Þjóðlíf - 01.01.1991, Page 16
ANDLEG VAKNING AISLANDI
Segir Helgi S. Guðmundsson frumkvöðull Norðurljósanna,
bœnafélags sem starfar í Reykjavík
í rúmlega fjögur ár hefur verið starfandi
bænafélag í Reykjavík, Norðurljósin,
þar sem nokkrir tugir manna koma sam-
an til bænahalds og borðhalds einu sinni
í viku hverri. Akveðin dulúð hefur fylgt
félaginu en heyrst hefur að margir ráða-
menn þjóðarinnar hafi komið á fundi
þess. Þjóðlíf leitaði til Helga S. Guð-
mundssonar eins stofnanda Norðurljós-
anna og spurði fyrst um aðdraganda að
stofnun félagsins:
— Aðdragandi að stofnun Norðurljós-
anna var nokkuð langur. Ég hef lengi
verið virkur leikmaður innan kirkjunnar
og í kunningjahópi mínum eru margir
prestar. Þeir finna oft til þess að vera dálít-
ið einangraðir og fá ekki stuðning frá leik-
mönnum. Þátttaka leikmanna er alltof rýr
í störfum kirkjunnar þannig að allt byggist
á prestunum. Við vildum félag fyrir
áhugamenn um kristindóminn, fyrir
menn sem vilja styrkja sig andlega. Eina
skilyrðið fyrir þátttöku er að menn séu
kristnir.
Hvenær gerðist þetta og hvað gerið þið á
fundunum?
— Norðurljósin voru stofnuð 20.októ-
ber 1986 og við hittumst á hverjum mánu-
degi. Fyrst vorum við á veitingastöðum en
að undanförnu höfum við hist í safnaðar-
heimili Grensáskirkju, en þar eru góðar
aðstæður fyrir bænafélagið. Þar fáum við
súpu og brauð í hádeginu.
— Fundirnir ganga þannig fyrir sig að
við bjóðum alla velkomna, gesti sérstak-
lega sem skrá sig í gestabók. Síðan er
grundvöllurinn (sjá rammagrein) lesinn
og lesið úr Biblíunni. Það er kallað eftir
bænarefnum fyrir fundi og þau skrifuð í
sérstaka bænabók. Sá sem les úr Biblíunni
byrjar á bænalestri og síðan taka aðrir við
ef menn vilja. Þegar þessu er lokið standa
allir upp, haldast í hendur og biðja saman
faðirvorið.
Eru menn ekkert feimnir til að byrja
með?
— Við verðum vör við það þegar menn
eru að koma í fyrsta skipti til okkar í Norð-
urljósunum að þeim bregður þegar þeir sjá
og heyra ólíka menn, verkamann og for-
stjóra biðja upphátt. Það er afþví að menn
hafa alltaf verið þiggjendur í kirkjunni,
þeir hafa ekki verið virkir þátttakendur.
En strax eftir fyrsta fund er öllum þetta
eðlilegt.
Eftir hverju eru menn að sækjast?
— Ég hef fundið það í mínu starfi í
samræðum við fólk að menn út um allt eru
í þörf fyrir svona andlegt samfélag. Þetta á
ekki síst við um stjórnendur fyrirtækja.
Mönnum finnst þeir ekki fá það sem þeir
voru að leita eftir í kirkjunni og sækjast
eftir innilegri tengslum við trú og annað
fólk.
Er það tilviljun að stjórnendur fyrirtækja
eru áberandi í Norðurljósunum?
— í félaginu eru jafnt verkamenn,
þingmenn sem forstjórar fyrirtækja. En
stjórnendur fyrirtækja eru e.t.v. fleiri en
aðrir. Ætli ástæðan sé ekki sú að menn
sem hafa mannaforráð eru oft einangraðir,
en þeir eru oft andlega hugsandi og hafa
þörf fyrir samfélag eins og þetta.
— Upphaflega fékk ég þá hugmynd að
kalla saman menn, sem eru áhugasamir
um kristið starf og vilja lyfta undir kristna
trú. TO að byrja með voru margir úr hin-
um frjálsu kristnu samtökum í Norður-
ljósunum.
Jafnvel fólk utan þjóðkirkjunnar?
— Jafnvel, vegna þess að ein hug-
myndin á bak við þetta var að geta samein-
að þessa hópa, því eitt geta menn verið
sammála um í kristninni og það er bænin.
Við tökum enga afstöðu til deilumála milli
safnaða eða þess háttar.
Eru Norðurljósin þá frjálslynd í trúmál-
um?
— Nei, það er ekki hægt að orða það
þannig eins og sést á grundvellinum. En
þau eru frjálslynd að því leyti að það er
rúm þar fyrir öll kristin samfélög. Enda
taka menn þátt í félaginu hvaðanæva að;
kaþólikkar, úr Veginum, Fíladelfíu
o.s.frv., en flestir eru úr Þjóðkirkjunni.
Eining okkar felst í einingu um grundvöll-
inn sem lesinn er í upphafi samveru-
stundar.
Telur þú þá enga hættu á öfgum eða
ofstæki í félaginu?
— Nei, það tel ég ekki vera. Við kom-
um eiginlega í veg fyrir að svo geti orðið
GRUNDVÖLLUR BÆNAFÉLAGSINS:
Við erum hér saman komin í dag til að
lofa Guð og biðja. Grundvöllur okkar er
einn og hinn sami: trúin á Guð, foður,
son ogheilagan anda, eins ogfram kem-
ur í hinni postullegu trúarjátningu.
Við komum frá hinum ólíku stéttum
og stigum. Samfélög og kirkjudeildir
marka enga múra okkar í miilum. Við
komum saman með svo sérstæðum
hætti, sem raun ber vitni um, til að
freista þess að ná til sem flestra, sem ella
færu á mis við snertingu heilags anda og
endurnýjun trúarlífsins. Þungamiðja
starfs okkar er bænahald. Við viljum
biðja fyrir hinni íslensku þjóð, ráða-
mönnum hennar og öllum landsins lýð.
Við komum saman einu sinni í viku
hverri eina klst. í senn, gjarnan mitt í
dagsins önn. Hver bænafélagi má bjóða
með sér gestum samkvæmt því, sem
honum finnst eðlilegt. Innan viku frá
fyrstu samveru hvers gests skal viðkom-
andi gestgjafi hafa samband við hann og
ganga úr skugga um hvort beðið er um
áframhaldandi samfélag við bænafélag-
ið. Þaðskal vera skylda hvers fasts félaga
aðgera alltsem íhans valdi stendur tilað
bæta a.m.k. tveimur nýjum fóstum fé-
lögum við félagaskrána á ári hverju.
Dagskrá hverrar samveru er einföld:
sameiginleg máltíð, stuttur lestur úr
Biblíunni, bæn íl5—20mínúturogsíðan
andlegt samfélag eftir aðstæðum hverju
sinni. Bænir eru frjálsar, allir hafa frelsi
til að leggja inn bænarorð, en engum er
skylt að biðja upphátt. Hverhópur velur
sér fjóra menn til þjónustu sex mánuði í
senn. Þeir skulu leiða hverja samverust-
und.
Við trúum að Guð vilji leiða fram
trúarvakningu og endurnýjun hugarfars-
ins á Islandi. Þvíleggjum við okkur fram
til lifandi þjónustu, Guði til dýrðar, lýð
hans til blessunar.
Amen.
16 ÞJÓÐLÍF