Þjóðlíf - 01.07.1991, Blaðsíða 16

RAUÐI BARÓNINN
Á TÖLVUSKJÁNUM
„Rauði baróninn" og aðrir nýir leikir
frá Sierra On-Line fyrirtækinu gleðja
tölvuleikmenn — og ný útgáfa, númer 5
af DOS er komin á markað.
Nú í vor sendi hinn bandaríski fram-
leiðandi afþreyingarhugbúnaðar, Sierra
On-Line, frá sér slatta af nýjum leikjum
auk nýrra leikja frá dótturfyrirtækjum
Sierra, Dynamix, og hinu japanska Game
Arts. Þar ber hæst framhaldið af King’s
Quest og Space Quest.
Sierra tekur talsverða áhættu með
útgáfu þessara leikja. Þessar seríur hafa
verið söluhæstu afurðir fyrirtækisins en
þessar nýjustu útgáfur eru með allt öðru
stýrikerfi en fyrri leikirnir. í stað þess að
rita inn skipanir á lyklaborðið eins og áður
var er öllu stýrt með mús eða stýripinna.
Ég varð afskaplega svekktur á þessu nýja
kerfi þegar ég ræsti leikina í fyrsta sinn en
viti menn, eftir nokkurn tíma var ég kom-
inn á kaf í leikinn og var alveg sama um
nýja kerfið. Eini ókosturinn sem ég fann í
fljótu bragði var að þegar átti að halda
norður, sem er að sjálfsögðu upp á skján-
um, átti stýri„stikan“ til að spretta upp og
er það ansi bagalegt þegar slíkt gerist á
krítísku augnabliki og allt fer í klessu.
Þessir nýju leikir hafa ýmislegt til að
bera sem sættir mann við nýja kerfið. Báð-
ir voru leikirnir gefnir út í sérstökum
VGA útgáfum og eru þær vægast sagt
glæsilegar. Bakgrunnsmyndir leikjanna
eru handmálaðar og stuðst er við kvik-
myndir af lifandi fólki til að gera hreyfing-
ar persónanna sem raunverulegastar.
Tónlistin er að sjálfsögðu stórkostleg enda
er þessi „tölvukvikmynda" tónlist löngu
orðin að vörumerki Sierra leikjanna.
Flughermirinn Red Baron er annar
stórgóður leikur frá Sierra eða öllu heldur
Dynamix. Eins og nafnið gefur til kynna
er um stríðsleik að ræða og er sögusviðið
Fyrri heimsstyrjöldin. Hermirinn sjálfur
er með nokkuð hefðbundnu sniði en ýmis-
legt er við þennan leik sem ekki er hefð-
bundið. í fyrsta lagi má telja að leikurinn
er byggður á Fyrri heimsstyrjöldinni en þá
var í fyrsta skipti barist í lofti og er það
greinilegt á þeim flugvélum sem valið er á
PÉTUR BJÖRNSSON
milli í leiknum. Flestar eru þær margþekj-
ur og eru stjórntækin sett upp á skjánum á
nákvæmlega sama hátt og í raunverulegu
vélunum. Annað er að fá að fljúga söguleg-
ar orustur, annað hvort sem breskur eða
þýskur ás, og berjast jafnvel með eða á
móti Rauða baróninum sjálfum, Manfred
Von Richthofen eða einhverjum álíka.
Mikil vinna var lögð í rannsóknir á bæði
vélunum og flugmönnunum sem flugu
þeim til að gera leikinn sem raunverulega-
stan. Upplýsingar um flugmennina og
hvernig þeir flugu voru síðan notaðar til að
láta flugmennina í leiknum fljúga á sem
raunverulegastan hátt, auk þess sem ljós-
myndir af þeim birtast þegar um þá er
rætt.
I stuttu máli, enn einn pottþétti leikja-
pakkinn frá Sierra.
Jæja, þá hefur Microsoft loksins sett
útgáfu 5 af DOS á markað. Þetta er fyrsta
uppfærsla á DOS sem unnin er af forritur-
um Microsoft síðan DOS 3.30 kom út
1987. Að vísu kom DOS 4.0 í millitíðinni
en það var ekki á snærum Microsoft held-
ur IBM til að byrja með og síðan kom hún
endurunnin hjá Microsoft. Þessi útgáfa,
5, er hugsanlega sú mikilvægasta sem
komið hefur síðan útgáfa 2.2 kom á mark-
að 1983.
DOS 5 hefur að sjálfsögðu margt til að
bera sem ekki fyrirfannst áður. Eitt helsta
framfarasporið er það að geta loksins not-
að aukaminni tölvunnar en DOS 5 er fáan-
legt til að hlaða stýriskrár sínar og annað
slíkt í svokallað æðra minni sem skilar sér í
auknu vinnsluminni. Þetta er aðgerð sem
ekki var hægt að framkvæma áður nema
með utanaðkomandi hugbúnaði, s.s.
QEMM. Auk þessa notar DOS 5 nú
minna minni en DOS 4.0 og er það í fyrsta
sinn sem uppfærsla DOS tekur minna
minni en forverinn. Auk þessa ræður
DOS 5 við stærri harða diska en 32mb eins
og DOS 4 og þarf því ekki á SHARE.EXE
að halda og bætast þar við nokkur bæti í
vinnsluminni.
Skelin sem fyrst fylgdi með DOS 4 hef-
ur verið algerlega endurnýjuð og er nú
meira Windows 3.0 yfirbragð á henni en
áður. Eitt það sem fylgir skelinni í DOS 5
er framkvæmdalisti (Task List) sem gerir
kleift að hafa fleira en eitt forrit í gangi í
einu og skipta milli þeirra á einfaldan hátt.
Þá „frýs“ fyrra forritið meðan annað fer í
gang.
Fyrir þá sem taka skipanalínuna fram
yfir skelina eru einnig nýjungar. Hin
klassíska skipun DIR hefur nú nýja
möguleika á flokkun, s.s. eftir stafrófsröð,
stærð eða dagsetningu. Einnig leit og
kembingu eftir einhverjum sérstökum
eiginleikum um allt tré. Einnig er hjálp á
skipanalínunni sem er tiltæk hvar og hve-
nær sem er.
Gamlir fylgifiskar DOSins, EDLIN og
GWBasic, eru nú horfnir á braut og ný
forrit tekin við. í stað EDLIN er kominn
ritari sem sver sig meira í ætt við „stóru
bræður“ sína, ritvinnslurnar en EDLIN
gamli gerði. í stað GWBasic kemur Qu-
ickBasic en mun þar á ætla ég ekki að
reyna að útlista enda ekki mikill forritari.
Annað sem DOS 5 hefur en forrennarar
ekki eru möguleikar á endurheimtingu
eyddra skráa og forsniðinna diska. Þessi
forrit eru að vísu ekki gerð hjá Microsoft
heldur Central Point Software en eru þó
innan DOS 5.
Uppfærsla úr einhverri útgáfu DOS í
útgáfu 5 fæst hjá Microsoft umboðinu á
Islandi sem er hjá Einari J. Skúlasyni.
0
16 ÞJÓÐLÍF