Þjóðlíf - 01.04.1988, Side 63
ÞJÓÐFÉLAGSMÁL
Guðni Rúnar
Agnarsson og
Sigga Vala sem
kynnst hafa
kristnum anarkisma
skrifa
Með biblíuna í
annarri hendi og
sleggjuna í hinni:
„Afskrifið skuldirnar og
kærleikurinn blómstrar!66
— sagtfrá kristnum anarkistum í Svíþjóð
Síðasta iostudaginn í nóvember sl. gengu tveir menn, í fylgd fjölda blaðamanna, Ijósmyndara,
útvarps- og sjónvarpsmanna að SE-bankanum í miðborg Stokkhólms og brutu þar stóra rúðu.
Meðan þeir biðu lögreglunnar, deildu þeir út flugritum þar sem aðgerðin var útskýrð. Þessir
menn, Anders Rosenberg og Boudewijn Wegerif, kalla sig „Friends of Gautama and Jesus“.
í fréttatilkynningu sem „Friends" sendu í
byrjun nóvember öllum helstu fjölmiðlum
landsins segir m.a.:
„27. nóvember n.k., föstudaginn fyrir
fyrsta sunnudag í aðventu. leggjum við upp
kl. 14 frá Sergelstorgi með þá fyrirætlan að
brjóta rúðu við einn af bönkunum í miðborg
Stokkhólms. Og munum halda því áfram allt
til jóla. Óvin okkar, sem við viljum elska,
munum við láta vita, eins vel og unnt er, fyrir
hverja aðgerð. Við gefum því hér með skýra
viðvörun. Og leiði þetta til lögregluafskipta
tökum við því með ró“.
Þrátt fyrir skýra viðvörun var engin lög-
regla nærstödd þegar þeir lögðu af stað frá
Sergelstorgi þetta sögulega föstudagssíð-
degi. Hins vegar var all stór hópur fjölmiðla-
fólks og annarra áhugasamra sem gekk með
þeim Boudewijn og Anders að SE-bank-
anum. Þar reiddu þeir til höggs, með ró
þeirra sem þekkja réttmæti og styrk sinna
orða — og rúðan brast.
Drjúg stund leið þar til lögreglan kom.
63