Bæjarins besta - 04.01.2007, Qupperneq 7
FIMMTUDAGUR 4. JANÚAR 2007 7
Segir viðurkenninguna eina þá
mikilvægustu sem hann hefur hlotið
Bæjarlistamaður
Pétur Tryggvi Hjálmarsson,
gull- og silfursmiður, var á
laugardag útnefndur bæjar-
listamaður Ísafjarðarbæjar.
Bættist hann þar í góðan hóp,
en áður hafa hlotið nafnbótina
þau Elfar Logi Hannesson
leikari, Reynir Torfason mynd-
listarmaður, Jón Sigurpálsson
myndlistarmaður og safn-
vörður, Harpa Jónsdóttir rit-
höfundur og kennari, Vilberg
Vilbergsson rakari og tónlist-
armaður og Jónas Tómasson
tónskáld.
Pétur Tryggvi er fimmtugur
Ísfirðingur sem yfirgaf sínar
heimaslóðir á áttunda áratugn-
um þegar hann hélt í nám í
gull- og silfursmíði. Fyrir átta
árum sneri hann aftur í heima-
hagana eftir langa búsetu er-
lendis og kom á fót verkstæði
innarlega í Skutulsfirði. Bæj-
arins besta spjallaði við Pétur
í tilefni hinnar nýju nafnbótar,
sem hann segir eina mikil-
vægustu viðurkenningu sem
hann hefur fengið. Og hefur
hann fengið þær nokkrar.
Duglegt klapp
á bakið
– Hvaða þýðingu hefur út-
nefning sem þessi fyrir þig?
„Þetta er náttúrlega mikill
heiður fyrir mig, fyrst og
fremst. Ég finn kannski ekki
fyrir neinni sérstakri ábyrgð
eða skyldum, heldur meira
fyrir frelsi og hvatningu til að
halda áfram því sem ég hef
verið að gera hingað til, halda
áfram þeirri stefnu og þeirri
línu sem ég hef haldið mér á í
minni listsköpun.
Stundum er tilfinningin eins
og maður sé sá eini sem trúir á
það sem maður gerir og við-
urkenning sem þessi er mikil
lyftistöng. Þetta er duglegt
klapp á bakið.
Það skiptir líka miklu fyrir
mig að þetta skuli vera í mín-
um heimabæ. Það er mjög
stórt og hefur mikið gildi fyrir
mig að mínir sveitungar skuli
hafa trú á því sem ég er að gera.“
Tugir sýninga
um allan heim
Pétur stundaði nám í gull-
og silfursmíði í Reykjavík, en
hélt síðar til Danmerkur þar
sem hann lærði við Guld-
smedelhøjskolen Institut for
Ædelmetal á árunum 1981-
1983. Árið 1985 kom hann á
fót eigin verkstæði ytra og árið
1996 varð hann félagi í Danske
Sølvsmede.
Pétur hefur haldið tugi sýn-
inga í mörgum löndum, meðal
annars í Danmörku, Svíþjóð,
Finnlandi, Japan, Austurríki
og Belgíu. Nokkur erlend söfn
eiga verk eftir Pétur og finna
má silfursmíði hans í fimm
íslenskum kirkjum, þar á
meðal Þingvallakirkju.
Góður endir
á góðu ári
Síðan Pétur flutti aftur á
heimaslóðir hefur hann haldið
tvær sýningar á verkum sínum
í bænum, aðra í Slunkaríki og
hina í Edinborgarhúsinu í fé-
lagi við ljóðskáldið Hlyn Þór
Magnússon („Silfurljóð“).
Starfssvæði Péturs nær þó
langt út fyrir fjörðinn og sýnir
hann og selur mikið af verkum
sínum úr landi. Nú er til að
mynda nýlokið sýningu í
Krónborgarhöll í Danmörku.
Að undanförnu hefur hann selt
mikið þar í landi, en áður voru
mörg af verkum hans keypt
til Japans.
– Heldurðu ekki að þú setjir
upp svo sem eina sýningu á
Ísafirði eða í nágrenni í tilefni
af þessari nýju nafnbót þinni?
„Það er bara alls ekkert
ósennilegt. Þessi útnefning
var góður endir á góðu ári hjá
mér. Það hefur verið töluverð
eftirspurn eftir stærri verkum
frá mér og bæði einstaklingar
og söfn verið að kaupa.“
Fyrsti iðnaðarmað-
urinn í hópnum
Á laugardag bættist Pétur
eins og áður segir í hóp góðra
manna sem gegnt hafa em-
bætti bæjarlistamanns á undan
honum. Þar hafa verið tón-
skáld, myndlistarmenn, tón-
listarmenn, rithöfundur og
leikari. Þetta er þó í fyrsta sinn
sem löggiltur iðnaðarmaður
hlýtur þessa nafnbót.
– Sérðu silfursmíðina sem
iðn eða meira sem listform?
„Það má segja að þetta sé
listiðn. En maður getur líka
spurt sig: Hvað er list? Sjálfur
hef ég töluvert verið í mynd-
verkum. Ég vinn þannig að
mér er ekkert heilagt. Það er
ekkert efni svo ófínt að mér
finnist fyrir neðan mína virð-
ingu að vinna með það og ég
hef komið mjög víða við í
efnisnotkun. Það eina sem
skiptir máli er að maður nái
ákveðinni harmoníu í hlut-
ina.“
Með mikilvægustu
viðurkenningum
Pétur hefur hlotið margar
viðurkenningar og verðlaun í
gegnum tíðina. Árið 1979
fékk hann 1. verðlaun í sam-
keppni Félags íslenskra gull-
smiða og árið 1988 hlaut hann
silfumedalíu Kunsthåndværk-
erprisen. Árið 1999 hlaut hann
1. verðlaun í skartgripasam-
keppni í Japan og ári síðar
hlaut hann 2. verðlaun í Køb-
enhavns Guldmedelaugs kon-
kurrence.
„Í fyrra var ég síðan valinn
í bók danskra silfursmiða þar
sem fjallað var um 20 bestu
silfurverk 20. aldar. Það var
eins og gefur að skilja mikill
heiður, en þessi viðurkenning
sem ég fékk núna á laugar-
daginn skiptir mig síst minna
máli. Hún er mér mjög dýr-
mæt.“
Engin ástæða til að
breyta um stefnu
– Mun þessi viðurkenning
breyta einhverju í þínu lífi og
hafa áhrif á það sem þú hefur
verið að gera?
„Ég veit ekki hvort hún
muni beinlínis hafa einhver
áhrif til breytinga. Þetta er
skrautfjöður í hattinn, og alls
ekki sú lakasta. Þetta er aðal-
lega gleðilegt fyrir mig per-
sónulega, en ég breytist ekkert
og ég ætla bara að halda áfram
því sem ég er að gera. Enda lít
ég líka svo á að hér séu mínir
sveitungar að lýsa ánægju
með mín verk og því er engin
ástæða til að breyta um stefnu.“