Þjóðlíf - 01.01.1991, Page 38

MENNING
TEXTI: EVA MAGNÚSDÓTTIR
Jóhannes Bachmann og María Huldarsdóttir
Islandsmeistarar sýna rokk.
DANS
Mikil danshátíð verður haldin í Laugardalshöllinni í febrúar. Dansnám fyrir
fatlaða og lamaða verður sérstaklega styrkt. Allir Islandsmeistarar í dansi sýna á
hátíðinni
Dansdagurinn verður haldinn þann 24.
febrúar í Laugardalshöllinni til styrktar
Sjálfsbjörgu, landssambandi fatlaðra.
Ráðgert er að allur ágóði renni til styrkt-
ar dansnámi lamaðra og fatlaðra. Ætlun-
in er einnig að kynna dansmennt betur
meðal landsmanna og í því skyni kynna
dansstúdíóin og dansskólarnir sig og
starfsemi sína sérstaklega í höllinni.
Aðstandendum „dansdagsins“ finnast
fjölmiðlar ekki hafa staðið sig í stykkinu í
umfjöllun um dans og dansmennt. Það
hafi ekki heldur verið fjallað á neinn hátt
um dansinn sem listgrein. Nefndin sem
sér um dansdaginn hefur í huga að breyta
þessu því hún breytist væntanlega í fjöl-
miðlanefnd að dansdeginum loknum.
Framkvæmd dansdagsins er aðallega í
höndum Harðar Bjarnasonar. Dansskól-
arnir sýna endurgjaldslaust á danshátíð-
inni alls konar dansa og enn fremur verður
íslandsmeistaramót í gömlu dönsunum
haldið þennan dag.
Síðasta keppni í gömlu dönsunum var
haldin fyrir 4 eða 5 árum. Að þessu sinni
verður keppt í 5 aldursflokkum; flokki 7
ára og yngri, flokki 8-9 ára, 10-11 ára, 12-15
ára og loks flokki 16 ára og eldri.
Þá verða sýningar á Suður-amerískum
dönsum, steppi, rokki, djassdansi og er-
obikk. Einnig munu atvinnudansarar
sýna dansa til að hvíla keppendur. Allir
núverandi íslandsmeistarar í dansi sýna í
Laugardalshöllinni þann 24. Þar á meðal
má nefna núverandi Islandsmeistara í
rokki, þau Maríu Huldarsdóttur og Jó-
38 ÞJÓÐLÍF