Þjóðlíf - 01.04.1988, Blaðsíða 6
BRÉFFRÁLESENDUM
Makalausar
skáktölvur!
Þið voruð sniðug að verða fyrst til að
halda skáktölvumót hér á landi, og grein-
in um það í síðasta blaði var mjög
skemmtileg, þótt kannski hefði mátt
fjalla meira um tæknihlið tölvanna. Sjálf-
ur á ég eina gamla tölvu sem hefur oft gert
mér lífið leitt, en ég sé að hún er orðin
alveg úrelt núna, greyið. Eg hlakka til að
fylgjast með framhaldinu og vil koma
með þá hugmynd að þið fáið einhvern
skákmeistara til að tefla við Þjóðlífs-
meistarann. Það væri forvitnilegt að sjá
hvað þessi tæki er raunveruleg — því
þegar öllu er á botninn hvolft segir það
ekki mikið þótt ég og mínir líkar eigum
erfitt uppdráttar gegn þeim!
Reynir, Akureyri
Hvað er
eiginlega að
gerast?
Frásögn Þjóðlífs í tveimur síðustu tölu-
blöðurn um persónunjósnir lögreglunnar
er með ólíkindum. Nú hefur Böðvar
Bragason játað að það hafi verið fylgst
með íslenskum borgara — eingöngu
vegna skoðana hans! Hvað er eiginlega
að gerast í þjóðfélagi okkar, er þetta það
sem koma skal? Eg votta þeim þing-
mönnum sem fóru fram á rannsókn á
málinu virðingu mína og mun fylgjast vel
með áframhaldinu.
Þóra, Reykjavík
Fróðleg úttekt
Sem skattborgari og kjósandi í Kópavogi
vil ég þakka einkar fróðlega úttekt á má-
lefnum félagsheimilis bæjarins í síðasta
tölublaði Þjóðlífs. Kostnaðurinn —
meira en hundrað milljónir króna — er
yfirgengilegur og sömuleiðis hlálegt að
lesa um fundagleði félagsheimilisnefnd-
arinnar. Þeir þurftu að skjóta á sérstök-
um fundum til að ákveða hvernig diska
ætti að kaupa og annað var eftir því. Mér
virðist sem ekkert aðhald hafi verið veitt,
því kostnaðurinn hefði áreiðanlega getað
verið miklu minni. Það er full þörf á því
að fara rækilega ofan í saumana á þessu
máli — en sjálfsagt auðveldar það ekki
hlutina að allir flokkarnir hafa tekið þátt í
sukkinu.
Sveinn, Kópavogi
Meiri menningu
Ég hef keypt Þjóðlíf að staðaldri upp á
síðkastið og er að mörgu leyti ánægður
með blaðið. En mér finnst að þið mættuð
sinna ýmsum menningarmálum betur
(koppagreinin í síðasta blaði var að vísu
til fyrirmyndar) og fjalla um bækur, tón-
list og leiklist í ríkari mæli. Ég þykist vita
að þið hafið ekkert alltof mikið pláss, en á
hinn bóginn yrði það tímaritinu áreiðan-
lega lyftistöng að fá hæfa menn til að
fjalla um ýmis menningarmál. Glans-
pressan svokallaða sinnir þessum málum
lítið sem ekkert (sem betur fer!), en tíma-
rit eins og Þjóðlíf á að leggja metnað
sinn í að fylgjast með því sem er að gerast
í heimi menningarinnar — ekkert síður
en því sem kaupahéðnar, njósnarar og
aðrir bandíttar hafa fyrir stafni.
Magnús, Reykjavík
Frá útgáfunni:
Ritstjórnarfulltrúi vor frá síðustu misser-
um, Ómar Friðrikson, hefur nú söðlað um
og er kominn til starfa á Alþýðublaðið í
hvunndagsslaginn. Honum eru þökkuð góð
störf fyrir Þjóðlíf og samstarfsfólkið sendir
honum bestu kveðjur. í stól ritstjórnarfull-
trúa sest Hrafn Jökulsson blaðamaður, sem
þegar hefur ritað fréttir og greinar í Þjóðlíf
og lesendur eru farnir að þekkja. Hrafn er
boðinn velkominn í stöðuna.
Forsíður Þjóðlífs
Forsíður Þjóðlífs hafa vakið mikla athygli.
Þær eru unnar undir umsjón Erlings Páls
Ingvarssonar myndlistarmanns og hefur
Guðniundur Ingólfsson ljósmyndari einnig
lagt sína listamannshönd og auga á verkið. í
samvinnu við ritstjórn eru hugmyndir þróað-
ar þar til þeir Erlingur og Guðmundur leggja
lokahönd á andlit blaðsins.
Til áskrifenda
Þjóðlíf leggur áherslu á að blaðið berist
sem allra fyrst til áskrifenda. Um leið og
tímaritið kemur úr prentun og bókbandi er
því pakkað inn til áskrifenda og sent með
pósti. Útsending þriðja tölublaða árs tafðist
lítillega vegna bilunar og eru þeir áskrifend-
ur sem fengu blaðið síðar vegna þessa beðnir
velvirðingar. Áskrifendur njóta eftir sern
áður forgangs í dreifingu.
Eina
mánaðartímaritið
Sérstaða Þjóðlífs á fjölmiðlamarkaði hefur
verið undirstrikuð síðustu mánuði og lesend-
ur hafa tekið breytingunum vel. Fréttatím-
aritið Þjóðlíf kemur út mánaðarlega og mun
vera eina tímaritið á Islandi með mánaðar-
legri útgáfu.
MDVARORDID
TRTGGING HF
LAUGAVEG1178 SIMI621110
6