Fréttatíminn - 17.10.2014, Blaðsíða 12
Við hönnun
íþrótta- og
menningarmið-
stöðvarinnar
höfðu Aðalheið-
ur og félagar
samnýtingu
að leiðarljósi.
Í húsinu eru
fjölnota rými
sem nýtast ekki
bara íþrótta-
iðkendunum
heldur stórum
hópi íbúa
hverfisins við
hverskyns upp-
ákomur.
A 2f arkitektar, sem er með skrif-stofur í Reykjavík og Berlín, hefur áður hlotið viðurkenningar en þar
á meðal er nýbygging Framhaldsskólans
í Mosfellsbæ. Samkeppnin var opin þar
sem 95 tillögur voru samþykktar en af
þessum 95 tillögum voru svo 10 valdar til
þátttöku í samkeppninni. Það var einróma
álit dómnefndar að tillaga af2 arkitektar
skyldi vinna.
Harður heimur
Arkitektarnir á bak við tillöguna eru þau
Aðalheiður Atladóttir, Falk Krüger og Fi-
lip Nosek. „Við erum þrjú saman í þessu,
við Falk, sem er eiginmaður minn, og Fi-
lip, gamall vinur okkar úr háskólanum, en
hann rekur stofuna í Berlín. Við lærðum
í Aachen í Þýskalandi og á lokaönninni
okkar leigðum við saman gamalt sláturhús
sem var tómt á þeim tíma og umbreyttum
því í vinnustofu. Það var svo í kjölfar vinn-
unnar við Framhaldsskólann í Mosfellsbæ
sem við ákváðum að stofna saman stofu.“
Aðalheiður segir verðlaunin vera mjög
þýðingarmikil fyrir stofuna. „Þetta er
miklu harðari heimur úti en hér. Það er
ekki mikið um opna samkeppni og mjög
oft er forval til að komast að í keppni. Við
höfum enn ekki mikið af opinberum bygg-
ingum á ferilskránni svo það getur verið
erfitt að komast að. Stundum er svona
„wild card“ fyrir ungar stofur og þá er það
bara happaglappa hvort maður komst að.
Það er bara svo ofboðsleg samkeppni í
Þýskalandi að það getur verið erfitt um vik
fyrir litlar ungar stofur. En þessi verðlaun
eiga eftir að hjálpa okkur mikið og veita
þeim aðgang að fleiri samkeppnum.“
Áhersla á samnýtingu og vistvæn efni
Húsið sem um ræðir er íþróttahöll og
menningarmiðstöð og segir Aðalheiður
bygginguna sjálfa endurspegla notagildi
sitt í hönnun og efnisvali. „Menningar-
miðstöðin umlykur íþróttahöllina og
salur hennar nýtist sem fjölnota salur
með menningarmiðstöðinni. En þar að
auki er húsið á lóð grunnskóla hverfisins
sem nýtir þá líka íþróttasalinn. Þannig að
við leggjum mjög mikla áherslu á sam-
nýtingu. Það sem er líka mikilvægt er að
byggingin er hluti af átaki borgarinnar
til að bæta hverfið, efla það og styrkja, en
þess vegna hugsum við húsið sem mið-
stöð þar sem fólk getur komið saman. Það
eru fleiri fjölnota rými í húsinu sem fólkið
í hverfinu getur nýtt við hverskyns upp-
ákomur.
Íþróttahöllin sjálf er hærri eining og
hlaðin úr múrsteinum, líkt og næsta bygg-
ing í hverfinu. Hugmyndin er að hún virki
sem öflugur stólpi sem svo menningarmið-
stöðin umlykur á „organískan“ hátt, bæði
í efnisvali og formi,“ segir Aðalheiður en
menningarmiðstöðin verður byggð úr viði.
Stofan þeirra Aðalheiðar vann alþjóðleg
verðlaun árið 2014 fyrir vistvænar út-
færslur við hönnun Framhaldsskólans í
Mosfellsbæ. Aðalheiður segir þau alltaf
vinna með vistvænar lausnir í huga. „Í
þessari samkeppni var ekki beðið sérstak-
lega um vistvænar lausnir en
við erum alltaf með það á bak við eyrað
í okkar hönnun. Til dæmis hugsum við
mikið um efnisval og hvað verði um efnið
í framtíðinni. Við reynum að nota ending-
argott efni, en ef það þarf að rífa eða laga
hvað verður þá um efnið? Er hægt að farga
því? Við erum mjög hrifin af tré því það er
lifandi efni og það er hægt að gróðursetja
nýtt tré í stað þess sem þú tekur.“
Sveiflukenndur bransi
Aðalheiður og Falk höfðu alltaf mikinn
áhuga á því að vinna á Íslandi og fluttu
því hingað eftir útskriftina í Aachen. Þau
ákváðu svo að fara aftur út eftir hrun í
atvinnuleit. „Við unnum úti í eitt ár en
þegar við sigruðum í samkeppninni um
Framhaldsskóla Mosfellsbæjar fluttum
við aftur heim. Mig langar að vinna hér
heima en auðvitað er gott að hafa þessa
tengingu við Þýskaland og geta unnið
þar líka. Þetta mjakast svona hægt og
rólega áfram hér heima, en kannski ekki
alveg jafn hratt og maður var að vonast til
þegar maður var að byrja. Þetta er svolítið
sveiflukenndur og erfiður bransi, því verð-
ur ekki neitað, en við getum þó alls ekki
kvartað núna þar sem við erum með næg
og fjölbreytt verkefni í gangi. Við erum
bjartsýn á framtíðina.“
Halla Harðardóttir
halla@frettatiminn.is
Loft innan fárra mínútna
Ilmur af mentól og eukalyptus
Andaðu
með nefinu
Otrivin Menthol ukonserveret, nefúði, lausn. Innihaldslýsing: Xýlómetazólínhýdróklóríð
1 mg/ml. Ábendingar: Bólgur og aukin slímmyndun í nefi, kinnholum og nefkoki. Skammtar
og lyfjagjöf: Fyrir fullorðna og börn eldri en 12 ára: 1 úði í hvora nös 3 sinnum á sólarhring
eftir þörfum, lengst í 10 sólarhringa og ekki úða oftar en að hámarki 3 úða í hvora nös á
sólarhring. Snýttu þér. Fjarlægðu glæru plasthettuna. Skorðaðu úðaflöskuna milli fingranna.
Úðað er með því að þrýsta kraganum niður að flöskunni. Hallaðu höfðinu örlítið fram.
Stúturinn á úðaflöskunni er settur upp í nösina. Úðað er einu sinni, um leið og andað er
að sér inn um nefið. Farðu eins að í hina nösina. Ekki má nota lyfið ef þú ert með ofnæmi
fyrir einhverju innihaldsefnanna, ef þú hefur gengist undir aðgerð í gegnum nefið eða
munninn eða ert með þrönghornsgláku. Ráðfærðu þig við lækni áður en lyfið er notað ef þú
ert: Þunguð, með barn á brjósti, næmur fyrir adrenvirkum efnum, ert með skjaldvakaóhóf,
sykursýki, háþrýsting, æðakölkun, slagæðargúlp, blóðtappa í hjarta, óreglulegan eða hraðan
púls, erfiðleika við þvaglát, æxli í nýrnahettum, þunglyndi og ert á lyfjameðferð við því.
Geymið þar sem börn hvorki ná til né sjá. Lesið allan fylgiseðilinn vandlega áður en byrjað er
að nota lyfið. Sjá notkunarleiðbeiningar í fylgiseðli. Markaðsleyfishafi: Novartis Healthcare.
Umboð á Íslandi: Artasan ehf., Suðurhrauni 12a, 210 Garðabæ.
Íslensk arkitektastofa vinnur
til verðlauna í Þýskalandi
Íslensk-þýska arkitektastofan, a2f
arkitektar, vann í vikunni samkeppni um
hönnun íþróttahallar og menningarmið-
stöðvar í Rendsburg í Þýskalandi. Aðal-
heiður Atladóttir, einn eigenda stofunnar,
segir verðlaunin mjög þýðingarmikil og
hjálpa þeim að komast áfram í annars
hörðum heimi.
Aðalheiður Atladóttir og Falk Krüger, sem eru samstarfsmenn og hjón, reka stofuna a2f ásamt
Filip Nosek. Þau lærðu arkitektúr í Þýskalandi og vinna nú bæði á Íslandi og í Þýskalandi. Þau segja
bransann mjög sveiflukenndan beggja vegna Atlantshafsins en þau séu samt bjarsýn á framtíðina.
Mynd Hari.
12 fréttaviðtal Helgin 17.-19. október 2014