Fréttatíminn - 17.10.2014, Blaðsíða 27

það og þar með allan líkamann.
Þess vegna missir maður meðal
annars allt líkamshár og þar með
augabrúnirnar og höfuðhárið. Ég
fór í brjóstnám og í lokin fór ég 25
sinnum í geisla. Ári eftir að ég hafði
staðið í þeirri trú að ég væri hraust-
asta kona landsins var ég orðin
svo veikburða að ég komst varla á
milli stóla. Á milli þess sem mér
voru gefnar eiturgusurnar reyndi
ég að halda mér í nógu góðu formi
til að þola næsta eiturskammt sem
fer enn verr með mann. Það komst
ekkert annað að en að þola næsta
skammt. Þetta er styrjöld og maður
er í henni af fullum þunga, með
allan herinn sinn með sér,“ segir
Hildur og gjóir augunum til eigin-
mannsins. „Að meðferðinni lokinni
tók við uppbygging og ég hef reynt
að fara sem mest út að ganga og
synda,“ segir hún.
Kósí með enga hárkollu
Hildur var um tíma með hárkollu
eftir að hún missti hárið og komst
að því að ýmsir fjölskyldumeðlimir
kunnu vel að meta það. „Barnabörn-
unum fannst svo ævintýralega flott
að amma gæti tekið af sér hárið.
Þeim finnst henni síðan hafa farið
aftur núna því hún getur það ekki
lengur,“ segir Einar kómískur. Hild-
ur rifjar upp góðar stundir sem hún
átti með þá þriggja ára dótturdóttur
sinni uppi í rúmi að lesa á kvöldin.
„Mér fannst óþægilegt að vera með
hárkolluna þannig að ég tók hana
af mér þegar við vorum að hafa það
notalegt saman. Hún veit að ég læt
oft undan henni þegar hún biður
mig fallega þannig að hún biður
mig stundum enn afskaplega fal-
lega: „Elsku amma, viltu taka af þér
hárið.“ Þegar við höfum það kósí
saman þá finnst henni tilheyra að
ég sé sköllótt. Hún á erfitt með að
meðtaka að nú sé hárið fast og hún
togar stundum í það til að fullvissa
sig. Stundum togar hún jafnvel í
hárið á öðrum bara til að athuga
hvort það losnar,“ segir Hildur.
Einar stóð þétt við hlið eiginkonu
sinnar í veikindunum og þegar hún
lauk meðferð var það ekki bara
hún heldur hann líka sem fékk
orkuna aftur. „Það var ekki bara
ég sem hresstist heldur varð allt
annað upplit á manninum. Þegar
litið var á mig sem læknaða kom
allt önnur orka í Einar og það var
eins og hann væri að orkudrykkju
dag eftir dag. Það var ekki bara
það að ég væri lasin heldur fórum
við saman í hvert einasta viðtal og
stigum þennan dans alveg saman.
Þetta reyndi mikið á okkur bæði, á
okkar fjölskyldu og vini. Miðað við
kraftinn sem kom yfir hann var ég
ekki hissa þegar hann sagði mér
að hann yrði líklega með bók fyrir
jólin,“ segir Hildur.
Í fótspor Star Wars og Wagner
Þríleikur Einars sem gerist á
Sturlungaöld og hófst með bókinni
Óvinafagnaði sem kom út árið 2001
hefur vakið verðskuldaða athygli.
Fjórða bókin kemur út fyrir jólin
sem gerir bókaflokkinn að kvartett
en ekki þríleik, og ber hún nafnið
Skálmöld. „Ég hélt að þessu væri
lokið og að þetta væri trílógía.
Þegar ég fór að skoða þetta í heild
sinni áttaði ég mig á því að ég var
búin að dekka afar dramatískt
tímabil á Sturlungaöld en ég hafði
sleppt fyrstu og dramatískustu
atburðunum. Óvinafagnaður hefst
þegar Þórður Kakali fréttir að faðir
hans og flestir bræður voru drepnir
á Örlygsstöðum. Bækurnar Ofsi og
Skáld gerast eftir það. Aðdragand-
anum hafði ég hins vegar aldrei
E
N
N
E
M
M
/
S
ÍA
/
N
M
6
4
6
14
Skammdegið er skemmtilegt, sérstaklega þegar maður er vel búinn.
Þeir sem eru með F plús fjölskyldutryggingu geta sótt sér hlýja og
skínandi fallega húfu eða eyrnaband á næstu þjónustuskrifstofu VÍS.
Sjáumst með F plús
VÍS | ÁRMÚLA 3 | 108 REYKJAVÍK | SÍMI 560 5000 | VIS.IS
gert skil en hann er líklega það
dramatískasta sem gerðist á Sturl-
ungaöld. Mig langaði því að klára
þetta og fylla út í myndina,“ segir
Einar. Það stóð aldrei til hjá honum
að skrifa þrjár, hvað þá fjórar,
bækur um Sturlungaöldina. „Ég
hafði upphaflega bara áhuga á kar-
akternum Þórði Kakala. Mér fannst
hann nútímalegur og spennandi og
passa vel í nútímaskáldsögu. Það
var seinna sem ég ákvað að skrifa
meira um þetta tímabil. Skálmöld er
fremsta bókin, svokallað „pre-quel“,
og hún endar þar sem Óvinafagnað-
ur byrjar. Þar með heitir þetta ekki
trílógía heldur kvartett sem þykir
mjög fínt,“ segir hann kíminn.
Einar komst síðan að því að hann
var ekki fyrsti maðurinn til að
skrifa forleikinn síðast „Ég hafði
ekki gert mér grein fyrir því en mér
var bent á að
Star Wars
hefði endað á
byrjuninni,“
segir hann
en fyrsta
myndin í forleiknum að hinum
klassíska þríleik Star Wars kom út
16 árum eftir að síðasta myndin var
gerð. „Tónlistarmaðurinn Vikingur
Heiðar Ólafsson benti mér síðan á
að ég væri að gera það sama og tón-
skáldið Richard Wagner í Niflunga-
hringnum en hann endaði á þeirri
óperu sem á sér stað fyrst, Rínar-
gulli. Ég, Star Wars og Wagner
eigum því allavega þetta sameigin-
legt,“ segir hann hógvær. Einar
byrjaði að skrifa Skálmöld í febrúar
en þó er lítið að marka þann tíma
því hann hefur undanfarin 15 ár
Elsku amma,
viltu taka af
þér hárið.
Framhald á næstu opnu
viðtal 27 Helgin 17.-19. október 2014