Fréttatíminn - 17.10.2014, Blaðsíða 86

 LeikList Íris HóLm Hjá LeikféLagi mosfeLLsbæjar
Hlutverkið fullkomið fyrir mig
s öngkonunni Írisi Hólm er margt til lista lagt. Hún
stendur nú á leiksviði í fyrsta
sinn í uppfærslu Leikfélags
Mosfellsbæjar á ævintýrinu
um Ronju Ræningjadóttur. „Ég
hafði alltaf viljað taka þátt í
leikfélaginu hér í heimabænum
mínum,“ segir Íris. „Ég var svo
í heimsókn hjá Agnesi Wild
leikstjóra og hún sagði mér
að hún ætlaði að setja Ronju á
svið og ég sagði henni að mig
hefði alltaf langað til þess að
leika hlutverk Lovísu, mömmu
Ronju. Hún tók mig bara á orð-
inu og það var ákveðið. Lovísa
er ekkert ósvipuð mér, fyrir-
ferðarmikil frekja,“ segir Íris.
„Svo er skemmtileg tilviljun að
maðurinn minn heitir Matthías,
eins og maður Lovísu, svo ég
fæ mikla útrás á sviðinu og er
rólegri heima fyrir,“ segir Íris.
„Þetta hefur gengið alveg
rosalega vel og mjög gaman að
taka þátt í þessu. Ég er allavega
komin til að vera hjá Leikfélagi
Mosó, mig langar að leika
meira,“ segir Íris. „Það er ýmis-
legt fram undan í söngnum, en
ekkert sem hægt er að tala um
strax. Ég finn það að hlutverk
í leikhúsi á eftir að hjálpa mér
mikið þegar kemur að söngn-
um og framkomu og slíkt,“
segir Íris Hólm sem nýtur sín á
sviðinu.
Ronja Ræningjadóttir er sýnd
alla sunnudaga í leikfélagi Mos-
fellsbæjar.
-hf
Íris Hólm leikur
Lovísu, mömmu
Ronju Ræningja-
dóttur.
V ið byrjuðum á því í vor að vera með kosningu á vef Ríkisútvarpsins, þar sem allir landsmenn gátu kosið sín
uppáhalds lög frá hverjum áratug. Frá árinu
1944 til dagsins í dag. Þátttakan var frábær
og greinilegt að margir hafa sterka skoð-
un á því hvaða lög eru í uppáhaldi,“ segir
Ragnhildur Steinunn Jónsdóttir. „Það var
auðveldara að velja úr elstu lögunum en svo
varð þetta erfiðara og erfiðara.“
Var ekki erfitt að sjá kannski lög sem
þið höfðuð í uppáhaldi ekki komast inn á
listann?
„Auðvitað vantar alltaf einhverja gull-
mola. Fjöldinn af góðum íslenskum lögum
er bara svo svakalegur að annað væri ekki
hægt, það kemst bara ekki allt að, því miður.
Svo komumst lög inn sem maður sjálfur
hefur enga tengingu við, sem er líka skiljan-
legt. Listinn er mjög fjölbreyttur.“
Saga laganna sögð
Í þættinum eru 5 lög flutt af hljómsveit
og rjómanum af íslenskum söngvurum og
söngkonum, en Jón Ólafsson útsetur lögin af
sinni alkunnu snilld. „Ég held að það verði
gaman að heyra þessi lög flutt af öðrum
söngvurum en þeim sem fluttu þau, og sum
þeirra í skemmtilegum útsetningum sem
ekki hafa heyrst áður. Sum sem koma mjög
á óvart,“ segir Ragnhildur. „Við segjum líka
sögu laganna og þeirra sem flytja þau, erum
búin að tala við marga höfunda sem og
börn þeirra sem fallnir eru frá. Rifjum upp
gamlar sögur og fréttir úr blöðum og sjón-
varpsþáttum,“ bætir hún við.
„Undirbúningur þáttanna hefur verið
mjög skemmtilegur og maður hefur rekist
á margar skrýtnar sögur og skemmtilegar
fréttir. Í dag rakst ég t.d á gamla frétt frá
1982 þar sem fjallað var um æðið sem greip
um sig á Íslandi þegar fótanuddtæki komu
til landsins. Radíóbúðin seldi svo mikið af
tækjunum að um tíma tók því ekki að stilla
tækjunum uppí versluninni og voru þau seld
úr fjörutíu feta gámi úti á stétt. Svo rekst
maður á skemmtilegar staðreyndir eins og
að hversu afkastamiklar sumar íslenskar
hljómsveitir voru á þessum tíma. Purrkur
Pillnikk starfaði t.d bara í eitt og hálft ár en
gaf út 5 plötur!
VIP-passi með launaumslaginu
Það er nóg að gera þessa dagana því
meðfram Óskalögum Þjóðarinnar ritstýrir
Ragnhildur Steinunn nýjum þætti á RÚV
sem heitir Hæpið og einnig er hún að hefja
upptökur á fjórðu seríu Ísþjóðarinnar þar
sem ungu áhugaverðu fólki er fylgt eftir.
„Það er bara svo skemmtilegt að fást við
öll þessi verkefni að manni finnst maður
varla vera í vinnunni, þetta er meira eins
og áhugamál. Og það að undirbúa Óskalög
Þjóðarinnar er eins og eitt gott nostalgíu-
partí. Svo er ég líka algjör Nýdanskra aðdá-
andi þannig að fá að vinna með Jóni Ólafs er
eins og að fá VIP-passa með launaumslaginu
um hver mánaðarmót.“
Hvernig gengur að koma þessu öllu heim
og saman?
„Ég er algjört excel skjal þegar kemur
að skipulagningu enda mörg verkefni sem
þarf að sinna á hverjum degi. Ég var líka svo
heppin að fá bestu dagmömmuna í Vestur-
bænum, hana Þórunni, til að gæta sonar
okkar sem er nýorðinn eins árs þannig að ég
get sinnt vinnunni áhyggjulaus þar til vinnu-
deginum lýkur. Ef dagarnir lengjast bjargar
pabbinn alltaf málunum og þó ég segi sjálf
frá þá held ég að við stöndum okkur nokkuð
vel miðað við að hafa litla aðstoð í kringum
okkur,“ segir Ragnhildur.
Þættirnir verða 8 talsins. Einn þáttur fyrir
hvern áratug og eftir hvern þátt verður hægt
að kjósa sitt uppáhald í hverjum þætti fyrir
sig. Þann 6. desember verður svo loka-
þáttur í beinni útsendingu þar sem eitt lag
frá hverjum áratug verður flutt og óskalag
þjóðarinnar afhjúpað.
Átt þú þitt uppáhalds lag?
„Ég get ómögulega svarað því. Það er svo
ótrúlega mikið til af fallegum og flottum
lögum,“ segir Ragnhildur.
Þátturinn Óskalög þjóðarinnar hefst á
morgun, laugardag, í Ríkissjónvarpinu og
söngvararnir sem syngja í fyrsta þættinum
eru þau Ágústa Eva, Björn Jörundur, Eyþór
Ingi, Lay Low og Sigga Eyrún.
Hannes Friðbjarnarson
hannes@frettatiminn.is
 sjónVarp ragnHiLdur steinunn stýrir óskaLögum þjóðarinnar á rÚV
Hef svo mikið að gera að
ég er orðin að excel-skjali
Skemmtiþátturinn Óskalög þjóðarinnar hefst á laugardaginn á RÚV. Þættirnir eru tónlistar-
þættir þar sem farið verður yfir uppáhaldslög landsmanna síðustu sjö áratugi. Umsjónarmenn
þáttarins verða þau Jón Ólafsson tónlistarmaður og Ragnhildur Steinunn Jónsdóttir, sem er
nýkomin á skjáinn aftur eftir fæðingarorlof, en hún og maður hennar Haukur Ingi Guðnason
eignuðust sitt annað barn fyrir ári. Fyrir eiga þau fjögurra ára dóttur.
Ég er algjört excel skjal þegar kemur að
skipulagningu enda mörg verkefni sem þarf að
sinna á hverjum degi, segir Ragnhildur Steinunn
Jónsdóttir.
Purrkur
Pillnikk
starfaði t.d
bara í eitt
og hálft ár
en gaf út 5
plötur!
Valli sport í Chile
Umboðsmaðurinn Valgeir Magnússon, betur þekktur
sem Valli sport, hefur dvalið í Chile undanfarið. Þar
er hann í góðu yfirlæti hjá söngkonunni Heru Björk
Þórhallsdóttur sem þangað flutti með fjölskyldu sinni
fyrr á árinu. Eins og kunnugt er sigraði Hera Björk í
söngvakeppninni Viña Del Mar Festi va þar í landi í
fyrra. Sigurinn opnaði henni ýmsa möguleika í tón-
listarbransanum sem Hera er staðráðin í að nýta sér.
Þau Valli og Hera leggja nú á ráðin um næstu skref og
verður forvitnilegt að sjá hvernig til tekst hjá þeim á
nýjum vettvangi.
Auðnuspor í Salnum
Auðnuspor með þér nefnast tónleikar
sem leikararnir Kristjana Skúladóttir og
Þór Breiðfjörð halda í Salnum Kópavogi á
morgun, laugardag, klukkan 20. Þau ætla
að flytja sönglög og frásagnir sem á ein-
hvern hátt tengjast foreldrum og börnum.
„Við ætlum t.d. að fjalla um hvernig það
var að vera foreldri í fátæktinni á Íslandi
fyrr á öldum eða hvernig það var að vera
unglingur fyrir 2500 árum. Svo erum við
að prófa að koma fyrir í einum stuttum
söngtexta öllu sem nútímamóðirin þarf að
segja á einum sólahring. Þetta verður bæði
fróðleikur og fúlasta alvara, en líka grín og
gaman,“ segir Kristjana.
Þó umfjöllunarefnið séu börn og foreldrar
eru þetta ekki barnatónleikar. „Þeir eru
ekki bannaðir börnum en klárlega samt
ætlaðir fullorðnum. Fyrst og fremst
notaleg kvöldstund til að njóta ljúfra tóna.“
Bjarni Ara syngur
Elvis
Bjarni Arason syngur í Háskólabíói á
sunnudaginn nokkur af vinsælustu lögum
Elvis Presley frá helstu tímabilum söng-
ferils kóngsins, rock’n roll, rythm’n blues,
gospel, country og fleiri.
Bjarni hefur sýnt það og sannað i gegn
um árin að honum fer einstaklega vel
að syngja lögin sem Elvis Presley söng
á sínum tíma. Frábær 12 manna hljóm-
sveit undir stjórn Þóris Úlfarssonar með
blásurum og röddum verða með Bjarna á
sviðinu í Háskólabíói.
Bjarni Arason hefur verið aðdáandi Elvis
Presley frá því hann var lítill gutti og frá því
hann hóf upp raust sína á unglingsárum
hafa lög Elvis Presley ávallt fylgt honum.
Bjarni býður nú öðrum aðdáendum Elvis að
njóta tónlistar kóngsins á þessum heiðurs-
tónleikum. Þeir hefjast klukkan 20.30.
MK kvartettinn úr
25 ára dvala
MK kvartettinn mun koma saman á ný
eftir 25 ára hlé, en meðlimir hans stofnuðu
hópinn í Menntaskólan-
um í Kópavogi og sungu
saman í nokkur ár
með miklum ágætum.
Kvartettinn kom fram í
sjónvarpi, útvarpi og á
skemmtunum víða um
höfuðborgarsvæðið og
vakti mikla athygli en tónlistina sóttu þau
að mestu í smiðju kvartettsins bandaríska,
Manhattan Transfer. MK kvartettinn ætlar
að rifja upp öll sín bestu lög á þessum einu
tónleikum og athugið, það verða aðeins
þessir einu tónleikar.
Kvartettinn skipa þau Guðrún Gunnars-
dóttir, Skarphéðinn Hjartarson, Hrafnhild-
ur Halldórsdóttir, Þór Heiðar Ásgeirsson og
Þuríður Jónsdóttir.
86 dægurmál Helgin 17.-19. október 2014