Fagnaðarboði - 01.03.1986, Blaðsíða 2

2
FAGNAÐARBOÐI
Orðið Guðs, fæddur Frelsari og vinnur með verkandi
krafti sínum hvar sem Hann fær að gefa og ríkja í
Orðinu, til að vera allt í börnum sínum, Guðs húsi,
er Drottinn uppfyllir sín verk með.
Guð skapaði með Orði sínu, allt það áþreifanlega og
í endurlausnarverki Krists Jesú, frelsar Hann okkur
með Sáttmálablóði sínu.
Hann bar sjálfur syndir vorar á líkama sínum upp á
tréö, til þess aö vér skyldum, dánir frá syndunum, lifa
réttlœtinu. Fyrir Hans benjar eruð þér lœknaöir.
(i. Pét. 2:24)
Hann uppfyllti allan Guðs vilja með því að safna
okkur saman í Föðurhúsin eilífu, sem erfingjar í hlýðn-
inni við Guðs elsku. Þar lýtur allt Honum í óforgengi-
legri sköpun. Honum, sem er allt í öllu. - Dýrð sé
Guði —.
Guð talaði við Jósep:
Jósep sonur Davíðs, óttast þú ekki að taka til þin
Maríu, konu þína, því aÖ fóstur hennar er af Heilögum
Anda. Og hún mun Son ala og skalt þú kalla Nafn
Hans Jesús, því að Hann mun frelsa lýö sinn frá synd-
um þeirra. (Matt. 1:20-21)
Konungur dýrðarinnar var kominn á jörðina til að
leiða lýð Guðs heim, verða þeim vegurinn til lífsins.
Spyrjum eftir Gyðingakonunginum og veitum Honum
lotningu, með því að vera Hans vinir. Leyfum Honum
að ríkja í lífi elsku sinnar.
Fljótlega urðu þeir, sem Drottinn hafði falið að flytja
og verja erindi sitt, að leggja á flótta. Hann var strang-
ur flótti ísraelsmanna er þeir fóru burt frá Egyptalandi,
undan ánauð og valdi heimsyfirráðanna. Nú lá flóttinn
frá Betlehem til Egyptalands, því að heiðnin hefur allt-
af ofsótt hið fullkomna, Lífið. Blindnin loðir enn við
í hinni gömlu veröld. En kærleiksdýrð Guðs gefur
hið fullkomna í okkar Immanúel - Guð er með oss.
Gleðileg Jól.
Hin sanna frelsisgleði var komin. En hefur hún feng-
ið framgang? Er Guðsríkið veruleiki? Er Guðssonur-
inn verkandi í sínum vilja með hverjum og einum?
Hann gaf öllum rétt til að verða Guðs börn og í þeim
rétti höfum við líf og nægtir. Jesú Kristi er gefið vald,
heiður og ríki, svo að Honum skuli þjóna allir lýðir,
þjóðir og tungur.
En ríki, vald og máttur allra konungsríkja, sem und-
ir himninum eru, mun gefiö veröa Heilögum lýö Hins
Hœsta. Ríki Hans mun verÖa eilíft ríki, og öll veldi
munu þjóna því og hlýöa. (Dam'el y:2j)
Daníel spámaður Guðs, sem var herleiddur fangi í
ríki Belsasars konungs í Babýlon, dreymdi draum og
sá hvernig ríki veraldarinnar voru sem villidýr í augum
Guðs. Honum voru birt endalok þeirra þjóða, er
ávallt stóðu í gegn Orði Guðs, er Hann gaf sínum
lýð, sem þekkti sitt verk: Að kunngera þann Guð er
þeir máttu öðlast líflð og sigurlaun fyrir. Spámaðurinn
hafði fyrirfram fengið að vita Guðs vilja, svo hann
gat framgengið í honum með djörfung, viss um hvað
Drottinn Guð vildi opinbera í sigri til sinna elskuðu.
Daníel var öruggur um að hann tilheyrði Ríki hins
eilífa valds og vissi líka að öllum öðrum ríkjum er
settur takmarkaður tími. Þess vegna ættu allir að stunda
á hið varanlega eilífa Ríki og vita sig heimamenn
Krists Jesú. Þar er ekki um neina óvissu að ræða.
Það kemur við suma þegar þeir eru spurðir: Hvert
ertu að fara? Við spurningunni er eitt svar: Þeim sem
ég hlýði, þjóna ég. Honum fylgi ég.
Sýnirnar er Daníel sá, voru um Himnaríkið og heim-
inn. Allir sem gáfu sér tíma til að gefa gaum að
opinberununum, þurftu því ekki að vera í neinum
vafa um hvaðan þær voru komnar. Máttur og vald
manna gat ekki brotið niður þessi fjögur stórveldi
heims. Daníel spámaður gaf sig því óttalaust undir
vald Guðsríkisins.
Og hvílík undur Guðs elsku, að opinbera hrun þess-
ara fallandi ríkja, sem treystu sjálfum sér og eigin
skurðgoðum, en þekktu ekki almáttugan Guð Skapara
sinn. En er ekki eitthvert þessara ríkisvalda við lýði nú
á dögum? Stríðsvopn eru enn í hávegum höfð meðal
þjóða eins og sigurinn fáist með þeim. Gleymum ekki
hver valdið hefur á himni og jörðu og hver „Ríkiserf-
inginn“ er.
Hans vald er eilíft vald, sem ekki ska/ undir lok líöa,
og ríki Hans skal aldrei á grunn ganga.
(Daníel y.14)
Þetta er þrá og vilji Guðs. Vinnum því að hinum
eilífa og sanna fögnuði sem er fullkominn.
Ekki gef égydur, eins og heimurinn gefur.
(Jóh. 14:27)
Við megum ekki binda hug og hjarta við heiminn
sem fyrirferst, því allt í honum er til falls. Verum vak-
andi í hinu sanna, sem allt gefandi hönd Drottins
réttir fram í fullkominni eilífri sælu.
Biðjum að elska Guðs beri ávöxt með okkur í hlýðn-
inni við vilja Hans með trúnni er Guðssonurinn gefur.
Vinnum að þeim verkum sem Hann í kærleika sínum
hefir okkur fyrir lagt.
Náðin Drottins Jesú sé með hinum heilógu.
(Opinb. 22:21)
Guörún Jónsdóttir.