Læknablaðið : fylgirit - 01.06.2010, Blaðsíða 4
félagsins er framtíð þess björt. Það er von okkar
í stjórn Taugalæknafélags Islands að við lok setu
okkar verði starfsemi félagsins áfram öflug svo það
geti haldið áfram að dafna. Uppgangur félagsins
stendur þó og fellur með þroska, áhuga og aðkomu
félagsmanna að starfseminni.
Ritnefnd fannst við hæfi að gera grein
fyrir þróun taugalækninga erlendis. Sigurjón B.
Stefánsson var því fenginn til að skrifa slíkt ágrip
enda áhugamaður um sögu læknisfræðinnar.
Færum við honum bestu þakkir fyrir.
Sagnaritun er kostnaðarsamt verk og hefði ekki
tekist nema fyrir velvilja nokkurra lyfjafyrirtækja
sem sýndu málinu mikinn skilning. Við viljum
þakka eftirfarandi aðilum góðan stuðning:
Boehringer Ingelheim, Lundbeck, UCB, Sanofi
Aventis, Glaxo Smithkline og Eisia. Þá var ákveðið
að taka upp félagsgjöld í fyrsta sinn í sögu félagsins
til að standa straum af hluta kostnaðarins.
Ennfremur færum við Inger Helene Bóasson
ljósmyndara sérstakar þakkir, en hún reyndist
okkur stoð og stytta við öflun mynda í eigu
Landspítala sem tengjast taugalækningadeildinni.
Einnig þökkum við Kristínu Hauksdóttur hjá
Ljósmyndasafni Reykjavíkur fyrir aðstoð við
söfnun mynda og Jóhanni M. Haukssyni lækni fyrir
myndatöku af kollegum. Sérstakar þakkir fyrir
veitta aðstoð fá taugalæknarnir Sverrir Bergmann
og Asgeir B. Ellertsson, hjúkrunarfræðingarnir
Guðrún Elíasdóttir og Jónína Hafliðadóttir, Eiríka
Urbancic skrifstofustjóri taugalækningadeildar og
Runólfur Pálsson nýmalæknir. Þakkir fá einnig
þeir sem sátu með mér í ritnefnd verksins.
Sérstakar þakkir færum við Erlu Dóris Halldórs-
dóttur sagnfræðingi fyrir að taka verkefnið að sér.
Það er ekki heiglum hent að skrifa um félag með
50 ára sögu og fáar heimildir. Erla hefur unnið
óeigingjarnt starf þar sem tími og fjármagn voru
takmarkandi þættir. Þessi bók er hins vegar góður
grunnur sem mun án efa nýtast okkur um ókomin
ár. Að lokum vonast ég til að lesendur hafi gagn
og gaman af sögu taugalækninga á íslandi og
að með því að líta yfir farinn veg glæðist áhugi
félagsmanna og gagnist félagi okkar í framtíðinni.
Albert Páll Sigurðsson
4 LÆKNAblaðið 2010/96 Fylgirit 64