Fagnaðarboði - 01.01.1952, Blaðsíða 4
4
FAGNAÐARBOÐI
Elskum Jesúm Krist
krossfestan!
Guðsríki, ríki hins nýja sáttmála er Guð gaf
Abraham og þeim feðrum var komið í Jesúm
Kristi, sem Guð fyrirhugaði oss að erfa bless-
unina fyrir.
Hann hafði gengið hér um sinn útlegðartíma
og opinberað sína tign. Allir vissu, hver Hann
var, á verkum Hans, en nú var Hann hrópaður
burt, af mörgum tungum, til krossfestingar, og
beiðni þeirra var fullnægt. Hann var hrópaður
burt og Guðsríki útilokað.
Margir krossfesta Guðs-Son á ný, sér til handa,
með því að þeir lifa ekki eftir Orðum Hans, held-
ur hyggja á hugsanir sínar og véfengja Hans
mátt og dýrð. Þeir gleyma því að við öll eigum
eftir að mæta frammi fyrir dýrð Hans til dóms.
Kristur Jesús er sá, sem dæma mun lifendur og
dauða.
Viljum við nú íhuga náðarverk Guðs að oss
er boðað fyrir Jesúm Krist krossfestan. Iðrun,
syndafyrirgefning og helgun.
Iðrun er í því fólgin, að þegar við heyrum
Guðs góða Orð og það sýnir oss hve hjörtu vor
eru hégómleg og svikul frammi fyrir Guði og
langt frá þeirri dýrð, sem Hann hefur kallað oss
til og búið oss að erfa.
Enginn spegill getur sýnt okkur hjörtu vor
eins og þau eru, nema Guðs Orðið spegill hins
réttláta Guðs, þegar boðun Guðs sýnir okkur
vor svörtu og hégómlegu hjörtu og við tökum
Guðs Orð gilt, með því að það dregur allt sem
í hjörtum vorum er, fram í dagsbirtuna. Það les
úr hjörtum vorum, svo að þau eru fyrir augum
vorum logandi í eldi syndarinnar. Allt það er
Guðs Orð dró þar fram. Nú er aðeins eitt að
gjöra, að gefa Guði tækifæri til að hreinsa hjart-
að.
Látið af syndum yðar, það er að játa þær
frammi fyrir Guði, í staðinn fyrir að forherða
hjartað og útiloka náð Guðs. Biðja Hann í Nafni
Jesú Krists um fyrirgefningu. Þá fer endurfæð-
ingin fram í hjartanu. Við hverfum frá okkar
verkum til Krists, og Hann svarar með frið,
gleði, sannfæringu og fullvissu.
Taktu Orð Guðs með þér í bæninni og bið í
trú. Horfðu fast á Orð Jesú. Biðýið, og yður mun
gefast, leitið, og þér munuð finna; knýið á, og
fyrir yður mun upplokið verða; því að sérhver
sá öðlcist, er biður, og sá finnur, er leitar, og
fyrir þeim mun upplokið, er á knýr. Matt. 7. 7,8.
Jesús segir: Enginn getur séð Guðsr'iki nema
liann endurfœðist.
Yður ber að endurfceðast. Les. Jóh. 3.
Þegar Guðs Andi upplýsir þig um Guðs vilja og
sýnir þér hvað þú átt að gjöra og þú ert fús til
þess, þá er Drottinn þar með sínar mildiríku
náðargjafir, þar er allt mögulegt. Grafarstein-
inum var velt frá. Svo er enn í dag, Kristur tek-
ur allar torfærur burt.
Kom þú fús til Krists og Ríkis Hans. Þegar
syndin er fyrirgefin þarft þú engu að kvíða, því
að þinn Frelsari er við stýrið og mun vel fyrir
öliu sjá. Bið og öðlast.
Þetta er endurfæðing með afturhvarfi, eftir
hana kemur helgunin. Þeir, sem í syndinni eru
geta ekki helgast, því þeir lifa í syndinni og á-
vaxta hana, en sá sem leystur er frá syndinni,
er laus við hana. Helgunin er að hlýða Jesú
Kristi og bera ávöxt í Hans Orði og Anda með
stöðuglyndi.
Sá, sem ekki hlýðir Jesú Kristi er ekki Hans.
Sá, sem hlýðir Kristi, helgast af hlýðninni við
Guð.
Að vita hvað við eigum að gjöra samkvæmt
Guðs Orði og gjöra það ekki er okkur synd.
Syndin leiðir af sér dauða.
Ávöxtur réttlætisins er friður og fögnuður.
Syndarinn á ekki hlutdeild í fyrri upprisunni.
Sá, sem á trúarréttlæti Jesú Krists eða veit-
ir því viðtöku fær hlutdeild í fyrri upprisunni,
því hann hefur fengið nafn sitt innritað í lífs bók
Lambsins. Hann hefur gengið yfir frá dauðan-
um til lífsins.
Sæll og heilagur er sá, sem á hlut i fyrri
upprisunni, yfir þeim hefur hinn annar dauði
ekki vald, heldur munu þeir vera prestar Guðs
og Krists, og þeir munu ríkja með Honum um
þúsund ár. Opb. 20, 6.
j