Þjóðlíf - 01.01.1991, Blaðsíða 14

Framlög íslendinga til flóttamannahjálpar hverfandi.
Algjörir eftirbátar annarra Norðurlandaþjóða. Löggjöfin 25 ára og úrelt —
ekkert gert. Aðild að Flóttamannastofnunum í orði — en ekki á borði. Afarfáir
útlendingar á Islandi
íslendingar taka hverfandi þátt í að leysa
flóttamannavandamál heimsins. Þeir
sinna ekki því hlutverki sem þeim ber
samkvæmt samþykktum Sameinuðu
þjóðanna. Fjárframlög þeirra eru hverf-
andi. Þeir taka ekki þann fjölda flótta-
manna sem þeim ber. Hérlend löggjöf
um eftirlit með útlendingum er 25 ára
gömul en annars staðar á Norðurlöndum
hafa sambærileg lög verið í endurnýjun á
allra síðustu árum. Og þótt íslendingar
séu aðilar að alþjóðlegum stofnunum
standa þeir ekki við þær skyldur sem sú
þátttaka leggur þeim á herðar. Islending-
ar eru víðs fjarri þar sem slík mál eru í
deiglunni.
Lesendum Þjóðlífs eru eflaust í fersku
minni skrif blaðsins um gyðinga sem
reyndu að leita hælis á íslandi fyrir síðari
heimsstyrjöldina. Þá sýndu íslendingar
fáheyrða hörku og miklu meiri en aðrar
Norðurlandaþjóðir og skipar hún íslend-
ingum á spjöld sögunnar sem einhverri
ósveigjanlegustu þjóð álfunnar á þeim ár-
um. Atburðir sem breyttu viðhorfum
heimsins (eins og innlimun Austurríkis og
kristalsnóttin 1938) höfðu þá engin áhrif á
afstöðu íslenskra stjórnvalda og þau sýndu
öllum sömu hörkuna. Það vekur athygli
að „Lög um eftirlit með útlendingum" frá
árinu 1965 eru að stofni til sömu lög og sett
voru 1936 (eins og fram hefur komið í
ummælum dómsmálaráðherra í útvarpi og
sjónvarpi) og notuð voru í tilfellum flestra
gyðinganna.
Með öðrum orðum: íslensk stjórnvöld
hafa í grundvallaratriðum sömu stefnuna
og þau höfðu þá í málum fólks sem hingað
reynir að komast frá útlöndum. Á Norð-
urlöndum hafa sambærileg lög verið í
stöðugri endurnýjun á síðustu árum:
norsku lögin eru frá 1990, þau sænsku frá
1989 og þau dönsku og finnsku frá 1983
þótt lögunum hafi verið breytt nokkrum
sinnum í báðum löndunum síðan. Þetta
vekur athygli í ljósi þess að á síðustu vik-
um hafa dómsmálaráðherra og Utlend-
ingaeftirlit látið í ljós þá skoðun að löggjöf-
in sé úrelt — en samt er ekkert gert.
Utlendingar eru fáir á Islandi sé miðað
14 ÞJÓÐLÍF