Þjóðlíf - 01.01.1991, Qupperneq 41

Akureyri. „Showið“ hefur nú fengið nafn-
ið Rokk, trúður og trylltar meyjak‘, segir
Jói og heldur áfram:
„Söguþráðurinn er frekar einfaldur.
Sagan segir frá sveitastráknum Lúðvík
Líndal sem kemur í fyrsta sinn til stór-
borgarinnar. Hann bregður sér að sjálf-
sögðu í betri gallann af þessu tilefni, þ.e.
fermingarfötin sem því miður eru orðin
tveimur númerum of lítil. Lúlli lendir í
ýmsum æfintýrum í borginni áður en hon-
um tekst að fá sína heittelskuðu Fríðu. í
millitíðinni kastar hann fermingargallan-
um og gerist mesti „töffarinn“ á svæðinu.
Lúlli verður einnig besti dansarinn á
diskótekinu sem hann og vinir hans
stunda“, segir Jói.
Höfundur, stjórnandi og aðalleikari
sýningarinnar er auðvitað Jói rokk. Sýn-
ingin hefur notið mikillar hylli og aðsókn-
ar í Keflavík og á Akureyri, þar sem sýn-
ingar standa enn yfir. „Það er ekki ákveðið
hversu lengi við höldum áfram að sýna á
Akureyri. Við höldum örugglega áfram
eins lengi og áhorfendur vilja“, sagði Jói
að lokum.
0
Danskennari í hjólastól
Vonast til að Corrie Huaten komi til Islands
í lok febrúar og sýni hjólastóladans. „í stað þess að gefast upp ákvað ég að þróa dans í
hjólastól“
í lok febrúar er væntanleg hingað til
lands hollensk kona sem sérhæft hef-
ur sig í hjólastóladansi. Hún var áður
atvinnudansar. Vonast er til að hún
verði gestur á dansdegi Islands í
Laugardalshöllinni þann 24. febrúar.
Áhugi á hjólastóladansi fer nú vax-
andi um allan heim. Hjólastóladansa-
rinn heitir Corrie Quan Huaten og er
47 ára að aldri. Corrie var atvinnu-
dansari og danskennari fyrir fimmtán
árum. Hún féll saman dag einn er hún
var við kennslu í dansstúdíói frænda
síns. Sjúkdómurinn sem hrjáði hana
olli lömun fyrir neðan mitti.
Eftir fimm ára dansleysi fannst henni
heilsunni fara hrakandi. „Hugur minn
sagði mér að ég yrði að gera eitthvað í
málunum. í stað þess að gefast upp
fyrir lömun minni fór ég að þróa dans í
hjólastólnum“, segir hún. Hún segist
nú fara víða um heiminn til þess að
deila þessari þekkingu með öðrum.
„Ég hef haldið fyrirlestra og námskeið
í Ameríku og Ástralíu og í mörgum
Evrópulöndum. Á morgun er ég að
fara til Þýskalands. Japanir eru einnig
mjög spenntir að fá mig í heimsókn.
Ég hugsa að ég fari.“ Corrie er forvitin
að vita hversu langan tíma taki að
fljúga til íslands. Hún hlær innilega
þegar henni er sagt að það taki ekki
nema 3-4 klukkutíma. Hún reynir að
bera það saman við tímann sem tekur
að fljúga til Ástralíu.
Nú finnst forráðamönnum dansskól-
anna hérlendis tími til kominn að fatl-
aðir íslendingar fái einnig tækifæri til
að læra dans. Aðstandendur dansdags-
ins vonast til að Corrie hafi tíma til að
halda eins og eitt námskeið á íslandi.
0
ÞJÓÐLÍF 41