Læknablaðið : fylgirit - 01.06.2010, Blaðsíða 85
]arl Alarik Hagelstam.
Erkki Kivalo.
Urho Kekkonen.
Viðurkenningarorða
þeirra, sem hlutu
Alþjóðlegu Lenín
verðlaunin jyrir að efla
frið meðal þjóða.
hefði veitt fjóra stóra laxa, en í raun mun hann lítið
sem ekkert hafa getað tekið þátt í veiðunum vegna
heilsunnar. Myndir, sem birtust af honum, þegar
samferðamenn hjálpa honum upp í flugvélina á
leið heim frá íslandi, vöktu grunsemdir. Astandinu
var ekki lengur haldið leyndu, og í október 1981
sagði Kekkonen af sér af heilsufarsástæðum.
I læknisfræðilegu áliti, undirrituðu af Pentti
Halonen (1914-1983), prófessor í lyflæknisfræði
við Háskólann í Helsinki og Erkki Kivalo,
var ástæða afsagnarinnar sögð vera vaxandi
einkenni almennrar æðakölkunar (arteriosclerosis
universalis).74 Líklegt er, að vitræn skerðing hafi
stafað af mörgum litlum heilaslögum vegna
kölkunar heilaæða - vascular dementia. Tveimur
árum áður en Kekkonen sagði af sér, voru honum
veitt alþjóðleg friðarverðlaun Leníns. Banamein
Vladímír Leníns hafði verið það sama og
Kekkonens, en sjúkdómurinn kom fyrr fram hjá
Lenín og gekk hraðar fyrir sig. Lenín var aðeins 53
ára gamall, þegar hann lést.
Rússland og Sovétríkin — Framtíð
mannkyns var svo björt75 76
Vladímír Iljítsj Úljanov (B;ia/uiMiip Mjiiai'i YjibHHOB
1870-1924),77 öðru nafni Lenín, fæddist í bænum
Símbírsk í Rússlandi árið 1870.78 Foreldrar hans,
Ilja Níkholajevítsj Úljanov (LIjii,h HnKOJiacmm
y.ibHHOB 1831-1886) og Maríja Aleksandrovna
Blank (Mapna A.neKcanApoBiia Bjiuhk 1835-1916),
voru vel menntaðir og sæmilega efnum búnir.
Þau hjón áttu fimm böm, og var Vladímír þriðja
bam þeirra. Ættarsaga Leníns er flókin. Rætur
föðurættarinnar lágu í Nízhníj Novgorod við
Volgubakka (borgin kallaðist seinna Gorkíj). Þar
kom saman fólk af margvíslegu þjóðerni. Föðurafi
Leníns var af rússneskum ættum, en föðuramma
hans var líklega Kalmyki eða Kírgízi. Föðurafinn
lést um fimmtugt, líklegast úr heilaslagi, og faðir
Leníns dó 55 ára einnig úr slagi. Móðurfaðir
Leníns var læknir af gyðingaættum, en hann
hafði kynnst eiginkonu sinni, þegar hann var við
læknisfræðinám í St. Pétursborg. í hennar æðum
rann þýskt blóð og sænskt. Aleksandr, bróðir
Leníns, var fjórum árum eldri en hann. Aleksandr
var tekinn af lífi vorið 1887, 21 árs gamall, vegna
þátttöku í samsæri gegn keisaranum, en hann
var þá við líffræðinám í St. Pétursborg. Þessi
atburður hafði djúp áhrif á fjölskylduna. Haustið
1887 hóf Lenín nám í lögfræði við háskólann í
Kazan, en hann var rekinn úr skólanum strax í
árslok. Ekki er vitað til þess, að Lenín hafi brotið
af sér, líklegra er, að skólayfirvöldum hafi ekki
litist á að hafa bróður nýlíflátins samsærismanns
í skólanum. Lenín lauk lögfræðiprófi utanskóla
frá háskólanum í St. Pétursborg 22 ára gamall. Á
háskólaárunum vaknaði áhugi hans á að umbylta
LÆKNAblaðið 2010/96 Fylgirit 64 85