Bæjarins besta - 04.01.2007, Page 10

FIMMTUDAGUR 4. JANÚAR 200710
STAKKUR SKRIFAR
Bara bjart framundan?
Stakkur hefur
ritað vikulega pistla í
Bæjarins besta í mörg
ár. Skoðanir hans á
mönnum og málefn-
um hafa oft verið
umdeildar og vakið
umræður. Þær þurfa
alls ekki að fara
saman við skoðanir
útgefenda blaðsins.
Þrátt fyrir það bera
ábyrgðarmenn
blaðsins ábyrgð á
skrifum Stakks á
meðan hann notar
dulnefni sitt.
Áramótaannáll 2006
Árið 2006 gekk í garð, líkt og svo mörg önnur ár
á undan því, með sprengingum og hamagangi. Elstu
menn mundu vart annað eins og var mál manna að
líklega hefðu aldrei í sögu Ísafjarðarbæjar verið
sendir jafn margir flugeldar á vit puðrandi örlaga
sinna í himinhvolfum þeim er tilheyra bæjarfé-
laginu. Aðrar áramótahefðir voru flestar haldnar í
heiðri. Vestfirðingar horfðu á skaupið með öðrum
landsmönnum, vöktu fram á nýársmorgunn, fóru á
brennu og höguðu sér almennt eins og til var ætlast.
Í síðasta tölublaði birtist fyrri hluti fréttaannáls árs-
ins 2006 og hér kemur sá síðari. Gleðilegt ár!
Ný bensínstöð opnaði á Ísafirði í byrjun júlí.
sögn Ævars Einarssonar yfir-
mansavinar en félagið Mansa-
vinir stendur að hátíðinni.
„Sælan gekk alveg frábærlega
vel og það var mikið af fólki
og góð stemmning. Það rættist
vel úr veðri í gær og eftir leið-
indaveðrið á laugardag var
ekki hægt að hugsa sér það
betra á lokadeginum svo allir
fóru heim með sól í hjarta að
loknu sæluslútti.“ Hátíðin
hófst með frumsýningu leik-
félagsins Hallvarðar Súganda
á leikritinu Himnaríki eftir
Árna Ibsen í leikstjórn Rúnars
Guðbrandssonar og tónleik-
unum Skítarokk í skurðinum.
Að vanda var í boði margt til
skemmtunar á hátíðinni meðal
annars kappróður um Vest-
fjarðabikarinn, kassabílarallí,
Sæluhátíð á Sjöstjörnu og að
sjálfsögðu hin árlega mansa-
keppni sem ávallt setur svip
sinn á hátíðina.
galdraseið sem hljómsveitin
er þekkt fyrir, ljós, reykur,
vídeósjó og að sjálfsögðu
magnaður undirleikur Sigur
Rósar, voru þeir klappaðir upp
á svið ásamt öllum tónlistar-
mönnunum og þökkuðu Ísf-
irðingar Sigur Rós kærlega
fyrir heimsóknina.
Evrópumeistara-
mótið í Mýrarbolta
Evrópumeistaramótið í Mýr-
arbolta fór fram í ágúst og var
mál manna að vel hafi tekist
til. Fyrsti leikurinn hófst kl.
10 um morguninn og var spil-
að linnulaust til kl. 19 þegar
úrslitaleik í karlaflokki lauk
með sigri Englanna á Aðskiln-
aðarsamtökum Vestfjarða.
Þátttökumet var sett á mótinu
en 28 lið tóku þátt og mörg
býsna skrautleg, en sum liðin
leggja mikið upp úr búningum
og er hvatt til þess af móts-
höldurum. Eindæma veður-
blíða var á mótsdaginn og því
mikið af fólki sem leit við inn
í Tungudal til að fylgjast með
herlegheitunum, en þó fór að
rigna þegar leið á daginn sem
gerði vellina bara enn betri. Í
lokahófi um kvöldið voru Evr-
ópumeistarar í karla- og kvenna-
flokki krýndir auk þess sem
ýmis aukaverðlaun voru veitt.
Evrópumeistarar karla árið
2006 eru eins og áður segir
Englarnir, kvennaflokk sigr-
aði Gleðisveit Gaulverja-
hrepps. Verðlaun fyrir bestu
búningana í karlaflokki hlutu
Gemlingarnir. Þeir skörtuðu
svokölluðum „hotpants“ og
magabolum og áttu betur
heima á Hinsegin dögum að
margra mati. Búningar Ýs-
anna þóttu bera af í kvenna-
flokki. Lið Langa manga þótti
vera skemmtilegasta liðið,
Vegafram-
kvæmdum frestað
Undir lok júní ákvað ríkis-
stjórnin að fresta vegafram-
kvæmdum til að slá á þenslu í
þjóðfélaginu. Fimm verk í
stærri kantinum voru á áætlun
næstu eitt til tvö árin. Það er
eins og margoft hefur komið
fram framkvæmdir í Mjóafirði
í Ísafjarðardjúpi, Arnkötludal
en einnig í Hrútafjarðarbotni,
Kollafirði í Gufudalssveit og
lagning slitlags á Drangsnes-
vegi. Starfsfólk Vegagerðar-
innar er síður en svo ánægt
með aðgerðir ríkistjórnarinnar
sem sýnir sig í því að á Hólma-
vík, Ísafirði og Patreksfirði
flögguðu starfsmenn fána
Vegagerðarinnar í hálfa stöng
í mótmælaskyni. Stjórnmála-
menn hér vestra hörmuðu
þessar frestanir mikinn. Í
stefnuræðu Geirs H. Haarde,
forsætisráðherra í október,
kom fram að aðgerðir til að
slá á þenslu í landinu hefðu
verið að skila árangri og ýmis
merki væru um að þenslan
væri á undanhaldi. Sökum
þessa var felld úr gildi sú
ákvörðun ríkisstjórnarinnar að
setja ekki af stað um ótiltekinn
tíma ný útboð á framkvæmd-
um.
Act Alone
hátíðin vel sótt
Einleikjahátíðin Act alone
hófst þegar árið var um það
bil hálfnað með einleiknum
The Worst of Eric Bogosian,
sem var afskaplega vel sótt
enda er Eric þessi einhver
merkasti einleikari síðustu ára.
Aðrar uppákomur hátíðarinn-
ar voru sömuleiðis vel sóttar
en boðið var upp á tíu íslenska
einleiki og þrjá erlenda gesta-
leiki. Nýjung á Act alone 2006
var að einnig var boðið uppá
leiklistarnámskeið.
Ný bensínstöð opnuð
Ný bensínstöð opnaði í
byrjun júlí þrátt fyrir að ekki
hafi náðst að klára ýmsa verk-
þætti. Búið var að ákveða að
mikil opnunarhátíð yrði í til-
efni opnunarinnar en ekki varð
af því. Mikill hraði var í fram-
kvæmdunum við bensínstöð-
ina og sögðu talsmenn Olíu-
félagsins að þeir hefðu aldrei
kynnst öðru eins.
Vel heppnuð
Sæluhelgi
Sumarhátíðin Sæluhelgin á
Suðureyri heppnaðist vel að
Sigur Rós á Ísafirði
Hljómsveitin Sigur Rós
bauð Ísfirðingum til sannkall-
aðrar tónlistarveislu í Edin-
borgarhúsinu í júlí og var
veislan ekki bara fyrir eyrun,
því augun voru ekki undan-
skilin í mögnuðu sjónarspili.
Hljómsveitin var á tónleika-
ferðalagi um Ísland. Tónleik-
arnir stóðu í tæpa tvo tíma og
lék Sigur Rós lög af öllum
plötum sínum. Flestum að
óvörum birtist Lúðrasveit Ísa-
fjarðar á sviðið í fullum skrúða
og ætlaði fagnaðarlátunum al-
drei að linna. Blásarakvintett
og strengjakvartett voru að
venju með Sigur Rós í för og
þegar lúðrasveitin bættist við
voru á þriðja tug tónlistar-
manna sem tóku þátt í galdr-
inum. Að loknu stórkostlegu
uppklappslagi, þar sem allt
lagðist á eitt til að brugga þann
Í upphafi árs þykir við hæfi að líta fram á veg og rýna í hina óræðu
framtíð. Það er ekki létt verk. Sumt er auðveldara en annað. Kosið verður
til Alþingis í sumar. Líklegt er að að núverandi flokkar haldi ekki áfram
samstarfi sínu í óbreyttri mynd. Atkvæði ráða því. Ekki sýnast miklar líkur
á því nú að Samfylkingin verði í ríkisstjórn og nánast engar að formaður
Samfylkingar verði forsætisráðherra. Líkur eru á því að enn fækki íbúum
Vestfjarða. Á móti kemur að miklar samgöngubætur eru að verða að veru-
leika, vegir, brú og jarðgöng. Miklar hræringar verða í stjórnmálum al-
mennt. Guðjón A. Kristjánsson og Kristinn H. Gunnarsson munu koma þar
nokkuð við sögu með óvæntri niðurstöðu.
Hvað sem allar völvur landsins láta sér detta í hug verður að segjast að
þessi spá er ófrumleg, en afar líkleg. Ljósið í myrkrinu er, að frá áætlun
Hagstofu 1. október 2006 til 1. desember sama ár fjölgaði íbúum Bolungar-
víkur um 27, urðu 905. Því ber að fagna. Óupplýst er hvort Ástarvikan
hefur átt þátt að máli. En líkt og fyrir ári er áhyggjuefni að þróunin sé stöðug
fækkun. Kraftur íbúanna minnkar og óvíst að bættar samgöngur bæti úr.
Þær létta líf og lund.
Líkast til gengur breytt skipan umdæma lögreglustjóra snurðulaust. For-
mælandi Vesturbyggðar fór mikinn og vildi færa breytingar á pesónulegan
grunn. Nöfn einstakra manna munu ekki ráða því hvernig til tekst. Vilji til
samstarfs, samskiptafærni, samstarf og kunnátta í löggæslustörfum ráða
hvernig til tekst. Víðast hvar er nýjum íbúum fagnað. Breytingin er ein sú
mesta á svið stjórnsýslu á Vestfjörðum í áratug og líkast til lengur. Hún
er að sínu leytinu meiri en sameining sveitarfélaga í Ísafjarðarbæ. Einn
lögreglustjóri er nú á öllum Vestfjörðum í stað fjögurra og eitt 21 manns
lögreglulið tekur við af fjórum mislitlum. Þrír sýslumenn fara ekki lengur
með lögreglustjórn. Ný verkefni eru falin Sýslumanninum á Hólmavík,
að löggilda dómtúlka og skjlaþýðendur. Ekki er vitað hvort og þá hver ný
verkefni verða falin sýslumönnum á Bolungarvík og Patreksfirði.
Aftur að upphafinu. Svo gæti farið að Norðvesturkjördæmi ætti einn
ráðherra í stað tveggja í næstu ríkisstjórn. Vonað er að áhrif þess í ríkis-
stjórn minnki ekki. Oft er talað um stjórnvöld. Sveitarstjórnarmönnum er
það tamt í munni, en eru þó stjórnvöld sjálfir. Ólíklegt er að miklar breyt-
ingar verði á þeirri hlið stjónsýslunnar á Vestfjörðum, en þó sýnast þau
eiga við fjárskort að stríða. Íbúar verða almennt farsælir í störfum og
einkalífi, enda ráða þeir sjálfir nokkru þar um. Fíkniefnavandinn mun
verða til óþurftar líkt og áður, en hugsanlega koma til sögunnar nýjar
aðferðir í baráttunni. Loks er íbúum öllum óskað farsældar á árinu 2007.