hafa á tób-
aksvörnum. Heimili félagsins og varnarþing er á
skrifstofu Læknafélags Islands Hlíðasmára 8, Kópa-
vogi.
3. grein
Markmið félagsins eru tvíþætt. Annars vegar að
vinna að því að gera öllum sem nota einhvers konar
tóbak auðveldara með að hætta því. Hins vegar að
stuðla að forvörnum gegn hvers konar tóbaksnotk-
un, m.a. með markvissu starfi gegn áróðri tóbaks-
framleiðenda. Pað hyggst einkum ná markmiðum
sínum með starfi gagnvart almenningi, læknum og
öðrurn heilbrigðisstarfsmönnum, og stjórnmála-
mönnum. Félagið undirstrikar þá lykilaðstöðu sem
læknar hafa lil að sýna fordæmi og sinna tóbaks-
vörnum.
4. grein
Stofnfélagar eru allir þeir sem láta skrá sig í félagið
fyrir 1. desember 2002.
5. grein
Stjórn félagsins skal skipuð 3 félagsmönnum; for-
manni, ritara, gjaldkera. Stjórnarmenn eru kosnir á
aðalfundi, til tveggja ára í senn, en endurkjör er
heimilt. Stjórn boðar til félagsfunda þegar þurfa þyk-
ir. Dagleg umsjón félagsins er í höndum formanns í
samvinnu við aðra stjórnarmenn.
6. grein
Aðalfundur skal haldinn árlega. Stjórn skal boða
fundinn skriflega, með a.m.k. tveggja vikna fyrirvara.
Einungis félagsmenn mega sitja aðalfundi. Meirihluti
atkvæða ræður úrslitum mála á aðalfundi og löglega
boðaður aðalfundur hefur óskoraðan rétt til af-
greiðslu mála.
Á dagskrá aðalfundar skal vera:
- skýrsla stjórnar
- reikningar lagðir fram til samþykktar
- árgjald ákveðið
- breyting á lögum
- stjórnarkjör og kosning tveggja endurskoðenda
- önnur mál.
7. grein
Reikningar félagsins miðast við aðalfund ár hvert.
8. grein
Félagið verður aðeins lagt niður með að minnsta kosti
tveimur þriðju hluta atkvæða á löglega boðuðum
aðalfundi, enda hafi tillaga um að leggja það niður
verið send með aðalfundarboði.
9. grein
Lögum félagsins má aðeins breyta á löglega boðuðum
aðalfundi, enda hafi lagabreytingatillaga fylgt fundar-
boði.
10. grein
Lög þessi öðlast gildi við samþykkt þeirra á endur-
teknum stofnfundi og aðalfundi félagsins 05.10.2002.
852 Læknablaðið 2002/88