Bæjarins besta - 04.10.2007, Blaðsíða 4

FIMMTUDAGUR 4. OKTÓBER 20074
Vegur verknáms við Mennta-
skólann á Ísafirði hefur verið
að aukast jafnt og þétt síðustu
misserin og nú er svo komið
að 32% dagskólanema við
skólann eru í verknámi, alls
95 talsins, og hafa þeir aldrei
verið fleiri. Við skólann er
boðið er upp á nám í vélstjórn,
húsasmíði og stálsmíði til
sveinsprófs og grunnnám í
rafiðngreinum, hár- og snyrti-
greinum, málmiðngreinum,
bíliðna og bygginga- og mann-
virkjagreinum. Enn sem kom-
ið er eru einhverjar greinar
háðar því að lágmarksþátttaka
náist, en flestar eru kenndar í
vetur.
Rík áhersla er lögð á að
verknámið sé í samstarfi við
fyrirtæki á Ísafirði og sem
dæmi um það má nefna samn-
ing milli MÍ og 3X Techno-
logy ehf. sem var undirritaður
nýlega. Samningurinn gerir
nemendum í málmiðngrein-
um kleift að ljúka sveinsprófi
í stálsmíði í heimabyggð eftir
þriggja ára nám í skóla og
starfsþjálfun á vinnustað.
Tryggvi Sigtryggson, sviðs-
stjóri málmiðngreina, og Guð-
mundur Einarsson, sviðsstjóri
vélstjórnar, hafa verið innstu
koppar í búri í verknámskenn-
slu MÍ síðustu árin. Þeir eru
sammála um að
–Hvaða verknám sjáið þið
um við Menntaskólann?
Tryggvi: „Það sem snýr að
mér er málmdeildin, fyrsta og
annað ár sem er grunnnámið,
og svo er það nýjungin sem
við bjóðum upp á í vetur, en
hægt er að ljúka námi í stál-
smíði frá skólanum núna, taka
þriðja árið hérna, og taka
sveinspróf að lokinni starfs-
þjálfun.“
–Og starfsþjálfunina geta
nemendurnir fengið hér á
Ísafirði þá?
Tryggvi: „Já, bæði hjá 3X
Technology og á öðrum vinnu-
stöðum, til dæmis vélsmiðj-
unni Þristi. Þetta er þessi nýj-
ung sem við bjóðum upp á í
málmkennslunni og með henni
er komið framhaldsnám í
málm- og tréiðnaði sem er
mjög gott.“
– Hvað ert þú með á þinni
könnu Guðmundur?
Guðmundur: „Ég sé um vél-
stjórana. Nýlega var gerð sú
skipulagsbreyting við skól-
ann, sem við höfum lengi ósk-
að eftir, að settur var yfirmað-
ur yfir hverri deild verknáms.
Þetta eru svo sérhæfðar grein-
ar að það var þörf á því. Við
bjóðum upp á fyrstu tvö stigin
í vélstjórn hér við skólann og
það tekur tvo vetur að klára
þau. Vélstjóra námið er sam-
tals fjögur stig og þriðja og
fjórða stigið hafa nemendur
vélstjórnar þurft að klára ann-
ars staðar, annað hvort á Ak-
ureyri eða í Reykjavík.
Nú eru breytingar í bígerð
og til stendur að stokka vél-
stjóranámið upp á landsvísu.
Í staðinn fyrir að hafa fjögur
stig yrði náminu skipt í A, B,
C og D hluta, það sem núna er
fyrsta stig dettur út. Menn
byrja þá bara strax á öðru stigi
og eru tvö ár að taka það, eins
og verið hefur ef fyrsta stig er
talið með. Ég sé það fyrir mér
að eftir að þessar breytingar
taka gildi ættum við að geta
ráðið við tvö af þessum nýju
stigum og námslok eru þá
sambærileg við þriðja stig í
dag. Ýmsir áfangar sem nú
eru í þriðja stiginu eru færðir
yfir á C hluta. Þá geta vél-
stjóranemar verið lengur við
nám í MÍ, eða þrjú ár. Nú eru
nemendur sem klára annað
stigið með 750 kW réttindi en
eftir breytingar geta þeir aflað
sér 1500 kW réttinda hér á
Ísafirði. Það eru yfir 2000
hestöfl og það eru orðin nokk-
uð stór skip. Til dæmis er
gamla Framnesið, sem nú
heitir Gunnbjörn, innan þeirra
marka. Ekki er þetta frágeng-
ið, en við hér í skólanum stefn-
um að þessu og ætlum okkur
að framkvæma þetta.“
– Þetta væri mjög jákvæð
þróun ekki satt?
Guðmundur: „Jú, virkilega
og ég get ekki séð annað en að
þetta sé hægt.“
Tryggvi: „Það má nefna það
að núna erum við að samkenna
að hluta málm og vélstjórn.
Þetta er gert í hagræðingar-
skyni, en margir áfangar í
þessum tveimur greinum eru
líkir þannig að námið skarast.“
– Hvernig gengur það?
Tryggvi: „Það gengur ágæt-
lega ennþá.“
Guðmundur: „Þarna eru
saman vélstjórnarnemar og
tilvonandi járnsmiðir og til-
vonandi bifvélavirkjar. Þeir
læra allir sömu rafmagnsfræði
og þurfa allir að fara í sama
grunn um vélar. Við ákváðum
því að steypa þessum brautum
saman í fáeina áfanga, stokk-
uðum þá upp og bjuggum eig-
inlega til nýja áfanga þar sem
nemendurnir geta tekið þenn-
an grunn, án þess að það skipti
máli á hvaða braut þeir eru.
Ég tel að með þessu fái þeir
góða undirstöðu og jafnvel
betri en í öðrum skólum, þar
sem þeir sem halda áfram í
aðrar greinar en vélstjórn klára
einnig fyrsta stigið, eins og
fyrirkomulagið er núna. Þeir
þurfa að taka aðeins meira um
vélar en fá réttindin í bónus,
fyrir utan að þeir hafa bara
gott af þessu.“
– Eru nemendurnir sáttir
við þetta fyrirkomulag?
Guðmundur: „Já, þeir eru
mjög ánægðir með það.“
Tryggvi: „Þetta er ákveðinn
kostur, en fer nokkuð eftir
fjölda nemenda í verklegum
greinum hverju sinni.
Það er ár og tíð síðan við
útskrifuðum síðast iðnnema
eftir gamla kerfinu, meistara-
kerfinu, þar sem framhalds-
námið fór aðallega fram úti í
atvinnulífinu. Þeir sem eru í
stálsmíðinni eru búnir með 2.
ára grunnnám og hafa lokið
við kjarnafögin og eiga bara
eftir sérgreinar stálsmíðinnar.
Þannig er staðan með stál-
smíðabekkinn núna. Það er
því nýjung að stálsmíðanemar
og trésmiðir geti klárað sveins-
prófið hér.“
– Er ásókn í verknám jöfn
eða er hún að aukast?
Tryggvi: „Mér finnst hún
nokkuð jöfn, nema nú bætast
stálsmíðanemarnir auðvitað
við.“
Guðmundur: „Ég var hissa
að heyra það í ræðu skóla-
meistara við setningu skólans
á dögunum hversu stór prós-
enta nemenda skólans eru í
verknámi. Mér finnst það
mjög jákvætt. Við þurfum að
ýta undir verknám vegna þess
að verknám í dag á að vera
álitlegur kostur til að stunda
sína vinnu og líka til að byggja
frekara framhaldsnám á, fyrir
þá sem vilja fara í háskóla.
Verknám er til dæmis alveg
kjörið fyrir þá sem eru að fara
í verkfræði, að ég tali ekki um
vélaverkfræði, tæknifræði og
slíkt.
Það er mikill munur á því
háskólafólki sem er í þessum
greinum sem hafa tekið grunn
á gólfinu og því sem hefur
ekki gert það. Það fólk veit
um hvað málið snýst.“
Tryggvi: „Tæknimennirnir
eiga að vita um hvað málið
snýst. Hér áður fyrr var maður
tæknimaður ef maður var með
sveinspróf í einhverju, en
núna getur maður verið tækni-
maður án þess að hafa unnið
handtak í neinu.“
Guðmundur: „Þeir hjá 3X
segja til dæmis að það sé gíf-
urlegur munur á tæknimönn-
um eftir því hvaðan þeir koma,
hvort þeir hafa einhverja reyn-
slu af verknámi í tæknigrein-
um.“
– Hefur MÍ lagt aukna
áherslu á verknám undanfarin
misseri?
Tryggvi: „Það er vissulega
bryddað upp á nýjungum, til
dæmis hár- og snyrtibrautin
og stálsmíðin, en aukningu
nemenda í verknámi má að
miklu leyti rekja til þessara
nýju greina. En ég held að
umræðan um verknámið hafi
aukist innan skólans og að
hann sé jákvæðari í garð verk-
námsins, ef hægt er að orða
það þannig. Það á greinilega
að leggja aukna áherslu á verk-
nám.“
Guðmundur: „Númer eitt í
að auka veg verknáms er að
hugsa um væntanlega nem-
endur, kúnnana. Þetta er svip-
að og að reka fyrirtæki. Ef við
höfum viðskiptavini reynum
við allt sem við getum til að
veita þeim sem besta þjónustu.
Svo við tökum stálsmiðina
sem dæmi þá var þar til staðar
öflugur hópur sem var kominn
í grunnnámið og ætlaði að
halda áfram. Á því var hægt
að byggja. Síðan koma góðir
aðilar inn í samvinnu við skól-
ann.
Þessi möguleiki að ljúka
sveinsprófi hér fyrir vestan er
orðinn til vegna sameiginlegs
átaks skólans, ráðuneytisins
sem stendur á bakvið skólann
og fyrirtækja og félaga hér í
bænum.
Hvað hugmyndir um að
auka vélstjóranámið hér varð-
ar verður að koma fram að við
ætlum auðvitað að reyna að
vera í samstarfi við fyrirtækin
í bænum, eins og við höfum
alltaf gert. Við höfum getað
gengið í skipin sem liggja hér
í höfninni eins og hver önnur
skólaskip. Þá hefur Orkubúið
verið boðið og búið að veita
okkur aðstoð, við höfum alla
tíð getað gengið að því vísu.
Þetta góða samstarf verður til
þess að auka fjölbreytni og
sparar okkur einnig kostnað
við tæki og tól. Það hefur alltaf
verið auðsótt mál að fá lánuð
sérhæfð verkfæri og allt þar
fram eftir götunum.“
–Eruð þið að kenna eitthvað
sem er ekki í boði annars stað-
ar á landinu?
Tryggvi: „Eftir því sem ég
kemst næst er þetta eini skól-
inn á landinu sem býður upp á
framhaldsnám í stálsmíði.“
Guðmundur: „Þetta er því
einstakt og við getum beint
ungu fólki sem hefur verið í
grunndeild málmiðngreina til
okkar. Hér fær það persónu-
lega kennslu í góðum skóla
þar sem er góð heimavist og
allt til alls.“
– tinna@bb.is
Verknám á að vera álitlegur kostur
Tryggvi Sigtryggsson
og Guðmundur Einarsson.