Fagnaðarboði - 01.04.1952, Page 3

FAGNAÐARBOÐI
3
£f þessir þegðu!
Blessaður sé Konungurinn, sem kemur í Nafni
Drottins. Friður á himni og dýrð í upphæðum!
Og nokkurir af Fariseunum í mannfjöldanum
sögðu við Hann: Meistari, hasta þú á lærisveina
þína. En hann svaraði og sagði: Ég segi yður,
að ef þessir þegðu mundu steinarnir hrópa.
Lúk. 19, 38—40.
Er flokkurinn stór, sem lofar Guð í dag fyrir
Jesúm Krist og öll Hans kraftaverk. Enginn
veit það nema Guð einn.
Lofið og lofsöngvarnir um dásemdaverk Jesú
Krists, sem fyllti hjörtu lærisveinanna hefur
aldrei þagnað gegnum aldirnar. Einhverjir hafa
alltaf lofsungið, eins og Jesú sagði: Ef þessir
þegðu mundu steinarnir hrópa. Svo mikil var
dýrðin og dásemdin í návist Hans. Lofið um Jesú
var ekki og verður ekki þaggað niður. Hans
verk verða aldrei að engu gjörð, en hver og einn
getur ónýtt þau sér til handa, með því að taka
ekki við þeim, og lifa þeim ekki.
Margir eru þeir í dag, sem fylla flokk
Fariseanna. Þeir þola ekki að heyra lofsönginn
um Jesú og Hans verk, sem fyllti hjörtu læri-
sveinanna og hefur borizt með hárri raustu í
dýrðlegu lofi og fögnuði út um víða veröld.
Ekkert haf er svo breitt og engin fjöll svo há
að lofið um Jesúm hafi ekki borizt út til vor
mannanna.
Alltaf hafa verið þjónar Guðs og eru enn,
sem boða sannleikann um hinn mikla Konung,
sem kom í Nafni Drottins. Þeir, sem trúa og hafa
tekið við Honum sem Frelsara sínum eiga lofið
um Hann og verk Hans og kunngjöra það með
fögnuði. Sannur þjónn Drottins verður að segja
öðrum frá þeim fögnuði, sem hann hefir öðlazt
i samfélaginu við Jesú Krist. Hann þráir að
allir verði aðnjótandi hinnar sönnu gleði. Þjónn-
inn veit, að það eitt er ávinningur fyrir hvern og
einn að finna Jesú Krist, sem sinn Frelsara og
lifa Honum. Þú, sem lest þessar línur hvort, sem
þú ert ungur eða gamall að árum, leitaðu til
Guðs í Nafni Jesú Krists af einlægu hjarta, því
Hann mun vissulega svara þér af föðurlegri um-
hyggju, sem veitir þér endurlausn, líf og frið.
Einu sinni var ég spurður að því hvort Jesús
væri langt í burtu núna. Eg svaraði: Jesús er
ekki lengra frá þér en það, að hvenær sem þú
kallar á Hann í einlægni og biður Hann að
hjálpa þér þá heyrir Hann til þín.
Jesús rekur engan frá sér sem til Hans kemur.
Fríviann Ingvarsson.
'Borgin helga.
Þér eruð ljós heimsins; borg, sem stendur
uppi á fjalli, fær ekki dulist. Matt. 5. 14.
Postulunum hefir sjálfsagt ekki komið í hug,
hve fullkomin líking Meistarans var, er Hann
nefndi þá: Ljós heimsins, eða borg sem stendur
uppi á fjalli og einnig undirstöðusteina þeirrar
borgar, sem Drottinn sjálfur er smiður að og
byggingarmeistari, er brimöldur aldanna og of-
sóknir kynslóðanna myndu á skella, án þess þó
að má hið minnsta múra hennar.
Með augun full af tárum og sundurkramin
hjörtu hafa smælingjarnir lagt leið sína að
hliðum hennar, sem ætíð hafa staðið opin fyrir
aumingjunum.
Hinir voldugustu höfðingjar hafa með fylgi
hinna vöskustu fullhuga, hver af öðrum, farið
herferðir á móti henni og beitt hvers konar
brögðum, án þess þó að bera nokkurn sigur úr
býtum.
Gimsteinar hennar hafa verið undir smásjá
vitringanna og allra augu hafa hvílt á þeim, og
þó er hún heiminum enn í dag hið sama undr-
unarefni.
Kynslóðirnar hafa komið og horfið, löndin
riðað og rikin liðið undir lok, en Drottinn hefir
verið sem varðlið umhverfis sína borg, svo að
þar yrði ékki snert við nokkrum steini.
Margir vitar hafa verið reistir og kyndlar
kveiktir, en Ijómi fjallborgarinnar lýsir þeim
öllum ofar og ljós hennar upplýsir hina myrk-
ustu hugarheima.
Hún hefir verið griðastaður fyrir hina seku,
hvíld hinum þreyttu. Þar hafa hinir hungruðu
mettazt gæðum. Hinir fátæku hafa þar notið
allra nægta, en rikir orðið tómhentir frá að
hverfa.
Þar hafa hinir sáru hlotið græðslu sinna meina,
og sjúkir sótt þangað fulla heilsu.
I henni hefir Drottinn gjört sig kunnan þeim
sem Hans hafa leitað, þó að heimskinginn hafi
þar engan Guð séð né fundið.