Þjóðlíf - 01.07.1991, Blaðsíða 40
OKIINN DUFL
-Stór Stuttmynd- Sigurbjörn Aðalsteinsson fékk styrkfrá Kvikmyndasjóði og
Norrœna sjóðnum auk stuðnings Ríkissjónvarpsins til að gera sérstœða mynd
Listamaðurinn Hrólfur scm Þröstur Leó Gunnarsson leikur.
KRISTÓFER DIGNUS
Nú er sumar og kvikmyndamenning á
íslandi blómgast. Kvikmyndir Óskars
Jónassonar, Kristínar Jóhannesdóttur
og Asdísar Thoroddsen, Sódóma
Reykjavík, Svo á himnum svo jörðu og
Ingaló á grænum sjó í framleiðslu og
mynd Friðriks Þórs Friðrikssonar komin
á hvíta tjaldið. En þetta er ekki allt og
sumt. Kvikmyndasjóður Islands veitti
einnig stuttmynd styrk, stuttmynd sem
ber nafnið Ókunn dufl og er hugarfóstur
leikstjórans Sigurbjörns Aðalsteinsson-
ar.
Það hefur ekki mikið farið fyrir Sigur-
birni og verkum hans þó að hann hafi
unnið sem kvikmyndagerðarmaður frá ár-
inu 1988. í raun og veru er þetta hans
stærsta verkefni til þessa þar sem hann
hefur aðallega unnið við gerð auglýsinga
og stuttmynda. Blaðamaður Þjóðlífs sótti
Sigurbjörn heim til að fræðast nánar um
Ókunn dufl og manninn sjálfan.
Um hvað fjallar Ókunn dufl?„
Myndin fjallar um samskipti lista-
mannsins Hrólfs sem er leikinn af Þresti
Leó Gunnarssyni og lögfræðingsins Jó-
steins sem Valdimar Örn Flygering leik-
ur. Jósteinn vill fá landið sem Hrólfur býr
á til að hefja þar byltingarkennt þorskeldi.
Hrólfi lýst ekki á það og upp hefst stríð
þeirra á milli. Á meðan er tundurdufl í
nágrenninu sem bíður eftir að springa.
Söguþráðurinn er dramatískur en inn í
hann fléttast fyndin atriði.“
Hver er þróunarsaga Ókunnra dufla frá
því að vera hugmynd í að verða handrit?
Og hvert snerirðu þér í leit að fjármagni?
„Samstarfsmaður minn og félagi Jón
Ásgeir Hreinsson átti upphaflegu hug-
myndina. Hún var um mann sem finnur
tundurdufl og hann skrifaði hana niður í
smásöguformi. Við handritaskrifm sjálf
vorum við að hugsa um klukkutíma mynd
ætlaða sjónvarpi með um 6 til 7 leikurum
en seinna ákváðum við að stytta handritið,
fækka leikurum og senda lögfræðing á
Hrólf í stað allrar fjölskyldunnar. Kvik-
myndasjóður styrkti myndina og eftir það
fór ég í samstarf við kvikmyndafyrirtæki í
Danmörku sem heitir Winther-Film.
Saman sóttum við um úthlutun úr Nor-
ræna kvikmyndasjóðnum. Síðan keypti
Sveinn Einarsson hjá Ríkissjónvarpinu sig
inní dæmið þannig að um síðir eignast
hann íslenska sjónvarpsréttinn að mynd-
inni.“
Hvernig ætlar þú að sýna þessa mynd, er
hún ekki í raun kvikmynd fremur enn
sjónvarpsmynd?
„Eftir að hafa fengið styrk úr bæði
Kvikmyndasjóðnum hér á landi og þeim
Norræna þá finnst mér að það sé ekki hægt
annað en að sýna hana fyrst í kvikmynda-
húsi. Þó að hún sé stutt þá er hún samt
kvikmynd.“
Nú hefur þú fengið verðlaun fyrir stutt-
mynd þína, Hundur, hundur á stórri
stuttmyndahátíð og önnur stuttmynd,
Hljóð, verið sýnd í Ríkissjónvarpinu. Að
hvaða leyti er Ókunn dufl frábrugðin
fyrri myndum þínum?
„Hún er gerð sem alvöru bíómynd með
valinkunnu tökuliði og ekki farið fram á
að fólk gefi sína vinnu eins og hefur verið í
hinum stuttmyndum mínum. Ég var mjög
heppinn með samstarfsfólk og öll fram-
kvæmd, bæði skipulagsleg og tæknileg,
var frábær. Það er mjög erfitt að gera bíó-
mynd og byrðin sem hver góður maður
getur borið er mikilvæg. Sú þekking sem
hann flytur með sér inn í myndina er óm-
etanleg og nauðsynleg til að allt gangi upp.
Það er það sem stendur eftir hjá mér, hvað
ég fékk gott fólk til að starfa með mér. Án
þess hefði myndin aldrei orðið til.“
Er þróunin sú að við leitum meir og meir
til erlendra aðila til að fjármagna myndir
okkar?
„Tvímælalaust er þróunin sú. Það sést
best á þeim myndum sem verið er að gera
hér núna, þær eru allar meira og minna
samvinnuverkefni, fjármagnaðar með út-
lenskum peningum."
Hver er þín skoðun á þessari þróun?
„Þetta er slæmt mál því að við missum
meira og meira af hinum séríslensku ein-
kennum og erum í raun að vinna myndirn-
ar fyrir annan markað en þann íslenska.
Aftur á móti er þetta betra en að gera engar
myndir hér á landi. Þetta er nokkuð sem
ráðamenn þjóðarinnar verða að gera upp
við sig. Eiga Islendingar skilið að sjá ís-
lenskar bíómyndir? Ein íslensk mynd er á
við þrjátíu erlendar varðandi hvað það gef-
ur okkur að sjá hana. Mestu áhrifavaldar í
þjóðfélaginu eru jú þessir tveir fjölmiðlar:
sjónvarp og bíómyndir."
Hvenær verður svo myndin sýnd og hvað
tekur við hjá þér?
„Hún verður sýnd seinni partinn í októ-
ber á þessu ári í kvikmyndahúsi í Reykja-
vík. Ég er að fara út í undirbúning að
næstu mynd minni sem heitir Camera
Obscura. Þetta er um fimmtán mínúma
stuttmynd sem ég geri fyrir Ríkis-
sjónvarpið. Hún verður unnin hjá Saga
Film. Handritið vann samkeppni sem
sjónvarpið hélt. Annars er ég með nóg af
hugmyndum í kollinum og maður veit
aldrei, kannski geri ég „langa“ mynd í
náinni framtíð.“
0
40 ÞJÓÐLÍF