Fréttatíminn - 17.10.2014, Blaðsíða 62
62 fjölskyldan Helgin 17.-19. október 2014
Bankastræti 3 | S. 551 3635 | www.stella.is
sokkabuxurRosaflottar
Líka í yfir-
stærðum
Kvenleiki hvernig hjálpa mæður dætrum sínum frá gildrunum?
F ullkomnun er hið sjálfsagða viðmið í heimi ungra kvenna. Ekki það að þær séu þessar hlægilegu ofurkon-
ur, heldur lifa þær sínu sjálfsagða lífi þar
sem þær gera svosem ekkert merkilegt.
Það er sjálfsagt að hafa menntað sig; það
lærðu þær af mæðrum sínum og eins er
sjálfsagt að bæta við sig framhaldsgráðu
á háskólastigi. Sjálfsagt að gera það með
vinnu enda eru þær ábyrgar fyrir fram-
færslu fjölskyldunnar, að vísu á
lægri launum en eiginmaðurinn en
dugar þó fyrir rekstri heimilis og
barna á meðan hann borgar húsið
og bílinn – hin seljanlegu verðmæti
meðan kvennalaunin fara inn og út
um gluggann og alltaf sömu leið.
Svo þarf að lesa nýjar fræðigreinar
og sækja námskeið og ráðstefnur
heima og heiman til að halda sér við
í faginu, fylgjast vel með fréttum og
þjóðmálaumræðu, sinna menningar-
lífi heimsins og hitta vinkonurnar
á kaffihúsi og í saumaklúbbnum
sem núna heitir reyndar leshringur.
Gleymum ekki foreldraviðtölum
og eftirfylgd með námi barnanna,
mætingu á fótboltamótin og fimleika-
æfingarnar og akstrinum í píanótímana en
pabbinn tekur þó hluta af þessu, sérlega ef
búið er að minna hann á tímasetningar og
hringja í hann 5 mínútum áður en æfingu
lýkur eða viðtal hefst. Heimilisrekstur
tekur reyndar sama tíma og hann gerði
fyrir 50 árum skv. breskri rannsókn þar
sem kröfur um hreinlæti hafa margfald-
ast, fatamagn fjölskyldunnar hefur marg-
faldast og flækjustig í næringu fjölskyld-
unnar hefur líka margfaldast. Hollusta og
heimaeldun, lífræn ræktun, sykurleysi,
laktósalausar mjólkurvörur, glúteinóþól
unglingsins og bakstur að kvöldlagi. Loks
er það ræktin og jógað og salsað, fótleggj-
arakstur, dagförðun og kvöldförðun og
vitaskuld frábært kynlíf, allt á innan við
þúsund kalóríum á dag.
Margt bendir til þess að sjálfsmynd
stúlkna á barnsaldri sé sterkari en hún
var fyrir einhverjum áratugum en sá ár-
angur byggir að einhverju leyti á brauð-
fótum þar sem átökin við upphaf unglings-
áranna brýtur sjálfstraust þeirra niður.
Fullkomnunin sem viðmið kvenleikans
heldur sem sagt innreið sína. Streita yfir
íþróttaiðkun eða tónlistarnámi sem er
orðið að fullkomnunarprófi, áhyggjur af
frammistöðu í skóla, grátur fyrir próf og
sjálfsrefsingar fyrir einkunnir undir níu
komma fimm. Ótti við að standast ekki
samanburð við „hinar“ stelpurnar og
hræðsla við höfnun hins kynsins, kvölin
um að vera ekki nógu sæt eða nógu vel
klædd, vera of lágvaxin eða of hávaxin,
vera ekki í nógu góðu formi og verst af
öllu – að vera ekki nógu mjó.
Þreyta og meiri þreyta, magaverkir og
höfuðverkir, kvíði og þunglyndiseinkenni
sigla í kjölfar þess að þær eru aldrei nógu
góðar á mælistiku fullkomleikans. Sú
stika leyfir engin frávik og engin mistök
enda óttast stúlkur ekkert meira en þá
skepnu. Þær fara að stjórna lífi sínu frá
mögulegum mistökum, velja „öruggt“ og
halda ásýndinni í lagi. Þar með afsala þær
sér nýjum möguleikum þar sem æfing
með tilheyrandi mistökum skapar meist-
ara. Ímyndum kvenleikans er fjölvarpað í
formi fótósjoppaðra mynda af hálfnöktum
konum og vitað er að sjálfstraust kvenna
lækkar mælanlega við það eitt að fletta
tískublaði. Þar með eru þær auðveld
fórnarlömb fyrir átraskanir í fjölmörgum
myndum, allt frá lífshættulegu lystar-
stoli yfir í offitu til að skapa vernd utan
um viðkvæmt sjálf. Með tímanum þróast
svo langvarandi veikindi vegna þess
margfalda álags sem þær búa við með til-
heyrandi læknisheimsóknum, fjölbreyttri
lyfjanotkun, aðgerðum af ýmsum toga og
loks vefjagigt og síþreyta ofan á notkun
þunglyndislyfja og kvíðastillandi lyfja og
geðdeildarheimsókna. Öryrkjar á besta
aldri þegar verst lætur.
Hvernig hjálpa mæður dætrum sínum
frá gildrunum? Fyrst og fremst verða þær
sjálfar að vinna með sjálfar sig þar sem
þær eru fyrirmynd stúlknanna sinna frá
fyrstu stundu. Meira að segja snýst upp-
reisn unglingsstúlkna um að slíta sig frá
mömmu og gera allt öðruvísi en mamma
– en teygjanleiki naflastrengsins togar
þær fljótt til baka. Mæður verða að skipta
út neikvæðum einkennum kvenleikans
í eigin fari og setja nýja þætti inn eða
endurforrita sig fyrir stúlkurnar sínar.
Verið framkvæmdastjórar heimilisins
en ekki pirraðar hús-mæður. Verkstýrið
allri fjölskyldunni í heimilisverkum með
gleðibrosi á vör til að andæfa gegn ímynd
hinnar pirruðu húsmóður. Takið ykkur
ekki of hátíðlega, leyfið ykkur að hlæja að
erfiðleikum daglegs lífs og reyndar eru
gleðiæfingar, fjör og hlátur ómetanleg
andóf gegn fullkomnunaræðinu. Sýnið
dætrum ykkar að þið prófið óvenjulega
hluti eins og að fresta framhaldsnáminu
um tvö ár eða skreppið einar til útlanda án
þess að spyrja hvernig hann muni græja
heimili og börn á meðan. Segið dætrum
ykkar frá lífi ykkar, sigrum og mistökum
án þess að ætlast til að þær verði með-
virkar með ykkur og hvetjið þær til að tala
um sína líðan.
Skiljið stundum eftir óuppvaskað og
farið í ísrúnt eftir kvöldmatinn og setjið
barnaflokkinn ykkar í fötin frá í gær þrátt
fyrir smábletti. Ávítið dætur ykkar aldrei
fyrir að skíta út fötin sín eða segið þeim
að „passa sig“ í nýju jólafötunum. Veljið
fleiri liti en bleika á stúlkuna ykkar og
leyfið henni að prófa fleiri leikföng en
bleikar prinsessur, munið að það fæst frá-
bær bíll með barbie og hún getur fengið
hraustlega hlaupakjóla af ýmsum gerðum.
Segið þeim að áhugamálin séu til gleði og
ekki til að verða bestar, syngið endalaust
að góðar einkunnir séu allt í lagi en líka
frábært að fá stundum lágar einkunnir til
að muna að þær séu jafndásamlegar hvað
sem eitthvert einkunnablað segir. Höldum
áfram og áfram að bæta eigin líf og fram-
tíð dætra okkar án gjalds kvenleikans;
dropinn holar steininn, ekki af því að
hann falli svo fast – heldur að því að hann
fellur aftur og aftur.
Gjald kvenleikans
Margrét
Pála
Ólafsdóttir
ritstjórn@
frettatiminn.is
heimur barna
Ávítið dætur ykkar aldrei fyrir að skíta út fötin sín
eða segið þeim að „passa sig“ í nýju jólafötunum.
Veljið fleiri liti en bleika á stúlkuna ykkar og
leyfið henni að prófa fleiri leikföng en bleikar
prinsessur, munið að það fæst frábær bíll með
barbie.
SPECIALIZED BICYCLES & COMPONENTS
KRÍA HJÓL GRANDAÐGARÐUR 7 101 REYKJAVÍK s.5349164
Heilsukai
Móðir & barn
Föstudaginn 24. október verður
sérkai um heilsu í Fréttatímanum
þar sem allað verður um allt sem
viðkemur meðgöngu og heilsu
barna.
Ef þú hefur áhuga á að kynna starfsemi þína eða kaupa
auglýsingu hafðu þá samband við auglýsingadeild
Fréttatímans, auglysingar@frettatiminn.is
eða í síma 531-3300.