Bæjarins besta - 04.10.2007, Blaðsíða 18

FIMMTUDAGUR 4. OKTÓBER 200718
Mannlífið
Netspurningin er birt vikulega
á bb.is og þar geta lesendur látið
skoðun sína í ljós. Niðurstöðurnar
eru síðan birtar hér.
Smáauglýsingar
Sigríður Ragnarsdóttir og
Jónas Tómasson búa í Smiðju-
götunni á Ísafirði, í húsi sem
eitt sinn hýsti Tónlistarskóla
Ísafjarðar.
– Hvað er húsið gamalt?
„Einhversstaðar stendur að
það sé byggt 1923, en yfirleitt
er miðað við að byggingarárið
sé 1924. Annað hús stóð á
lóðinni hér á undan, en það
brann og þá var þetta hús flutt
til Íslands frá Noregi og byggt
á gamla grunninum. Þetta er
sem sagt eitt af þessum norsku
húsum sem voru sett saman
hér á Íslandi.“
–Hvað eruð þið búin að eiga
heima hér lengi?
„Við fluttum inn 1993. For-
eldrar mínir fluttu hingað inn
1952. Þá átti Tónlistarfélag
Ísafjarðar húsið. Það var mað-
ur að nafni Jón Samúelsson
Eðvald sem byggði húsið og
hann seldi það Þorleifi Guð-
mundssyni, föður Þórhildar
Þorleifsdóttur leikstjóra, en
hún fæddist hér í húsinu.“
–Það hafa þá ekki búið
margir í þessu húsi þrátt fyrir
að það sé orðið svona gamalt?
„Nei, eins og ég sagði þá
fluttu foreldrar mínir hingað
inn 1952. Þau keyptu húsið af
Tónlistarfélaginu og svo keypt-
um við Jónas húsið þegar
mamma dó 1993.“
– Er húsið í sinni uppruna-
legu mynd, eða hefur eitthvað
verið byggt við það?
„Árið 1932 var byggð út-
bygging við aðrar útidyrnar,
en það eru einu stóru breyt-
ingarnar sem hafa verið gerð-
ar. Í sumar létum við svo
breyta einum stofuglugganum
í hurð til að komast út í garð-
inn.“
– Hafið þið unnið mikið að
því að gera húsið upp?
„Nei, ekki svo mikið, næst
á dagskrá er að gera stofuna
upp, en við höfum bara verið
í viðhaldi eins og að skipta
um ofna og þess háttar. En
það stendur til að klæða húsið
að utan.“
– Hvernig finnst ykkur að
búa í svona gömlu húsi?
„Það er rosalega gott, ég
kann voða vel við það. Þetta
er auðvitað húsið sem ég ólst
upp í. Það er svolítið sérstakt
að flytja aftur inn á gamla
heimili sitt, mér finnst það
mjög notalegt.
Það er samt þannig að í
gömlu húsi sem þessu þyrfti
að búa fólk sem er flinkt í
höndunum og getur lagað hitt
og þetta eftir þörfum. Það þarf
heilmikið að dytta að í svona
gömlum húsum og við finnum
fyrir því að hvorugt okkar
hefur kunnáttu til þess.“
– Hverjir eru kostirnir?
„Það er góður andi í húsinu
og því fylgir mikil saga, hér
er hlýlegt og viðkunnanlegt
að búa.“
–En gallarnir?
„Það eru kannski ekki beint
neinir gallar, en mesti vandinn
við að búa í gömlu húsi er að
það krefst mikils viðhalds.
Síðan þarf að passa upp á það
þegar breytingar eru gerðar
að þær séu í sama stíl og hús-
ið.“
– Finnið þið fyrir því að
Ísfirðingar fylgist með gömlu
húsunum á Eyrinni?
„Nei, ekki sérstaklega, það
hefur enginn agnúast út í það
að við höldum húsinu ekki
nógu vel við eða neitt þannig“,
segir Sigríður hlæjandi. „Það
er helst að ferðamannahópar
stoppi hérna, og ekki bara við
okkar hús heldur öll húsin hér
í kring. Ferðamönnum finnst
mörgum áhugavert og gaman
að koma í þetta gamla hverfi.
Það er ekkert algengt á Íslandi
að til séu heilu hverfin sem
eru nánast bara byggð göml-
um húsum. Það hefur heil-
mikið verið unnið í húsunum
hér á Eyrinni á undanförnum
árum. Mörg eru því orðin
mjög falleg.“
– Húsinu fylgir dálítill garð-
ur ekki satt?
„Jú, við erum með svolítið
villtan og skemmtilegan garð.
Þegar ég var barn var talið að
ekki væri hægt að láta neitt
vaxa hér á Eyrinni. Hér væri
enginn jarðvegur og lóðirnar
væru bara þaktar sjávarmöl.
En það er löngu búið að af-
sanna það, garðarnir hér eru
mjög blómlegir og hægt að
láta ýmislegt vaxa. Við erum
til dæmis með rósir og hegg
og allt vex mjög vel, en auð-
vitað er búið að moka heil-
mikilli mold á lóðirnar. Menn
voru ekkert að rækta í görðun-
um hjá sér og voru eitthvað
ragir við að gróðursetja í mörg
ár. Það hefur orðið viðhorfs-
breyting allstaðar í samfélag-
inu.“
– Hvað finnst ykkur merki-
legast við sögu hússins?
„Tónlistarskólinn var í hús-
inu til fjölda ára. Hér fór kenn-
sla fram og samæfingar, tón-
leikar, kóræfingar og fleira.
Saga hússins er því sérstök að
því leytinu til og spilaði vænt-
anlega stórt hlutverk í því að
mælt hefur verið með því að
húsið verði friðað, en það var
gert í kjölfar húsakönnunar
sem var gerð fyrir nokkrum
árum hér í bænum.“
– tinna@bb.is
Gott að búa í gömlu húsi
Á Ísafirði má finna fjölmörg gömul og falleg hús og á hvert og eitt þeirra langa sögu
að baki. Bæjarins besta hitti eigendur eins þeirra og spurði þá fáeinna spurninga um húsið.
Biðst afsökunar á að hafa sent SMS í nafni Ólínu
Nemandi Menntaskólans á Ísafirði hefur sent blaðinu opinbera afsökunarbeiðni til Ólínu Þorvarðar-
dóttur fyrir að hafa sent nemendum textaskeyti í farsíma undir hennar nafni í tengslum við óvissuferð
nemenda, eins og greint var frá í fjölmiðlum. Afsökunarbeiðnin er svohljóðandi. „Undirritaður vill
koma á framfæri innilegri afsökunarbeiðni til dr.Ólínu Þorvarðardóttur fyrrverandi skólameistara á Ísa-
firði. Föstudaginn 19.september s.l. sendi undirritaður SMS skeyti til hóps nemanda í Menntaskól-
anum á Ísafirði og lét líta svo út sem það hafi verið sent úr símanúmeri Ólínu. Sá gjörningur var hörmu-
leg yfirsjón og verður ekki réttlættur á nokkurn hátt. Með vinsemd og virðingu. Gunnar Atli Gunnarsson.“
Til leigu er lítið einbýlishús í
Hnífsdal. Húsið er búið húsbún-
aði og húsgögnum og leigist til
1. júní. Húsið leigist í mánaðar-
leigu og best væri að fá einn
leigjanda allan tímann en styttri
tímabil koma til greina. Húsa-
leiga er kr. 50 þús. á mánuði
með hita og rafmagni. Uppl. í
síma 869 4566 (Erna).
Er með til sölu Royal Canin
hunda- og kattafóður, Plush
Puppy hundasnyrtivörur og
margt annað til gæludýrahalds.
Uppl. gefur Gerður í síma 863
8353.
Til sölu er hornbaðkar með
nuddi. Einnig sturtuskilrúm úr
gleri. Uppl. í síma 456 4584.
Íbúð óskast til leigu á eyrinni á
Ísafirði frá og með 15. desem-
ber. Uppl. í síma 849 8699.
Alls svöruðu 497.
Já sögðu 173 eða 35%
Nei sögðu 271 eða 55%
Óvíst sögðu 53 eða 10%
Spurning vikunnar
Ætlar þú í haust-
ferð til útlanda?
Á morgun, föstudaginn 5.
október kl. 16 verður sýn-
ingin „Nær en blærinn“
opnuð í Safnaðarheimili
Ísafjarðarkirkju. Sýningin
samanstendur af 30 vatns-
litateikningum eftir lista-
konuna SeSeliu og hefur
hver mynd sitt heiti. Við
opnunina verður boðið
upp á meðlæti. SeSelia
leggur aðaláherslu á sjálft
myndefnið sem hver og
einn túlkar út frá sinni
eigin reynslu og upplifun.
Myndefnið höfðar til þess
sem mannkynið á sameig-
inlegt, þ.e. tilfinningar, og
er því alþjóðlegt. Myndirn-
ar eru ekki til sölu og er
aðgangur ókeypis. Sýningin
stendur yfir til loka
otkóber. Styrktaraðilar
sýningarinnar eru Vest-
fjarðadeild RKÍ, JC Ísa-
fjörður, Krabbameinsfélag-
ið Sigurvon, menningar-
málanefnd Ísafjarðarbæjar
og Guðbjörg B. Árnadóttir.
Nær en
blærinn
Ertu orðin(n)
áskrifandi?
Síminn er
456 4560