Þjóðlíf - 01.04.1988, Blaðsíða 30
PIZZA
BIGGA BAR
Líttu inn — eða
hringdu og
pantaðu.
Við höfum yfir 100
tegundir af pizzum og
getum gert fleiri ef þú vilt.
Veldu þína eigin pizzu — þú
átt það skilið.
BIGGA BAR
Tryggvagötu 18 (viö
Akraborgarplaniö).
Sími 28060.
30
„Lesið Kaldaljós.
Það verður enginn
svikinn af því.“
Eiríkur Brynjólfsson, Alþýðublaðið.
Kaldaljós eftir Vigdísi
Grímsdóttur 453 bls.
Verð kr. 2.290,-
„Þessi fyrsta skáldsaga Vigdísar Grímsdóttur
er mikið verk og vel unnið. Hæfileikar hennar
njóta sín hér mjög vel. Kaldaljós er saga sem er
skrifuð af miklum næmleik; tilfinningarík.
sterk og snertir mann."
Margrét Eggertsdóttir, Þjóðviljinn.
„Frásagnarandinn í bókinni er einstakur. Mér
fannst ég ekki vera að lesa heldur var eins og
einhver hvíslaði að mér. Hún talar við les-
andann, þessi bók, því hún á við okkur erindi.
Bókin byggir á sannsögulegum atburðum en
þeir eru færðir til í tíma og rúmi þannig að þær
fyrirmyndir skipta ekki máli lengur. Aðeins
örlög fólksins skipta máli, og manni er ekki
sama um Grím Hermundsson en verður samt
að játa fyrir sér í lokin að öðruvísi gat ekki
farið."
Eiríkur Brynjólfsson, Alþýðublaðiö.
„Kaldaljós er óður til fegurðar, trúnaðar,
grimmdar, óvenjulega margslungin saga, saga
ástar og dulúðar og þó raunsæis. Unnin af
mikilli list. Henni skal ekki líkt við neitt. Um
sumar bækur á ekki að nota of mörg orð. Því
að eins og Vigdís Grímsdóttir skilur manna
bezt; orð geta verið hættuleg. Og stöku höf-
undum tekst svo að það er sálarbætandi að lesa
orðin og allt sem að baki þirra felst. Þannig er
Kaldaljós fyrir mér. Listaverk eftir Grím sem
ég vildi hafa upp á vegg."
Jóhanna Kristjónsdóttir, Morgunblaðið.
Svart á fxvítu
Guðrún Auður
Svava Nína
Konurnar yfirtaka
bókmenntirnar —
en karlarnir
launasjóðinn!
Það var haft á orði á síðustu jólabókavertíð
að konur væru að yfirtaka bókmenntirnar, og
haft til marks að allar best seldu skáldsög-
urnar voru eftir konur. Metsöluhöfundur á
þeim markaði var raunar aðeins einn, Guð-
rún Helgadóttir, en bækur Vigdísar
Grímsdóttur, Svövu Jakobsdóttur og
Nínu Bjarkarseldust einnig mætavel. Fjöldi
seldra eintaka segir ekki alla söguna, en á
hinn bóginn talar bókmenntafólk af mikilli
ánægju um skáldsögur íslenskra kvenna á
síðasta ári: Og má bæta við Álfrúnu Gunn-
laugsdóttur og Auði Haralds sem að
margra mati sendu frá sér bestu verk sín.
En þó konur kunni að vera að yfirtaka
bókmenntirnar geta karlmenn þakkað fyrir
að halda Launasjóði íslenskra rithöfunda
svo að segja óskertum fyrir sig. Fyrir nokkru
var úthlutað úr honum til 70 rithöfunda — 52
karla og 18 kvenna. Konur voru sem sagt um
það bil fjórðungur hinna lukkulegu, sem
raunar segir ekki alla söguna. Því af þeim 18
rithöfundum sem hlutu sex mánaða laun
voru einungis fjórar konur: Fríða Á. Sigurð-
ardóttir, Steinunn Sigurðardóttir, Svava
Jakobsdóttir og Vigdís Grímsdóttir.
Ekki er betri sögu að segja af þeim 15 sem
fengu laun til fjögurra mánaða: 13 karlar svo
Nína Björk og Þórunn Valdimarsdóttir.
Kynjahlutfallið skánar svo talsvert þegar
litið er til þeirra sem fengu þriggja mánaða
laun, 15 karlar og 9 konur — eða helmingur
allra þeirra kvenna sem á annað borð fengu
úthlutun. Þrettán rithöfundar fengu svo
tveggja mánaða laun: 10 karla og þrjár kon-
| ur.