Þjóðlíf - 01.07.1991, Blaðsíða 41
Við tökur á kvikmyndinni Ókunn dufl. „Ég var mjög heppinn með samstarfsfólk“.
STJÖRNUR
The silence of the lambs
(Lömbin þagna) - ***l/2
að er samspil þriggja megin-
þátta sem gera kvikmyndina
Lömbin þagna ógleymanlega mynd. I
fyrsta lagi er handritið sem byggt er á
samnefndri skáldsögu Thomas Harris
stórgott. í öðru lagi tekst leikstjóranum
Jonathan Demme mjög vel til við að
skapa sérstakan stíl og andrúmsloftið er
sambærilegt og hjá meistara Hitchcock.
í þriðja lagi er leikurinn hjá Anthony
Hopkins í hlutverki Lecters frábær og
sömuleiðis hjá Jody Foster sem er nýlið-
inn hjá FBI. Þó að langt sé í Óskarinn þá
veðja ég á þessa mynd sem eina af þeim
sigurstranglegri.
Sýnd í Háskólabíó.
Robin Hood-The prince of
thieves (Hrói Höttur) - **
Að kalla Kevin Kostner stórleikara
er eins og að segja að Lada bifreið
sé tækniundur. Maðurinn getur bók-
staflega ekki leikið fleiri en eina pers-
ónu, þ.e.a.s. sjálfan sig. Mér fannst ég
vera að horfa á John Dunbar úr Dansað
við úlfa spranga um í trjám Skírisskógs
skjótandi örfum hingað og þangað. Sem
ævintýramynd er Hrói Höttur klassísk
og eru brellur og spennuatriði vel af
hendi leyst. Söguþráðinn þekkjum við
öll og höfum séð í ýmsum útgáfum í
ýmsum myndum en í þessari mynd er
skemmtilegt hliðarspor tekið og auka-
persónu er bætt við. Hana leikur Morg-
an Freeman og gefur hann myndinni
sérstöðu og frumleika. Ástkona Hróa,
Marion, er mjög vel leikin af hinni fögru
Elisabeth Mastrantonio. Hún er eina
stjarna myndarinnar sem nær sannfær-
andi enskum hreim. Aðrir leikarar, svo
sem Christian Slater og Alan Rickman
(bófinn í Die Hard) eru vandræðalegir í
hlutverkum sínum og kenni ég slakri
leikstjórn um. í raun og veru er eins og
að persónan sem Rickman leikur, hinn
illi sýslumaður, eigi heima í allt annarri
mynd, t.d.„ carry on“ mynd því leikur
hans er nánast farsakenndur.
Kvikmyndin er í glæsilegum umbúðum
en meginþættir innihaldsins eru ósann-
færandi og skemma fyrir spennandi og
rómantískri sögu.
Sýnd í Regnboganum.
Desparate Hours (Á valdi
óttans) - *l/2
Leikstjóranum Michael Cim-
ino mistekst sem endranær að
setja saman sannfærandi spennumynd
þó að hann hafi úr góðu efni að moða
hvað söguþráð og leikara varðar. Það er
ótrúlegt hvað jafn reyndur og hæfileik-
aríkur maður og Cimino á erfitt með að
rífa sig upp úr þeirri langvarandi lá-
deyðu sem hann hefur verið í allt frá gerð
Hjartabanans. Sú er ein af þeim allra
bestu og erfitt að ímynda sér að hér sé
sami leikstjóri að verki. Á valdi óttans er
nokkurs konar endurgerð útgáfa af eldri
mynd þar sem Bogart er í því hlutverki
sem Mickey Rourke er í nú. Ég mæli
með því að reyna að komast yfir þá eldri
á einhverri leigunni frekar en að eyða
dýrmætum tíma í að horfa á hóp af fólki
öskra og væla í tvo tíma í þessari nýju.
Sýnd í Bíóborginni.
Edward Scissorhands (Eddi
Klippikrumla) - ***
Eg vil taka fram ánægju mína
vegna íslenskrar nafngiftar á
mynd Tim Burtons (Beetlejuice),
Edward Scissorhands og þykir mér hún
sæma vel svo frumlegri og skemmtilegri
mynd. Að segja frá og gagnrýna slíka
mynd er eins og að tala um góðan
draum. í raun og veru túlkar hver og
einn drauminn á sinn máta og læt ég þar
við sitja. Eitt þó. Þetta er ekki mynd
ætluð börnum, frekar fullorðnum, ung-
um í anda.
Sýnd í Bíóborginni
KDP.
ÞJÓÐLÍF 41