Bæjarins besta - 04.10.2007, Blaðsíða 14
FIMMTUDAGUR 4. OKTÓBER 200714
Sumrinu lokið og
vetrarstarfið að hefjast
Nú þegar sumarvertíð ís-
firskra fótboltakappa, á öllum
aldri og af báðum kynjum, er
lokið og vetrarstarf félagsins
að fara af stað þótti tilvalið að
ræða við Svavar Þór Guð-
mundsson, formanns Boltafé-
lags Ísafjarðar. Viðtal þetta
var tekið seint í ágúst þegar
sameinað lið BÍ og Bolungar-
víkur atti kappi við Hugin um
laust sæti í 2. deild á næstu
leiktíð, og áður en æfingar
yngri flokka hófust á ný eftir
hlé.
Horft til enn
frekara samstarfs
– Sumarstarf Boltafélagsins
gekk prýðisvel og þótti árang-
ur yngri flokka félagsins sér-
staklega góður.
„Sumarið hefur í raun geng-
ið framar öllum vonum. Meist-
araflokkur karla, sem við
höldum úti í samstarfi við
Ungmennafélag Bolungarvík-
ur, er núna að spila um síðasta
lausa sætið í annarri deild og
það er nokkuð langt síðan þeir
komust í þá stöðu. Það gekk
að vísu ekki alveg eins vel hjá
meistaraflokki kvenna, en
þetta er bara annað sumarið
síðan honum var komið á fót
og það má líta á það þannig að
það sé afrek út af fyrir sig að
halda úti meistaraflokki kvenna.
Það hefur verið svolítið erfitt
og við höfum átt í erfiðleikum
með mannskap en við lítum
björtum augum til framtíðar
enda þurfa yngri iðkendur að
hafa einhvern endapunkt á fót-
boltaferlinum og eitthvað til
að keppa að.
Almennt má segja að við
skiptin úr 3. flokki í 4. flokk
sé komið að ákveðnum vendi-
punkti hjá knattspyrnumönn-
um og –konum. Þá þarf að
ákveða sig hvort halda eigi
áfram í fótboltanum af ein-
hverri alvöru eða bara sleppa
þessu, og við höfum verið að
sjá brottfall á þessum tíma,
hjá báðum kynjum. Og við
erum ekki það mörg að við
megum við mikilli blóðtöku,
og þess vegna hafa 3. flokkar
verið veikir fyrir. Þá hefur 2.
flokkur ekki verið til fyrr en
síðasta vetur þegar við fórum
að halda honum úti með Bol-
víkingum. Hann æfir á sama
tíma og meistaraflokkur, og
hefur verið að gefa mikið upp
í meistaraflokk.
Samstarfið með Bolvíking-
um hefur gengið mjög vel og
gerir okkur kleift að halda úti
kraftmeira starfi. Við erum
farnir að vinna með þeim al-
veg niður í fjórða og jafnvel
fimmta flokk. Bæði við í
Boltafélaginu og Bolvíkingar
gerum okkur grein fyrir því
að það er ómögulegt að halda
úti kröftugu starfi án þess að
vinna með þeim sem eru í
kringum okkur.
Þetta samstarf hefur skilað
því að við erum að fá stærri
hópa og við erum að fá sterkari
lið. Þetta eykur breiddina al-
veg hiklaust og býður upp á
ýmis tækifæri sem aukast nátt-
úrlega enn frekar þegar göngin
verða komin. Þá verður auð-
veldara fyrir okkur að sækja
æfingar hjá þeim og öfugt.
Hér á Ísafirði er íþróttahúsið
fullsetið og við getum ekki
boðið upp á meira en tvær
æfingar á viku yfir vetrartím-
ann, sem er einfaldlega alltof
lítið. Með því að starfa með
UMFB og hafa hluta æfing-
anna í Bolungarvík getum við
boðið upp á jafnvel tvær æf-
ingar til viðbótar í hverri viku
að því gefnu að bæjaryfirvöld
og yfirmenn íþróttahúsa verði
okkur hliðhollir. Ég hef enga
ástæðu til að ætla annars en
að það gangi vel.
Eins og ég segi þá hefur
samstarfið gengið mjög vel
og við horfum til enn frekara
samstarfs, og ég, prívat og
persónulega, vil sjá samruna í
framtíðinni.“
Mjög góður árangur
yngri flokka
„Hápunktar sumarsins í
starfi yngri flokkanna eru án
efa Króks- og Pæjumótin sem
eru haldin á Sauðárkróki og
Siglufirði í ágúst. Þetta árið
voru krakkarnir að standa sig
framar vonum. Ég man þegar
ég var að byrja að fara með
strákinn minn á Króksmót
fyrir nokkrum árum, vorum
við að tapa leikjum með stæl.
Leikirnir voru að fara 13-0 og
svona, og á móti liðum eins
og Tindastóli sem við berum
okkur oft saman við. Síðan lá
leiðin upp á við, töpin urðu
ekki eins óþyrmileg og þegar
strákurinn minn var á eldra
ári í 6. flokki þá gerðu þeir
jafntefli við Tindastól og unnu
þá svo í 5. flokki.
Í ár vorum við með A- og
B-lið í 6. flokki og A-liðið var
til að mynda að leggja Þór frá
Akureyri sem er með eitt efni-
legasta 6. flokks lið á landinu.
Svo töpuðu þeir naumlega fyr-
ir KA í leik um réttinn til að
spila til úrslita, og unnu síðan
leikinn um 3. sætið með fimm
marka mun. B-liðið vann ekki
eins marga leiki, en þeir voru
flestir á yngra ári og voru að
spila við lið eins og FH sem
hefur úr kannski 100 strákum
að velja og er litlu lakara en
A-lið FH. Þá sendum við
blandað B-lið 7. flokks sem
náði 2. sæti í sinni keppni.
Á Pæjumótinu á Siglufirði
voru stelpurnar mjög flottar.
Þar byrjaði 4. flokkurinn að
vísu hægt, en fór svo upp á
við og landaði góðum sigrum
þegar á leið. 5. flokkur stóð
sig frábærlega og var mjög
nálægt því að spila um 3. sæti
á mótinu. Þær voru jafnar Þór
að stigum, en Þórsstelpur
höfðu skorað einu marki
meira, og okkar stelpur end-
uðu þess vegna í 6. sæti. Hjá
6. flokki var sama sagan og
hjá þeim 4., þær byrjuðu hægt
en tóku sig síðan á og náðu
nokkrum góðum sigrum.
Þetta sýnir það að við erum
farin að geta borið okkur sam-
an við stærri landsbyggðar-
liðin, sem ég held að við
hefðum ekki getað fyrir nokk-
rum árum. Við eigum hins
vegar nokkuð í land með að
ná stóru liðunum á höfuðborg-
arsvæðinu.“
Erfiðleikar í
þjálfaramálum
„Nú er vetrarstarfið að fara
af stað og eitt af því sem við
ætlum að bjóða upp á eru æf-
ingar með 8. flokki. Þar spila
stelpur og strákar á tveimur
efstu árunum í leikskóla. Við
stefnum á að hafa tvær æfingar
í viku, ókeypis fyrir þátttak-
endur. Þetta er miklu meiri
leikur en hjá hinum flokkun-
um og æfingarnar miða að því
að þjálfa upp hreyfiþroska.
Þarna eru alls konar leikir, eins
og stórfiskaleikur og annað
sem getur hjálpað til í fótbolt-
anum.
Þjálfaramál eru ekki ennþá
komin á hreint fyrir veturinn,
en þetta hefur verið sama
vandamálið á hverju ári. Málið
er að við missum svo til alla
eftir tvítugt sem annað hvort
hætta að æfa, fara suður í
háskóla eða fara jafnvel annað
til að spila fótbolta. Við höfum
þurft að reiða okkur á unga
krakka sem eru að spila í
meistaraflokki, sem er slæmt
því þeirra dagskrá með meist-
araflokki skarast oft á við
yngri flokka starfið og oft eru
leikir á sama tíma á mismun-
andi stöðum á landinu. Þau
eru að gera sitt besta í þjálfun-
inni og er það þakkarvert en
þessi skörun er ekki nógu góð.
Þetta er erfitt, en okkur
hefur ekki boðist neitt annað.
Aðalvertíðin er um sumarið
og þá er verið að fara í mót
um helgar. Þetta er tíminn
þegar fólk vill fá að vera í fríi
og það fólk sem við höfum
helst viljað fá, þ.e.a.s. foreldr-
ar sem voru að æfa fótbolta á
sínum yngri árum, hefur ekki
fengist í þetta.
Þess vegna höfum við verið
að reyna að ráða einhvern í
hálfa vinnu sem sæi þá alfarið
um þjálfun yngri flokkanna. Í
vor auglýsti ég á landsvísu
eftir slíkum einstaklingi, og
bauðst til að redda honum íbúð
og hálfri vinnu á móti þessari,
en ég fékk ekki eitt einasta
svar.“
Jöfnunarsjóður
myndi hjálpa mikið
– Nú hefur ferðakostnaður
alltaf verið smærri íþróttafé-
lögum á landsbyggðinni mjög
erfiður. Fyrir nokkru var sam-
þykkt að stofna sjóð sem ætti
að jafna þennan kostnað og
koma til móts við þessi íþrótta-
félög.
„Það er búið að samþykkja
stofnun hans og skipa nefnd,
sem Jóhann okkar Torfason
er meðal annarra í, og sjóður-
inn fer vonandi að taka til
starfa. Ég hef ekki heyrt neitt
um greiðslur úr honum ennþá
en við bíðum og vonum.
Þessi sjóður myndi klárlega
breyta miklu fyrir okkar starf,
því hver leikferð sem við för-
um í er að kosta um 300 þús-
und krónur. Núna er 4. flokkur
karla að fara suður í úrslita-
keppni Íslandsmótsins þar
sem þeir spila þrjá leiki á
þremur dögum, og þetta er
ferðakostnaður upp á alls 350
þúsund kall. Þeir hafa nú þegar
farið í þrjár svona ferðir, svo
kostnaðurinn er gríðarlega
mikill. Við höfum því miður
ekki bolmagn til að standa
undir þessum kostnaði, en
reynum að styrkja alla flokka
til þessara ferða með því að
borga fyrir þjálfara og farar-
stjóra, en meira getum við því
miður ekki gert. Þessi krakkar
hafa verið alveg óskaplega
duglegir við að safna pening-
um til að niðurgreiða ferðirnar
og það gerir þeim kleift að
komast þetta.
Aðstöðumunur okkar og
liðanna fyrir sunnan er svaka-
lega mikill. Til dæmis í þessari
úrslitakeppni, þá þurfa okkar
strákar að borga þennan pen-
ing, en hinum liðunum nægir
að labba á völlinn eða taka
strætó. Jöfnunarsjóðurinn
mun aldrei laga þennan að-
stöðumun alveg, en samt sem
áður verður þetta kærkomin
hjálp fyrir okkur. Ef við fáum
10% ferðakostnaðarins til
baka munar það strax miklu.“
Lagt af stað inn í
veturinn
„Núna er sumarstarfinu að
lokið hjá okkur og flestir
flokkar fara í frí í september.
Svo byrjum við aftur að æfa
fljótlega, yngri flokkarnir fara
strax inn í íþróttahús en þeir
eldri æfa á gervigrasinu eitt-
hvað áfram. Um leið og menn
eru farnir inn í hús eru þeir í
rauninni farnir að æfa allt aðra
íþrótt. En inniæfingar á vet-
urna eru sniðugar til að þjálfa
upp tækni, sem síðan nýtist
þegar þú ert kominn út á grasið
á vorin.
Við hefjum okkar vetrar-
starf með uppskeruhátíð sem
verður auglýst fljótlega. Að
henni lokinni munum við
leggja af stað inn í veturinn af
fullum krafti því að fótboltinn
er ekki lengur bara sumar-
íþrótt. Ef við lítum þannig á
drögumst við aftur úr hinum
liðunum á ný.“
– halfdan@bb.is