Þjóðlíf - 01.02.1991, Blaðsíða 33

þjóðanna geti á þennan hátt ómerkt sænsk
lög.
að hefur löngum reynst vandasamt að
fylgja sænskum reglum um vopna- og
hergagnaútflutning út í ystu æsar. Svíar
hafa meðal annars rekið sig á að það er
ekki aðeins framleiðandinn sem getur selt
vöruna, heldur geta kaupendur orðið að
milliliðum, sem selja vöruna áfram. Þann-
ig virðast t.d. sænsk vopn sem hafa verið
seld til Singapore hafa komist til írans, á
þeim tíma sem Svíar máttu ekki selja
þangað vopn. Það varð líka viðkvæmt mál
í Svíþjóð þegar í ljós kom að Bretar notuðu
óspart sænskar sprengjuvörpur, sem auk
þess hétu Karl Gústaf — í höfuðið á
sænska konunginum — í Falklandseyja-
stríðinu.
Því er það kannski ekki nema von að
menn spyrji hvers vegna Svíar framleiði
vopn til útflutnings, ef þeir telja svo mikil-
vægt að þessum vopnum sé ekki beitt gegn
öðrum þjóðum? Eða — eins og menn
spyrja sig gjarnan í dag þegar ríkisstjórnin
hefur heimilað sölu á vopnum tO hersveita
Sameinuðu þjóðanna — eru prinsípin
bara til á pappírunum?
Svíar hafa hingað til réttlætt vopnaút-
flutninginn með því að hann sé undirstaða
hlutleysisstefnunnar. Það sé allt of dýrt að
framleiða vopn sem eingöngu séu ætluð til
eigin hervarna og því sé útflutningurinn
nauðsynlegur til að geta komið á fót öflug-
um hervörnum heima fyrir og staðið
þannig vörð um eigið hlutleysi. Þeir bæta
því auk þess við að hvert ríki hafi rétt til að
verja sig með því að koma sér upp öflugu
vopnabúri. Með sölu á vopnum séu því
Svíar, auk þess að efla eigin varnir að
stuðla að því að önnur ríki geti gert hið
sama. Sænsk friðarsamtök hafa gagnrýnt
þetta sjónarmið og segja Svía ekki þurfa að
fá landvarnir sínar niðurgreiddar með
vopnasölu til annarra landa. Flestir þing-
flokkar hafa hins vegar verið fylgjandi
ríkjandi stefnu við framleiðslu og sölu á
sænskum vopnum og sama má segja um
samtök atvinnurekenda og launþega.
Enda er hergagnaiðnaðurinn orðinn um-
svifamikill og rótgróinn vinnuveitandi í
mörgum sænskum byggðarlögum.
0
Alaska bílavðrur
Bón og hreinsieSni Syrir kröSuharða bíleigendur
\________________________________/
þessl nýji fm oss
Tryggið ykkur Yl-ofna frá Ofnasmiðiu Suðurnesja.
hitinn Áenuttab óunnan
ÞJÓÐLÍF 33