Bæjarins besta - 14.02.2008, Blaðsíða 20

Stofnað 14. nóvember 1984 · Sími 456 4560 · Veffang: www.bb.is · Verð kr. 300 m/vsk
bb.is – fjölsóttasti vestfirski vefurinn
Byggingarleyfi sumarbústað-
ar í Tunguskógi fellt út gildi
Úrskurðarnefnd skipulags-
og byggingamála hefur fellt
úr gildi þá ákvörðun umhverf-
isnefndar Ísafjarðarbæjar að
samþykkja byggingu sumar-
bústaðar á lóðinni nr. 62 í
Tunguskógi. Nefndin telur að
gefið hafi verið út bygginga-
leyfi á svæði þar sem ekki er í
gildi lögformlegt deiliskipu-
lag og því hefði þurft að
grenndarkynna umsóknina
áður en leyfið var veitt, en
það var ekki gert. Ástæða þess
að Úrskurðarnefndin telur að
ekki sé lögformlegt deili-
skipulag í gildi, er sú að í upp-
runalegum uppdrætti sem
gerður var af svæðinu árið
1960, og hefur verið litið á
sem ígildi deiluskipulags, sé
ekki gert ráð fyrir húsum á
lóðum nr. 62 og 64. Þeim hafi
verið bætt síðar á uppdráttinn
og segir úrskurðarnefndin að
ekki liggi fyrir í málinu að
þær viðbætur hafi fengið stað-
festingu sveitarstjórnar.
Forsaga málsins er sú að
þann 27. október 2004 var
lögð fram umsókn í umhverf-
isnefnd Ísafjarðarbæjar um að
fjarlægja sumarhús af lóðinni
nr. 62 í Tunguskógi og reisa
þar annað hús. Umhverfis-
nefndin lagði til við bæjar-
stjórn að erindið yrði sam-
þykkt.
Þegar framkvæmdir við
byggingu hússins á lóð nr. 62
hófust urðu nágrannar þess
áskynja að húsið væri mun
stærra en gert hafði verið ráð
fyrir. Einnig að lega þess væri
önnur en annarra húsa á svæð-
inu.
Nágrannar sættu sig ekki
við þau svör sem þeir fengu
frá bæjaryfirvöldum og kærðu
málið til Úrskurðarnefndar
skipulags- og byggingamála.
– halfdan@bb.is Sumarbústaðurinn sem um ræðir er fyrir miðri mynd.
Mjög ósennilegt er að
niðurstaða Úrskurðar-
nefndar skipulags- og
byggingamála varðandi
byggingu sumarhús á lóð
nr. 62 í Tunguskógi muni
hafa nokkur áhrif á húsið
sem þar stendur. Þetta
segir Jóhann Birkir Helga-
son, yfirmaður tækni-
deildar Ísafjarðarbæjar.
„Ég held að næsta skref
í málinu sé að endurgera
það skipulag sem hefur
verið unnið eftir síðustu
50 árin og það gert lög-
formlegt“, segir Jóhann
Birkir, en úrskurður nefnd-
arinnar byggist á því að
ekki sé til lögformlegt
deiliskipulag fyrir lóðina.
Því hafi verið nauðsyn-
legt að grenndarkynna
umsókn um byggingar-
leyfi eða fá meðmæli
Skipulagsstofnunar áður
en leyfið var veitt, en
hvorugt var gert. Sumar-
húsið sem um ræðir var
reist fyrir hálfu þriðja ári
eftir að umhverfisnefnd
Ísafjarðarbæjar hafði veitt
leyfi fyrir byggingunni.
– halfdan@bb.is
Ólíklegt að
niðurstaðan
hafi áhrif
Dagur leikskólans var í síðustu viku og af því tilefni var börnum á Eyrarskjóli á Ísafirði boðið í kakódrykkju
utandyra. Kakóið var lagað á eldstæði sem starfsfólk leikskólans hlóð í haust, og stærstu strákarnir á leikskólanum
aðstoðuðu við að moka niður á hlóðirnar. „Við höfum verið mikið með útikennslu að undanförnu og förum með
börnin út í öllum veðrum. Við erum að reyna að efla þau í útiveru, en það er hægt að kenna hvað sem er úti, meira
að segja stærðfræði“, segir Jóna Lind Karlsdóttir, leikskólastjóri á Eyrarskjóli. „Við höfum gert þetta áður, við
buðum upp á útikakó síðasta daginn fyrir jól. Börnin taka þessu mjög vel. Þetta er besta kakó í heimi, miklu betra
að fá það af eldstæði heldur en úr einhverri könnu“, segir Jóna Lind. – halfdan@bb.is
Eldsoðið kakó á Degi leikskólans
Sex hundruð milljónir í framkvæmdir
Rúmlega 450 milljónir fara
í framkvæmdir hjá Ísafjarðar-
bæ á þessu ári, eða 600 millj-
ónir ef bætt er við þátttöku
ríkisins við ýmsar framkvæmd-
ir. Að sögn Halldórs Halldórs-
sonar, bæjarstjóra Ísafjarðar-
bæjar, eru stórar framkvæmdir
framundan í ár og á næstu
árum því þessu til viðbótar er
jarðgangagerð milli Hnífsdals
og Bolungarvíkur, vegagerð í
Ísafjarðardjúpi og undirbún-
ingur jarðganga milli Dýra-
fjarðar og Arnarfjarðar. Munu
þessar framkvæmdir hafa í för
með sér fjölda nýrra starfa og
margfeldisáhrif á samfélagið.
Stærstu framkvæmdirnar
eru undirbúningur sundlaugar
og framkvæmdir við nýbygg-
ingu Grunnskólans á Ísafirði
en þeim á að ljúka í ár og
stefnt er að því að nýja hús-
næðið verði tekið í notkun í
byrjun næsta skólaár. „Þetta
tvennt hljóðar upp á 300 millj-
ónir og að auki fara 100 millj-
ónir í hafnarmálin. Restin deil-
ist svo niður á ýmsar fram-
kvæmdir“, segir Halldór.
Þótt sumar framkvæmdirn-
ar sem um ræðir taka fleiri en
eitt ár segir Halldór að 600
milljónir fari í framkvæmdir
á árinu 2008.
Ný sundlaug, snjófallsvörn
fyrir ofan útihurðir leikskól-
ans Sólborgar og uppsetning
brunastiga við Grunnskólann
á Suðureyri eru meðal fram-
kvæmda sem Ísafjarðarbær
hyggst ráðast í á árinu. Yfir
80 mis umfangsmiklar fram-
kvæmdir er að finna á lista
bæjartæknifræðings, um fram-
kvæmdir Eignasjóðs í Ísa-
fjarðarbæ á árinu 2008, en rétt
er að taka fram að listinn er
ekki tæmandi.
Stærsta framkvæmdin er án
efa 25 metra sundlaug á Ísa-
firði en eins og greint hefur
verið frá verður um 50 millj-
ónum varið í hönnun mann-
virkisins á árinu. Þrátt fyrir
það eru töluverðar viðhalds-
framkvæmdir fyrirhugaðar í
Sundhöllinni á Ísafirði.
Langflestar framkvæmdirn-
ar á listanum tengjast viðhaldi
en þó nokkrar eru að kröfu
Vinnueftirlits ríkisins. Má þar
nefna að koma á upp reyk-
búnaði fyrir bílana á slökkvi-
stöðinni á Ísafirði og laga stiga
niður í kjallara í íþróttahúsinu
á Suðureyri.
– thelma@bb.is
Ljúka á framkvæmdum við nýbyggingu
Grunnskólans á Ísafirði á þessu ári.