Þjóðlíf - 01.07.1991, Blaðsíða 13
kenni á Skaftfellingum. Það kom t.d.
fram í því að þeir voru ekki það fljótir að
þeir lentu í loðdýraævintýrinu og sluppu
þannig við það. Og ef að er gáð þá eru hér
ýmsir möguleikar, t.d. ágætir möguleikar
á garðrækt, rófu, gulrófna og kartöflurækt
og bleikjueldi er aðeins farið af stað hér.
Það tengist fiskeldisbraut hér á Kirkju-
bæjarklaustri sem rekin er í samvinnu við
Fjölbrautaskóla Suðurlands á Selfossi.
Það er tveggja ára nám og 10-12 nemendur
á hvoru ári, teknir inn eftir tveggja ára
fjölbrautarnám. Þeir yngstu koma inn í
skólann í kringum 18 ára aldur en einnig er
fólk allt upp í fertugt.“
„Vatnið er náttúruauðlind hjá okkur,
þ.e.a.s. kalda vatnið því að við höfum
ekkert heitt vatn. Þess vegna er hér gott
veiðisvæði, bæði ár og vötn. Það er mikið
um venjulega sölu veiðileyfa en einnig eru
árnar leigðar út, hópum og einstökum að-
ilum. Við höfum sjóbirting í ám en það er
sérstök tegund af silungi sem veiðist ekki
víða annars staðar og svæðið er þekkt
fyrir. Þetta er einnig eitt helsta álaveiðis-
væði landsins og hér eru að fara af stað
álarannsóknir. Áll hefur ekkert verið nýtt-
ur á íslandi síðustu árin og ekkert rann-
sakaður en atvinnumálanefnd hreppsins
og Fiskeldisskólinn standa saman ásamt
fleirum að þessum rannsóknum.“
„Það er býsna margt sem tínist til og
mér finnst fólk vera bjartsýnt á framtíð
héraðsins og staðarins. Búseta hefur verið
nokkuð jöfn þó að hún hafi reyndar færst
dálítið til þéttbýlisins, Klausturs, úr sveit-
unum. Raunar fækkaði hér eitthvað á síð-
asta ári en það var ekki síst vegna harðn-
andi reglna um hvar menn skrá lögheimili
sitt. Við höldum líka að fólki muni fjölga
með tilkomu nýs hjúkrunarheimilis sem
verður einn stærsti vinnustaðurinn hér
þegar allt er komið upp. Það verður tekið í
notkun á næsta ári og verður 20 manna
vinnustaður en það er stórt á okkar mæli-
kvarða.“
0
n
u
Reyndum að koma í
veg fyrir sameiningu
Hreinn Þórðarson fyrrverandi hreppstjóri í Auðkúluhreppi
sem var sameinaður Þingeyrarhreppi: Hefði hentað betur
að sameinast Bíldudalshreppi
— Bíldudalshreppur vildi taka upp
umræður um sameiningu en komst
aldrei svo langt vegna þess að nefnd-
in sem skipuð var til að kanna þessi
mál sá aldrei né ræddi aðra mögu-
leika en sameiningu við Þingeyrar-
hrepp, segir Hreinn Þórðarson bóndi
á Auðkúlu:
Þann 1. apríl 1990 gekk í gildi sam-
eining tveggja hreppa í Vestur-ísa-
fjarðarsýslu, Auðkúluhrepps og Þing-
eyrarhrepps. Hreinn Þórðarson,
bóndi á Auðkúlu var hreppstjóri í
Auðkúluhreppi síðustu árin sem hann
var við lýði:
„Það var farið út í sameininguna
vegna þess að núverandi sveitarstjórn-
arlög kveða á um lágmarksfjölda sem
megi vera í einu sveitarfélagi. Form-
lega var ekki um valdboð að ræða og
meirihluti sveitarstjórnar Auðkúl-
uhrepps samþykkti sameininguna.
Hins vegar var það búið að ganga á
undan að Félagsmálaráðuneyti skrif-
aði sveitarstjórn okkar og fór fram á að
við tilnefndum menn í nefnd til að
kanna möguleika á sameiningu
hreppsins við nærliggjandi sveitarfé-
lög. Ef sveitarfélagið hefði neitað
þessu þá var það samkvæmt lögum
verkefni Félagsmálaráðuneytisins að
skipa þessa nefnd í stað sveitarfélags-
ins. Af tvennu illu vildum við heldur
gera það sjálfir. Við reyndum það sem
við gátum til að koma í veg fyrir þessa
sameiningu og vorum með undir-
skriftalista gegn henni sem allir íbúar í
Auðkúluhreppi sem áttu þess kost
skrifuðu undir að einum undanskildum,
þ.e. um fimmtán manns.
„Við vorum á móti þessu vegna þess
að eins og samgöngumálum er háttað hjá
okkur þá eru engir möguleikar á að við
getum myndað það sem kallað er í lögum
félagsleg heild með íbúum í Þingeyrar-
hreppi. Það er yfir Hrafnseyrarheiði að
fara og á venjulegum vetri er hún lokuð
frá því í byrjun desember og fram í apríl,
maí. Reyndar var keyptur snjóbíll í vor
en það er engin reynsla komin á hann
ennþá.“
„Við vorum alls ekkert í vandræðum
með að reka sveitarfélagið sem slíkt því
að Auðkúluhreppur var tiltölulega vel
staddur fjárhagslega og átti peninga í
sjóði sem sennilega fá sveitarfélög eiga.
Og við töldum okkur geta fært rök fyrir
því að við gætum vel sinnt okkar málum,
a.m.k. þangað til samgöngur væru
komnar á það stig að við gætum myndað
þessa félagslegu heild með Þingeyri.
Raunar taldi ég að ef við kæmumst ekki
hjá sameiningu þá hentaði okkur betur
við þessar aðstæður að sameinast við
Bíldudalshrepp. Bíldudalshreppur vildi
taka upp umræður um sameiningu en
komst aldrei svo langt vegna þess að
nefndin sem skipuð var til að kanna
þessi mál sá aldrei né ræddi aðra mögu-
leika en sameiningu við Þingeyrar-
hrepp. I þessari nefnd sátu lögum sam-
kvæmt tveir menn á vegum hreppsins,
tveir á vegum sýslunnar og síðan odda-
maður á vegum Félagsmálaráðuneytisins.“
0
Eyjafjarðarsveit
„Allt öðru vísi sveitarfélag"
Birgir Þórðarson í Eyjafjarðarsveit: Þetta er í raun allt öðru
vísi sveitarfélag en þau gömlu voru
—Það er miklu auðveldara að fást við öll
mál á þessum grundvelli heldur en í
þrennu lagi áður, segir oddviti Eyjafjarð-
arsveitar sem er nýlegt tæplega 1000
manna sveitarfélag og til orðið úr þrem-
ur hreppum.
Um síðustu áramót gekk í gildi samein-
ing þriggja hreppa í Eyjafirði, Önguls-
staðahrepps, Hrafnagilshrepps og Saur-
bæjarhrepps. Birgir Þórðarson var odd-
viti Öngulsstaðahrepps fyrir sameiningu
og er nú oddviti hinna sameinuðu hreppa
sem nefnast einu nafni Eyjafjarðarsveit:
„Það lágu margar ástæður til þess að
farið var út í sameiningu og þær má rekja
dálítið aftur í tímann. Það hafði lengi verið
talað um að það lægi mjög vel við að sam-
eina þessi þrjú sveitarfélög hér framan Ak-
ureyrar og árið 1985 var skipuð samstarfs-
nefnd þeirra sem kannaði kosti við sam-
einingu. Sú nefnd var skipuð að
frumkvæði sveitarfélaganna sjálfra og það
má segja að þessi sameining hafi orðið al-
gerlega án utanaðkomandi þrýstings, frá
ráðuneyti eða slíkum aðilum."
ÞJÓÐLÍF 13