Ritið : tímarit Hugvísindastofnunar - 01.10.2002, Side 56

ARMANN JAKOBSSON
ar, drekka ógeðsdrykk, keppa í hver getur verið lengst með höfuðið á kafi
í mjólk og annað af því tagi. Þeir opinbera eigin fáfræði í hverri \áku í
Trivial Pursuit og aftnælisdagbók þar sem þeir greina frá afmælum amer-
ískra stórstirna sem þeir vita oft ekki (eða þykjast ekki vita) að eru löngu
látin eða í sumum tilvikum hvað þetta fólk hefur unnið sér til ffægðar.8 9
Dagskrárgerðarmenn á Popp Tíví virðast gera sér skýra grein fyrir þ\'í
að skilgreiningin á lágmenningu er fljótandi en sama hvaða skilgreining
er notuð, þeir ætla að vera réttum megin við hana og tekst það vel. Það
besta við allt þetta er að þátturinn er sérkennilega heillandi í allri sinni
lágkúru, það er sáraeinfalt að verða háður honum og umsjónarmennirn-
ir kunna sitt fag nógu vel til þess að allt bullið getur verið skemmtilegt.
Vitaskuld er PoppTíví skilgetið afkvæmi Rásar 2, Bvlgjunnar og annarra
miðla sem urðu til á 9. áratug síðustu aldar, þegar skyndilega þurftd ekki
lengur handrit í útvarpi heldur gat maður setið þar og talað upp úr sér á
milli þess sem leikin var tónlist. Um leið þurfti ekki lengur aðra hæfileika
en að vera ungur til að verða útvarpsmaður þannig að upp spruttu enda-
lausar „útvarpsstjörnur“ sem aldrei höfðu þó gert neitt annað en að tala
upp úr sér og þeyta skífum og voru þegar verst lét ekki einu sinni fyndnar
eða skemmtilegar, aðeins „hressar“.
Umsjónarmenn PoppTíví mega raunar eiga það að þeir virðast ekki
telja sig stórstjörnur, eru lausir við að hefja sig yfir áhorfendur sína og
setja sig aldrei í hátíðlegar stellingar. Það er í sjálfu sér hressandi í nútím-
anum þegar sjónvarpsmenn taka sig almennt mjög hátíðlega, án þess að
vera endilega mjög djúpir. A meðan starfsmenn Sjónvarpsins láta vaða á
súðum á kortéri yfir grafalvarleg málefni eru drengirnir í Sjötíu mínútum
ekkert að flýta sér og gefa sér drjúgan tíma á hverju kvöldi í að taka sig
ekki hátíðlega. Og það er mátulegt á hin kostulegu Edduverðlaun sem
veitt eru þessum örfáu íslensku kvikmyndum sem til verða á ári hverju
við mikla viðhöfh og froðu að dagskrárgerðarmaður á PoppTíví skyldi
kjörinn „sjónvarpsmaður ársins“ og fá eina Eddu árið 2002.l'
8 Þannig var sagt frá því 12. nóvember 2002 að Grace Kelly væri orðin 73 ára. Um-
sjónarmaðurinn virtist þekkja Grace Kelly sem leikkonu en eklu vita að hún hafi
gifst Rainier fursta í Mónakó og dáið í bílslysi fyrir 20 árum. Þvert á móti sagðist
hann telja að hún væri enn á lífi, þó að myndirnar af henni væru allar gamlar. Ahorf-
andinn situr efdr og veit ekki alveg hvort þetta er glens eða ekki.
9 Það var Sverrir Þór Sverrisson, kallaður „Sveppi“ og þegar hann tók við verðlaun-
unum hegðaði hann sér á dæntigerða PoppTíví-vísu með því að gefa í skyn að hann
hefði svindlað í kjörinu.
54