Þjóðlíf - 01.04.1988, Blaðsíða 72
Óperusýrur
Nýlega var fundlo upp ný efnablanda, sem
samanstendur af tvenns konar sýrum, sem
gefið var nafnið rúdólfomycin og mimi-
mycin. Nafnið er dregið af hinum óham-
ingjusömu elskendum í óperunni La Bohe-
me, sem heita einmitt Rúdólfo og Mimi...
Hákörlum dillað
Hákarlar sem lifa í undirdjúpunum hafa
hænst mjög að nýju Ijósleiðaraköplunum,
sem liggja á hafsbotni og flytja símtöl mill-
um landa yfir hafið. í þessum nýju leiðurum
eru magnarar sem gefa frá sér pínulítið
rafmagn sem kitlar hákarlana pínulítið og
þeim finnst ósköp notalegt... .
Skyndibitakeðjur
að slitna?
Þrátt fyrir að æ fleiri á Vesturlöndum borði
utan heimilis eiga skyndibitastaðir undir
högg að sækja, sérstaklega í Bandaríkjunum.
Þar voru keðjur skyndibitastaða í miklum
vexti á áttunda áratungum: t.d. McDonalds,
Wendys og Burger King. Velgengni þessara
staða lokkaði fleiri út í samkeppnina með
þeim afleiðingum að vöxturinn stöðvaðist og
samdráttur hefur orðið allra síðustu ár.
Skyndibitastaðir voru taldir hafa um 845
gesti að meðaltali árið 1972 en 1987 voru þeir
aðeins685 að meðaltali daglega. Hjá Burger
King keðjunni varð 28% ntinni hagnaður í
byrjun ársins miðað við ársbyrjun í fyrra.
Skyndibitakeðjurnar eru byrjaðar að spara
við sig vinnuafl og búa sig undir samdráttinn
með margvíslegum hætti.
FORELDRAR
ÁKVEÐA KYN
BARNA SINNA
í Japan hafa vísindamenn nú fullkomnað
nýja aöferð sem getur gert foreldrum kleift
að ákveða kyn barna sinna.
Aðferðin, sem var þróuð við Keió-háskól-
ann í T ókíó, byggir á því að sæði f rá föðurn-
um er sett í vél sem greinir sáðfrumur með
Y-litning (drengir) frá þeim sem hafa X-
litning (stúlkur). En örlítill þyngdarmunur er
á þessum tveimur gerðum sáðfrumanna,
og með því að nota sérstaka vél er fram-
leiðir miðflóttaafl sem er um 250 sinnum
öflugra en þyngdaraflið má á 15 mínútum
skilja sáðfrumurnar sundur á grundvelli
hins örfína þyngdarmunar.
Tæknifrjóvgun er þvínæst notuð til að
frjóvga egg móðurinnar í eggjaleiðaranum
með annaðhvort X eða Y sáðfrumum.
Geysilegar deilur hafa sprottið í Japan yfir
þessari aðferð, og gagnrýnendur halda því
fram, að læknarnir séu að brjóta hin eðli-
legu lögmál náttúrunnar, og geti einnig
valdið því að hið hefðbundna hlutfall milli
kynjanna raskist þegar fram í sækir. Sömu-
leiðis er talið líklegt, að hin harkalega með-
ferð á sáðfrumunum geti valdið skemmd-
um á litningunum og leitt til erfðagalla á
börnunum sem til verða.
Til þessa hafa einungis sex foreldrar feng-
ið að nota aðferðina til að ákveða kyn á
barni sínu, en fjöldamargir eru á biðlista.
VEISLA í HVERRI DÓS
KJÖTIÐNAÐARSTÖÐ KEA
AKUREYRI SÍMI: 96-21400
VEISLA í HVERRI DÓS
KJÖTIÐNAÐARSTÖÐ KEA
AKUREYRI SÍMI: 96-21400
72