Bæjarins besta - 29.07.2010, Síða 8

8 FIMMTUDAGUR 29. JÚLÍ 2010
Um 200 keppendur tóku þátt í á árlegu Sparisjóðsmóti Ung-
mennafélags Bolungarvíkur sem haldið var í blíðskaparveðri í
Bolungarvík á laugardag. Mótið er einn stærsti viðburður ársins
hjá ungu knattspyrnufólki á norðanverðum Vestfjörðum.„Þetta
gekk rosa vel og var mjög skemmtilegt. Veðrið hefur alltaf sitt að
segja og við fengum þessa einmuna blíðu. Í fyrsta sinn í langan
tíma fengum við lið í gistingu en keppendur komu frá Herði frá
Patreksfirði. Svo voru einnig keppendur frá Ísafirði, Súðavík og
Suðureyri,“ segir Helga Jónsdóttir ein af skipuleggjendum móts-
ins. Keppendur voru í 5.-8. flokki karla og kvenna en í þeim leika
ungmenni sem fædd eru árin 1998-2004. Að móti loknu á laugardag
var boðið upp á grillveislu og frítt var í sund í Bolungarvík. Sig-
urjón J. Sigurðsson kom við á mótinu og tók þar meðfylgjandi
myndir.
200 keppendur á
Sparisjóðsmóti