Frjáls verslun - 01.04.2015, Blaðsíða 74

74 FRJÁLS VERSLUN 4 tbl. 2015
Hvenær verður
Kópavogsbær að borg?
Þ eim Ólafi Thors, for manni Sjálfstæðis­flokks og þingmanni Gullbringu og Kjós og
síðar Reykja neskjördæmis, og
Finn boga Rúti Valdimarssyni,
þingmanni sömu kjördæma, fyrst
í samvinnu við Sósíalistaflokkinn
(sem hann var aldrei flokksbund -
inn í) og síðar fyrir Alþýðubanda -
lag, var vel til vina. Eitt sinn
spurði Ólafur Rút þessarar
spurn ingar:
Hvernig stendur á því að stjórn­
málaskoðanir fólks breytast,
þegar það fer yfir Fossvogs-
læk? Og vísaði þá til meirihluta
Sjálfstæðisflokks í borgarstjórn
Reykjavíkur en vinstrisinnaðs
meirihluta í hreppsnefnd og síðar
bæjarstjórn Kópavogs.
Þetta er grundvallarspurn­
ing, þegar horft er til pólitískrar
þró unar í Kópavogi en það
sveitarfélag var í upphafi hluti af
Seltjarnarneshreppi. Á því varð
breyting eftir að uppreisnar ­
menn irnir í Kópavogi náðu
um skeið völdum í Seltjarnar­
neshreppi.
Hvert er svarið við þessari
spurningu Ólafs Thors, þegar
horft er um öxl að 60 árum
liðnum?
Mitt svar við þeirri spurningu
byggist ekki á fræðilegum rann ­
sóknum heldur tilfinningu en það
er eitthvað á þessa leið:
Ísland var stéttskipt þjóðfélag
á fyrrihluta 20. aldar. Senni­
lega byggðist sú stéttaskipting
aðal lega á menntunarstigi en
auðvitað kom fleira til. Í bréfum,
sem móðurbræður mínir, sem
voru sjómenn á Vestfjörðum,
sendu ömmu minni hafa þeir
orð á því að börn systur hennar
(sem var föðuramma Halldórs
Blöndals, fyrrverandi ráðherra og
forseta Alþingis) mundu ganga
menntaveginn vegna þess hverj­
um hún giftist – skýring, sem
segir mikla sögu.
Um miðja síðustu öld skipti
pólitísk fyrirgreiðsla líka miklu
máli og var fastur þáttur í starfi
allra flokka. Það hefur áreiðan­
lega átt við um lóðaúthlutanir í
Reykjavík.
Fólkið, sem byggði upp
Kópa vog á fyrstu árunum, hinir
svonefndu frumbyggjar, tilheyrði
áreiðanlega þeim þjóðfélags­
hópum, sem áttu undir högg
að sækja, ýmist vegna minni
menntunar, bágari efnahags eða
vegna pólitískra skoðana, sem
voru minnihlutaskoðanir.
Þetta fólk fann sinn forystu­
mann í Finnboga Rúti, sem hafði
stundað nám í háskólum í mörg­
um Evrópulöndum. Hann varð
þeirra talsmaður og málsvari.
Og af þessum ástæðum gat
það gjörólíka pólitíska viðhorf
sem ríkti í Kópavogi í upphafi
verið ógnun við stöðu Sjálfstæð­
isflokksins í Reykjavík. Það gat
orðið um „smitun“ að ræða,
alveg eins og Evrópusambandið
hefur haft áhyggjur af því að yrði
gengið of langt í tilslökunum við
Grikki gæti það haft „smitandi“
áhrif í öðrum evrulöndum.
Finnbogi Rútur vildi sameina
Kópavog Reykjavík en sagði að
sjálfstæðismenn hefðu hafnað
því af ótta við að slík sameining
mundi hafa áhrif á stöðu Sjálf­
stæðisflokksins í borgarstjórn
Reykjavíkur.
Að sumu leyti voru þau hjón
Finnbogi Rútur og Hulda Dóra
Jakobsdóttir það sem í nútím­
an um er kallað á fjölmiðlamáli
„power couple“, sem kannski
Að sumu leyti voru þau hjón Finnbogi rútur og hulda dóra jakobsdóttir það sem í nútímanum er kallað á fjölmiðlamáli
„power couple“, sem kannski mætti kalla á íslenzku valdateymi. Þessi valdakjarni þeirra stjórnaði Kópavogi í tvo áratugi og
mótaði þá sérstöðu sem bæjarfélagið hefur notið á höfuðborgarsvæðinu frá þeim tíma.
texti: styrMir Gunnarsson
Finnbogi Rútur tryggði
Kópavogsbæ með póli tískri
herkænsku mikið lands­
væði, sem þýðir að það
bæjarfélag hefur senni­
lega yfir mesta ónotuðu
landrými sveitarfélaga á
höfuðborg arsvæðinu að
ráða, sem um leið tryggir
bæjarfé laginu lykilstöðu í
þróun höfuðborgarsvæði­
sins í framtíðinni.Kannski líður senn að því að Kópavogur verði önnur „borgin“
sem verður til á Íslandi.
kópaVogur 60 Ára
styrmir Gunnarsson, fyrrverandi ritstjóri
Morgunblaðsins, skrifar hér að beiðni
Frjálsrar verslunar um upphafsár Kópa­
vogsbæjar og þátt tengdaforeldra sinna,
Finnboga Rúts Valdimarssonar og Huldu
Jakobsdóttur, í mótun bæjarins.