Víkurfréttir - 03.09.2009, Side 16

16 AUGLÝSINGASÍMINN ER 421 0000VÍKURFRÉTTIR I 35. TÖLUBLAÐ I 30. ÁRGANGUR
Uppákoma á Landsmóti Ungmennafélags Íslands
sem haldið var í Keflavík
árið 1984 dregur dilk á eftir
sér. Þá var á síðustu stundu
kallaður saman hópur fólks
sem keppti í því að leggja á
borð. Svo fór að Íslandsmeist-
aratitillinn í starfsgreininni
„að leggja á borð“ hafnaði
hér Suður með sjó en Aðal-
heiður Héðinsdóttir, Addý í
Kaffitári, hampaði titlinum.
Hópurinn sem kom að keppn-
inni fyrir aldarfjórðungi
hefur haldið hópinn og ætlar
að halda sýningu í Kaffitári
á Ljósanótt sem hefur fengið
nafnið „Borðleggjandi“.
„Við höldum sýningu í Kaffi-
tári hjá Addý, sem er ein af
hópnum og vann auk þess
fyrstu verðlaun. Aðalheiður
Héðinsdóttir er sem sagt Ís-
landsmeistari 1984 í því að
„leggja á borð“. Við erum oft
búnar að minnast þess hvað
þetta var skemmtilegt. Sérstak-
lega er þetta nú skemmtilegt
af því að við gerðum stólpa-
grín af þessu þegar við vorum
beðnar að taka þátt. Jói Geir-
dal, sem þá var formaður
UMFK sló þessu fram á kenn-
arastofunni í Holtaskóla, þar
sem við vorum við kennslu“,
segir Sveindís Valdimarsdóttir
þegar hún rifjar upp söguna.
„Það vantaði einhvern í pönnu-
kökubakstur og í það að leggja
á borð. Starfsgreinarnar voru
og eru enn nokkuð áberandi
þáttur á ungmennafélags-
mótum sem gefur mótunum
búsældarlegan svip, eitthvað
svo íslenskan. Mér fannst þetta
nú reyndar nokkuð skrýtin
mótsgrein en við slógum til,
þ.e.a.s. að leggja á borð. Pönnu-
kökubaksturinn var okkur
ofviða. Vorum þarna saman
nokkuð stór hópur kvenna, að
vinna ýmiskonar handverk og
vorum m.a. að vinna í leður,
með Söru Berthu sem kennir
handmennt við Myllubakka-
skóla“, segir Sveindís.
Hún segir að við þessi tímamót
minnist hópurinn skemmtilegs
tíma. „Þetta verður jú svolítið
öðruvísi sýning. Við tókum
þetta verkefni háalvarlega, und-
irbjuggum þetta allar saman
og síðan var ákveðið hverjar
myndu leggja á borðin. Við
unnum síðan verðlaun fyrir
þau þrjú borð sem við lögðum
á og héldum okkar eigin sigur-
hátíð, heldur betur sáttar við
útkomuna og montnar yfir
því að hala inn stigum fyrir
UMFK. Þetta lifir svo sannar-
lega í minningunni“.
En hvað verður svo á Ljósa-
nætursýningunni í Kaffitári?
„Við ætlum sem sagt að sýna
ýmislegt frá okkur sem minnir
á þennan tíma. Hver og ein
okkar hefur búið til mismun-
andi borðbúnað úr þræði og
svo vinnum við sameiginlegt
verkefni.
Þá eru í hópnum listakonur
sem verða með ýmislegt til
sölu á sýningunni. Fjölbreytt,
skemmtilegt og jafnvel dálítið
óútreiknanlegt í Kaffitári á
næstu Ljósanótt“.
Sveindís segir þær stöllur
halda hópinn, sem þær kalla
átthagafélagið. „Hópurinn
hef ur nú feng ist við flest
annað en að leggja á borð.
Ferðumst m.a. á fjöll og hitt-
umst yfir góðum mat, þar sem
grín og glens er uppistaðan.
Þetta er samstilltur vinahópur,
sem hittist alltaf með vissu
millibili. Ekki alls fyrir löngu
vorum við að rifja þennan at-
burð upp og slógum því þá
fram að við ættum nú kannski
að halda upp á tímamótin og
það var eins og við manninn
mælt. Addý tók frá salinn í
Kaffi tári og hringdi svo á
línuna og þar með var ekki
aftur snúið. Sýning skyldi það
vera! Nú erum við orðnar 8
í hópnum og erum allar að
bagsa við að setja saman eitt-
hvað skemmti legt í tilefni
tímamótanna.
Það verður ýmislegt í boði.
Ljósanótt er tilvalinn tími. Við
eigum eftir að skemmta okkur
yfir þessu, ef ég þekki hópinn
rétt. Það er ekki spurning,
þetta er svo glaðvært gengi,“
sagði Sveindís Valdimarsdóttir
í samtali við Víkurfréttir. Auk
hennar og Addýjar eru Anna
Þóra Böðvarsdóttir, Guðrún
Hákonardóttir, Sigurbjörg
Guðmundsdótt ir (Beggý),
Sara Bertha Þorsteinsdóttir,
Unnur B. Þórhallsdóttir og
Arnþrúður Ösp Karlsdóttir í
hópnum.
Borðleggjandi listakonur í Kaffitári
- unnu til verðlauna á landsmóti fyrir aldarfjórðungi