Þjóðlíf - 01.01.1991, Qupperneq 26

ERLENT
„Væri ég hermaður"
Fyrstir fyrrverandi austur-
blokkaþjóöa senda Tékkar
hermenn á Persaflóasvæðið.
170 manna úrvalshópur í svo-
nefndri ABC sveit á að vinna
að sérverkefnum á svæðinu.
Hópurinn fór frá Prag í des-
ember sl. og var kvaddur með
viðhöfn á flugvellinum í Prag
að viðstöddum Havel forseta
Tékkóslóvakíu. Úrvalshópur-
inn á að styrkja alþjóðlegar
hersveitir undir stjórn Banda-
ríkjamanna á svæðinu. Ha-
vel: „Verkefni hermannanna
verður ekki að berjast við
árásaraðila heldur að berjast
við hugsanlegar afleiðingar
árása.“ Havel kom á óvart
með yfirlýsingum um að væri
hann hermaður, myndi hann
einnig standa við hlið sjálf-
boðaliða og berjast fyrir lýð-
ræði og friði. Bandaríski flug-
herinn annaðist flutning
tékknesku sveitarinnar en
Saudi-Arabar sáu um kostn-
aðarhliðina...
(Spiegel/óg)
ABC sveitin frá Tékkóslóvakíu.
Misheppnuð hjartaígræðsla
Skömmu fyrir jólin lést í
Þýskalandi Jóhannes fursti af
Turn og Taxsis 64 ára gamall.
Hann var lengst af mikið
uppáhald í kjaftasagnablöð-
um, en síðustu árin var hann
kvæntur Maríu Gloríu grei-
fynju af Schönburg-
Glauchau sem var litlum 34
árum yngri en eiginmaðurinn.
Hún verður ekki efnalega á
flæðiskeri stödd eftir lát
bónda síns, því eigur fursta-
fjölskyldunnar eru taldar
nema um 145 milljörðum
króna. Hún er stærsti eigandi
skóga í Evrópu og ræður yfir
banka, bruggverksmiðjum,
iðnaðarhring og fleiru. Á sl.
ári var haldið upp á 500 ára
afmæli fjölskyldunnar Turn
og Taxis, sem löngum hefur
verið þekkt fyrir lúxuslifnað
og hneykslismál. Aðal erfingi
eignanna er Albert, sjö ára
gamall sonur þeirra hjóna. En
þar til hann verður myndugur
mun Gloría greifynja standa
fyrir fjölskyldunni í félögum og
fyrirtækjum hennar. Jóhann-
es fursti lést eftir aðra hjarta-
ígræðslu sína í Munchen...
(Spiegel/óg)
Jegwenij Djugasviii 55 ára gamall ofursti í sovéska flughernum er afa
sínum trúr og tryggur þrátt fyrir allar afhjúpanir. Sjálfur sá hann aldrei
afa sinn, en faðir hans, Jakow, var skotinn íþýskum fangabúðum eftir
að Stalín hafði hafnað fangaskiptum. Ibúð Jegwenitsj erfull afmyndum
og minnismerkjum um afa hans, og hann hefur leikið gamla manninn í
kvikmyndum. Þá hefur hann setið fyrir hjá Ijósmyndurum við styttu af
hinum illræmda afa sínum eins og sjá má af myndinni sem tekin var við
Kremlarmúra.
Dýraguðsþjónusta og kattaskírn
Þó svo margir telji dýr hafa sál
hefur farið frekar lítið fyrir því
að kirkjunnar menn bjóði dýr-
um þá þjónustu sem þeir
bjóða hinum tvífættu sóknar-
börnum sínum. Prestur nokk-
ur í Kaupmannahöfn reyndi
að bæta úr þessu ófremdar-
ástandi nýlega og bauð sókn-
arbörnum sínum og sóknar-
dýrum upp á dýraguðþjón-
ustu, þar sem sýna átti fram á
að Guði sé bæði annt um dýr
og menn. En þó andinn kunni
að sönnu að vera reiðubúinn
er holdið torvelt að temja.
Þegar presturinn í upphafi
guösþjónustunnar undirbjó
hund sinn fyrir að meðtaka
guðs orð vildi ekki betur til en
svo að sá fjórfætti beit eig-
anda sinn í nefið. Prestur lét
þetta lítið á sig fá og messaði
með plástrað nef við ákafar
undirtektir kirkjugesta. —Ekki
gekk betur til hjá lútherskum
presti og dýravini í Þýska-
landi. Stjórn kirkjunnar íThur-
ingen hefur leyst prestinn frá
störfum eftir að upp komst að
hann hafi skírt ketti sóknar-
barna sinna sem þess ósk-
uöu. Kirkjustjórninni þótti það
í hæsta máta guðfræðilega
vafasamt að veita köttum að-
gang að sakramenti skírnar-
innar...
bþ/kph
26 ÞJÓÐLÍF