Þjóðlíf - 01.07.1991, Blaðsíða 15
110 ARA GAMALT
FYRIRTÆKI
✓
Uraverslun Magnúsar Benjamínssonar sennilega elsta fyrirtœki landsins.
Hermann Jónsson núverandi eigandi þriðji eigandi frá upphafi
í borg þar sem fyrirtæki eru gjörn á að
ná ekki ýkja háum aldri má það tíðind-
um sæta að heyra um verkstæði og
verslun sem nú hefur starfað í sam-
fleytt 110 ár. Fyrirtækið sem hér um
ræðir er Ura og skartgripaverslun Her-
manns Jónssonar í Veltusundi en það
var stofnsett árið 1881 og nefndist þá
Ursmíðaverkstæði Magnúsar Benja-
mínssonar. Það var þá til húsa neðst á
Vesturgötu.
agnús Benjamínsson lærði iðn
sín hjá Magnúsi Jónssyni, úr-
smið á Akureyri en dvaldi síðan við
framhaldsnám í Kaupmannahöfn í eitt
ár. Árið 1881 voru íbúar Reykjavíkur
u.þ.b. 3000 og fyrir í bænum voru tveir
úrsmiðir, þeir Eyjólfur Þorkelsson og
Guðmundur Lambertsen. Árið 1887
flutti Magnús sig svo um set niður í Velt-
usund þar sem fyrirtækið hefur verið til
húsa síðan. Árið 1933 þegar Magnús var
á 81. aldursári fór hann að draga sig í hlé
frá störfum og tók þá sem meðeigendur
SIGRÍÐUR MATTHÍASDÓTTIR
Hermann við cina af hinum öldnu klukkum
sem hann stundar viðgerðir á.
sína Sverri Sigurðsson, tengdason sinn,
Hjört Björnsson og Ólaf Tryggvason.
Tveir þeir síðarnefndu höfðu lært úrs-
míði hjá Magnúsi eins og margir aðrir
úrsmiðir gerðu. Magnús smíðaði fjölda
merkra gripa, klukkur af öllum gerðum
og m.a. stjörnukíki sem hann notaði sér
til aðstoðar við tímamælingar en honum
var strax árið 1881 falin umsjón með
kirkjuklukkunni í Reykjavík. Hann var
einnig aðalhvatamaður þess að byggja
Iðnaðarmannafélagshúsið í Reykjavík
(Iðnó) og margt fleira mætti telja um
þennan merka mann en hann lést árið
1941.
Eigendaskipti hafa alls ekki verið tíð í
þessu rótgróna fyrirtæki og núverandi
eigandi, Hermann Jónsson er einungis
sá þriðji í röðinni á 110 árum! Hermann
lærði úrsmíði hjá Eggerti Hannah,
úrsmið á Barónsstíg og stundaði síðan
verslunarrekstur í Lækjargötu áður en
hann keypti þetta fyrirtæki um áramótin
70-71 en síðan eru liðin 20 ár. Kona Her-
manns og sonur, Sjöfn Bjarnadóttir og
Jón Hermannsson, vinna með honum í
versluninni en Jón sem er 25 ára gamall
er að læra úrsmíðar í Danmörku.
Hermann hefur haft ánægju af og sér-
hæft sig í viðgerð á gömlum klukkum.
Hann segir að hér á landi sé töluvert af
150 og upp í 200 ára klukkum, yfirleitt
þýskum og svissneskum en á stríðsárun-
um hafi verið algengt að menn keyptu
klukkur á fornsölum í Englandi og Dan-
mörku fyrir lítið verð. Það er sama fólkið
sem kemur aftur og aftur í verslunina,
jafnvel háaldrað fólk sem varla getur
staulast yfir þröskuldinn og segir að
fermingarúrið sitt hafi verið keypt í þess-
ari verslun. Og fjölskyldan er bjartsýn á
framtíðina. Eftir að Kringlan opnaði
dróst umferð í miðbænum saman og þar
með sala en það er að breytast aftur núna
segir Hermann og miðbærinn á hraðri
uppleið enda kveðast margir fá persónu-
legri þjónustu þar.
0
Hjónin Sjöfn Bjarnadóttir og Hermann Jónsson ásamt syni sínumjóni Hermannssyni í verslun■
inni.
ÞJÓÐLÍF 15